سلسلة دروس يوم الأحد أرجو التثبيت

تقليص

عن الكاتب

تقليص

showman2 مسلم اكتشف المزيد حول showman2
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سلسلة دروس يوم الأحد أرجو التثبيت

    سلسلة دروس الأحد هى عبارة عن دروس مقدمة فى قالب مبسط مرح تخاطب القلب والعقل تحتوى كل منها على تساؤلات تعتمل داخل كل مسيحى من شعب الكنيسة ولا يجد عليها إجابات مقنعة فى كتابه ، وربما يمنعه الخوف من سؤال الأباء فى الكنيسة لئلا يرمونه بالكفر أو أنه بأسئلته تلك تخرجه من دائرة الإيمان ، وقد يكون متيقناً أنه لو سأل فلن يجد إجابة تشفي غليل الباحث الصادق.
    لذلك رأيت أن أقدم تلك الدروس توضح ما فى المسيحية من متناقضات فأبينها وما فيها من أقوال صادقة نطق بها المسيح وتشهد بأنه نبى وليس إله وأفند البدع التى قامت عليها العقيدة المسيحية ، وليس المقصود بها السخرية فهى أبعد من ذلك ولكنى أقدمها بشكل مرح تقبله النفس ولاتعافه ، والأسماء المستخدمة للشخصيات الحوارية هى أسماء حركية لا تمت لأى من الأسماء الموجودة على الساحة الآن حتى ولو تشابهت معها فها أولاً وآخراً مجرد أسماء لشخصيات حوارية يتطلبها الحوار.

    دمتم بخير ..
    أخوكم رضا شومان
    [line]-[/line]


    سنبدأ بإذن الله سلسلة دروس يوم الأحد وسنبدأ بالدرس الأول ثم إستراحة ثم الدرس الثانى
    الدرس رقم ( 1 )
    الخطية
    يلقيه الأب إسطفانوس عريان

    صباح الفل والياسمين ونعمة المسيح معاكم
    النهاردة حنتكلم عن موضوع الخطية ببساطة شديدة علشان تفهموها وتفهموا ليه هى فضلت فينا. بعد ما أبونا آدم أكل من شجرة المعرفة إللى ربنا قال له إوعى تأكل منها علشان لو كلت منها موتآ تموت، ربنا حكم عليه بالموت لآن ربنا عادل وما يرجعش فى كلامه فطرده من الجنة لأنه بصراحة خاف إن آدم ياكل من شجرة الحياة ويعيش على طول زيه زى الرب وزى الملايكة علشان كده طرده وفى نفس الوقت ربنا بيحبه ، طب ربنا يعمل إيه ؟ واحب أقول بالمناسبة دى اوعوا تسمعوا المسلمين لما يقولوا إن آدم ندم بعد الأكل من الشجرة وطلب من ربنا يسامحه ويغفرله خطيئته وإن ربنا قبل توبته وسامحه وعفا عنه هو وحوا يعنى الخطية إتشالت واتمسحت بأستيكة . يا سلام ! يا سلام ! طب آمال المخلص جاى ليه . ده ربنا من حبه لينا بعت إبنه مخصوص علشان يخلصنا من اللعنة دى علشان الله محبة. آدم أخطأ ولازم ياخد جزائه واحد يقولى وإيه ذنبنا احنا أبونا هو إللى غلط وليه نتحمل غلطه وإن الكتاب المقدس بيقول إن أخطاء الأباء لا يتحملها الأبناء أقوله الكلام ده كان زمان يا حبيبى قبل ما يجى المخلص
    يرد واحد من المستمعين طيب ما هو المسيح قال إنه جاى يكمل الناموس مش يهدمه وأن الناموس لا يسقط منه حرف واحد حتى يكمل الكل
    بلاش فزلكة وحياة آبوك انت باين عليك متصاحب على مسلمين ومالين دماغك بالكلام ده ، يا أبنائى صدقونى الرسول بولس إلغى الناموس ومفيش حد حيدخل الملكوت مع المسيح الإ إللى بيحب المسيح المخلص لإنه جه علشانى وعلشانك وعلشان الناس كلها
    يرد شخص آخر طيب ما المسلمين بيحبوا المسيح وهما بيعترفوا بكده حيخوشوا
    الملكوت برضه يا آبونا
    إيه حكايتكم النهارده هى شوطة جت فيكم والا إيه ، وبالعند فيك مش حاأرد على سؤالك !
    نكمل بقى ،علشان آدم أخطأ لازم ياخد جزائه وعلشان آدم مات ولاده إللى هما احنا شايلين جوانا خطيئة آبونا ، بالظبط زى الدين لما يكون واحد واخد من واحد فلوس والشخص ده مات يقوم الشخص الثانى ياخد حقه من ولاد الشخص إللى مات أنا عارف إنه مثل بعيد شوية لأن آدم ما خدش حاجة ولا إستلف حاجة هو أكل تفاحة واحدة ولآن الجزاء من جنس العمل فمش معقول ربنا حياخد من كل واحد مننا تفاحة ، المهم أنا مبسط المسئلة وبقول المثل ده علشان تفهموا. طيب ربنا يعمل إيه وهو بيحبنا ومش عاوزنا نبقى بعيد عنه ومن ناحية تانية مش عاوز يخالف عدله قام بعت إبنه علشان يخلصنا من اللعنة دى ويشيلها هو علشان كده الرسول بولس قال عليه إنه ملعون ودى حقيقة إن المصلوب ملعون .
    يرد الشخص الأول يعنى لما أقول لأخى ملعون آبوك ما يبقاش عيب ولا شتيمة وانت لما تخطىء يا آبونا ربنا حيحاسبنا إحنا على خطئك ولا انت بس آبونا مجازآ
    طيب ما ممكن تكون بنوة المسيح للرب مجازآ وتكون إبوة الرب للمسيح أيضآ مجازآ
    يحمر وجه القسيس ويخضر ويصفر وكأنه لم يسمع ويستمر، وعلشان كده ربنا بعت إبنه علشان يخلصنا من خطيئة آبونا آدم ونرجع نلتصق بيه وبرحمته ، وإبنه خلصنا على الصليب لما أعدائه ضربوه وأهانوه وقتلوه .
    يرفع واحد من الحاضرين إصبعه ، أيوه يا صمويل عاوز تقول حاجة
    مش حضرتك يا آبونا قلت إن آدم فيه الخطية واحنا فينا الخطية لأننا إحنا ولاده
    يعنى إحنا زى آبونا آدم بالظبط يعنى إحنا واحد صح ، يبقى هنا آدم أخطأ مرتين أول مرة لما أكل من الشجرة وتانى مرة لما قتل إبن الله على الصليب . يعنى بدل ما ربنا يشيل الخطية عن آدم وذريته حملهم بخطية تانية وهى قتل إبنه .
    يصمت القسيس ويحتار فى الرد ويتصبب عرقه ويفكر هل يقول لهم إن الرب شال عنهم خطية التفاحة وخلى عليهم خطية قتل إبنه لأن خطية التفاحة أهم وأكبر من خطية قتل إبن الرب ووحيده هل يقول لهم إن المخلص جاء ليسيل دمه ويضرب ويبصق عليه ويطعن بالحربة ويصلب ليموت بسبب تفاحة واحدة إنه شخصيآ غير مقتنع بذلك ولا يصدقه وإن الأقرب للتصديق ويقبله العقل هو للأسف ما ذكره كتاب المسلمين من أن الله غفر لآدم بعد أن طلب آدم من الرب أن يسامحه، وأخيرآ يشيح بوجهه بعيدآ عن صمويل وهويقول نكمل يوم الأحد إللى جي ، سلام المسيح معكم جميعآ

    وأخر دعوانا ان الحمد لله رب العالمين
    والصلاو والسلام على خاتم النبيين وسيد المرسلين
    رسولنا الكريم محمد صلى الله عليه وسلم
    Showman2







  • #2
    درس الأحد ( 2 )

    درس الأحد ( 2 )
    سلام المسيح عليكم
    النهاردة حنكمل بقية درس يوم الأحد إللى فات ومش عاوز آى حد يتكلم أو يعلق المطلوب منكم إنكم تأمنوا بقلوبكم وبلاش عقولكم تفكر إلا فى المحبة وحبة حبة
    حتفهموا الأمور إللى فاكرينها صعبة دلوقت وملهاش تفسير زى مثلآ الثالوث وإزاى يكون الأب والأبن والروح شخص واحد مع إنهم فى الظاهر ثلاثة لأى واحد مش فاهم والحقيقة أنا شايف إننا مفروض نقول بسم الأب الأبن الروح القدس إله واحد وبلاش حرف الواو إللى معناه زائد أو إضافة إلى ويفيد التعدد لأن أبائنا عدى عليهم الموضوع ده لما جم وضعوا قانون الإيمان بتاعنا ومخدوش بالهم خالص ، لأن حرف الواو لما نيجى نطبقه ونقول فلان و فلان معناه إثنين فلان و فلان يبقواثلاث فلانات ومنقدرش نقول عليهم إنهم فلان واحد ، ومنقدرش نقول ميخائيل و مينا و سامى شخص واحد عمومآ الموضوع ده حنتكلم عليه ونحاول نفهمه بقلوبنا فى درس منفصل وتكون معانا وسائل إيضاح ، مثلآ حأطلب من كل واحد إنه يجيب معاه برتقالة ومثلث وبرجل ومنقلة ومسطرة و قرص عجوة مستدير علشان نشبهه بقرص الشمس ، وقلم رصاص علشان نرسم بيه الشعاع ، وكمان كل واحد يجيب معاه ترابيزة المكوة بتاعتهم علشان يحط عليها وسائل الإيضاح بتعته .
    ودلوقت نكمل موضع خطية آدم إللى من أجلها جاء المسيح يشيلها عنى وعنك وعنا كلنا ونحاول نرد على البعض إللى بيقول إن موضوع الخطية وآدم لم يذكرها أحد فى الأناجيل الأربعة ولم يتكلم عنها المسيح له المجد أو يشير إليها لا من قريب ولا من بعيد !
    وهنا بقى الحلاوة والروعة لأن إبليس لما جرب المسيح لم يعرف إن المسيح إبن الله لأن الأب كان عامل خطة متخرش الميه يضحك بيها على إبليس علشان تنجح خطة الفداء لذلك لم يذكرها البشير متى ولا البشير مرقص ولا البشير لوقا ولا البشير يوحنا الحبيب لأنهم لم يعرفوا موضوع الخطة . ولأن إبليس لو عرف إن المخلص جاى فداء عن الخطية بتاعة آبونا آدم كان إبليس خطفه وأسره حتى لا يتم الفداء ، وممكن كان ياخده رهينة ويساوم الأب عليه وتبقى مشكلة !
    يرفع أحدهم إصبعه بتردد وخوف
    أيوه ياجرجس عاوز تقول حاجة أيوه يا آبونا هو إبليس أقوى من الأبن وأقوى من الأب علشان يخبوا عنه موضوع الفداء وخايفين الخطة تنكشفبلاش يا جرجس وحياة أبوك حرف الواو ده تانى إللى لسه متكلمين عنه لأن الأثنين واحد الأب هو الأبن ! يا ريت تكون فهمت ( لم يجاوب القس على سؤال جرجس ) بعدين حتفهم المهم واحدة واحدة وحبة حبة وهى دى المحبة !.
    جرجس مرة اخرى يعنى يا أبونا نقدر نقول إن ربنا نفذ حكم الموت على نفسه ومات على الصليب لأنه هو الأب وفى نفس الوقت هو الأبن وان إبليس كان بيجرب الأب إللى هو فى نفس الوقت الأبن وإنه صعد بالأب الأبن إلى مكان عالى جدآ وخلاه يشوف جميع الممالك ، طيب مش غريبة يا آبونا إن إبليس يقدر يشيله على كتفه ويطير بيه ولما حضرتك يا آبونا بتقول إن الأبن هو الأب وإنهم واحد آمال الكتاب المقدس بيقول ليه إنه أرسل إبنه الوحيد يعنى واحد أرسل واحد تانى تانى غيره ( واسقط فى يد القس فلم يرد )
    اقعد يا جرجس يا أبنائى لازم الواحد منكم يأامن بكل ما جاء فى الكتاب المقدس
    وإللى مصحاب واحد مسلم يبعد عنه لأنهم بيحاولوا يشككوكم فى الإنجيل وبإنه محرف ومفيش إنجيل زى التانى وبيتكلموا عن المتناقضات ويقولوا ملهاش حصر ولاعدد
    يرد ويصا ده بيقولوا عن المسيح له المجد إنه خروف وإنه مذكور فى الكتاب المقدس إنه خروف ورب الأرباب وكل إللى بيحاربوا الخروف الخروف حيغلبهم وبيقولوا علينا إننا خرفان علشان بناكل جسد الرب الخروف ونشرب دمه فبقينا خرفان زيه .
    يرد القسيس أيوه إحنا خرفان من ظاهرنا بس جوانا اسود بتظهر ساعة ما احنا عاوزين ونقتل وندمر ونولع حرايق ونخلى الدم للركب وننسى المحبة. إحنا يا إبنائى لازم نتلون بكل لون زى ما قال بولس الرسول .
    نرجع للدرس وأقول لكم كل واحد يأامن زى يوحنا الحبيب إللى كان بينام على صدر المسيح والمسيح كان بيحبه وبيبوسه على طول وهو إللى تبع المسيح لما المسيح إتقبض عليه وجم الجنود يقبضوا على يوحنا الحبيب سقط ردائه وهو يهرب وكان بلبوس زى امه ما ولدته لأنه كان متعود دايمآ يلبس الرداء على عريه بدون ملابس داخلية ( الرداء بشبه العباءة ومفتوح من الإمام )، حتى لما المسيح له المجد لما قام من الموت وذهب إلى البحر وكان يقف على الشط أول من رأه من بعيد وتعرف عليه كان يوحنا الحبيب وكان موجود مع الرسول بطرس وكان الرسول بطرس عارى بلبوس خالص فلما أخبره يوحنا
    برؤيته للرب رمى بنفسه فى الماء لأنه إتكسف إن المسيح يشوفه مع يوحنا الحبيب وهو عريان بلبوس خالص لإن المسيح عارف إن حبيبه يوحنا بيبقى عريان تمللى إلآ من رداء خارجى يلبسه على عريه وعارف إنه بيحب ينام على الصدر !
    علشان كده يا أبنائى بنلاقى إسم عريان متداول كتير بينا ومن أحب الأسماء إلى قلوبنا وإللى بيحبها شعب الكنيسة ويا ريت، ياريت إنتوا تكونوا زى يوحنا الحبيب
    وتكونوا مثل جميع آباء الكنيسة إللى بيحاولوا يقلدوا يوحنا الحبيب فى بساطة ملابسه !
    وقبل أن ترتفع الأصابع الكثيرة للإستفسار قال القس
    نكمل يوم الأحد إللى جاى سلام المسيح لكم جميعآ
    وآخر دعوانا ان الحمد لله رب العالمين
    والصلاة والسلام على خير خلقه كلهم محمد صلى الله عليه وسلم
    Showman2






    تعليق


    • #3
      السلام عليكم ورحمة الله وبركاته
      يرد شخص آخر طيب ما المسلمين بيحبوا المسيح وهما بيعترفوا بكده حيخوشوا
      الملكوت برضه يا آبونا
      إيه حكايتكم النهارده هى شوطة جت فيكم والا إيه ، وبالعند فيك مش حاأرد على سؤالك !
      طبيعى ما يرد .........هيقول إيه دا

      النهاردة حنكمل بقية درس يوم الأحد إللى فات ومش عاوز آى حد يتكلم أو يعلق المطلوب منكم إنكم تأمنوا بقلوبكم وبلاش عقولكم تفكر إلا فى المحبة
      هههههه .................كالعادة عقولهم فى التلاجة

      جزاك الله خيرا أستاذshowman2 موضوع رائع

      وإن شاء الله ......... أكمل السلسلة والحمد لله على نعمة الإسلام

      تعليق


      • #4
        المشاركة الأصلية بواسطة solema مشاهدة المشاركة
        السلام عليكم ورحمة الله وبركاته


        طبيعى ما يرد .........هيقول إيه دا



        هههههه .................كالعادة عقولهم فى التلاجة

        جزاك الله خيرا أستاذshowman2 موضوع رائع
        وبارك الله فيك إبنتى الفاضلة solema

        وإن شاء الله ......... أكمل السلسلة والحمد لله على نعمة الإسلام
        أرجو لك وقت ممتع مع الدروس فهى تتشرف بمطالعتك لها






        تعليق


        • #5
          موفق بإذن الله ... لك مني أجمل تحية .

          تعليق


          • #6
            بارك الله فيك اخونا شومان وجعله الله في ميزان حسناتك
            وبارك الله فيك على حديثك الماتع والشيق الذي تبين فيه
            عوار عقيدة النصارى ومثالبها بشكل راقي وفيه روح الدعابه الخفيفه
            والله اسال ان يجعلك سببا في هداية هؤلاء لدين الحق انه ولي ذلك والقادر عليه
            وتحياتي لك وجزاك الله خيرا على ما قدمته وتقدمه من دروس فيها فكرة وعبرة لمن يعتبر

            تعليق


            • #7
              المشاركة الأصلية بواسطة ابو الاسود مشاهدة المشاركة
              بارك الله فيك اخونا شومان وجعله الله في ميزان حسناتك
              وبارك الله فيك على حديثك الماتع والشيق الذي تبين فيه
              عوار عقيدة النصارى ومثالبها بشكل راقي وفيه روح الدعابه الخفيفه
              والله اسال ان يجعلك سببا في هداية هؤلاء لدين الحق انه ولي ذلك والقادر عليه
              وتحياتي لك وجزاك الله خيرا على ما قدمته وتقدمه من دروس فيها فكرة وعبرة لمن يعتبر
              بارك الله فيك أخى الكريم
              هذا والله كلام طيب فما زلت أتسول العلم لم ابارح موضعى
              ولكن علينا الدعوة وعلى الله الهدى والتدبير
              اللهم اجعلنا سببآ لهداية من تريد
              وتثبيتآ لمن تحب
              سعدت بمرورك ومداخلتك أكرمك الله






              تعليق


              • #8
                هههههههههههههههههههههههههههه بجد حاجه تموت من الضحك ايه الهبل الى بيقلوة ده
                ده بجد ولا هزار
                يعنى فعلا الكلام دة بيتقالهم فى الكنيسه دة مصيبه سوده ##### ان شاء الله وهما بيصدقو العبط دة
                هى دى عقيتدهم ######### مع انهم بيكونو شطرين فى المدارس امال ايه الخيبه دى

                جزاك الله اخى الكريم بجد ضحكتنى جدا
                التعديل الأخير تم بواسطة (((ساره))); 15 سبت, 2010, 02:04 ص. سبب آخر: رفقًا أخي الكريم

                تعليق


                • #9
                  هههههههههههههههههههههه مواضيع جامده جدا باركك الرب أخى جزاك الله خيرااااا

                  تعليق

                  مواضيع ذات صلة

                  تقليص

                  المواضيع إحصائيات آخر مشاركة
                  ابتدأ بواسطة ابن النعمان, 7 ينا, 2024, 10:13 م
                  ردود 0
                  32 مشاهدات
                  0 معجبون
                  آخر مشاركة ابن النعمان
                  بواسطة ابن النعمان
                   
                  ابتدأ بواسطة *اسلامي عزي*, 21 سبت, 2023, 02:27 ص
                  ردود 0
                  33 مشاهدات
                  0 معجبون
                  آخر مشاركة *اسلامي عزي*
                  بواسطة *اسلامي عزي*
                   
                  ابتدأ بواسطة Mohamed Karm, 21 يون, 2023, 01:43 م
                  ردود 0
                  64 مشاهدات
                  0 معجبون
                  آخر مشاركة Mohamed Karm
                  بواسطة Mohamed Karm
                   
                  ابتدأ بواسطة *اسلامي عزي*, 6 يون, 2023, 01:44 ص
                  ردود 4
                  52 مشاهدات
                  0 معجبون
                  آخر مشاركة *اسلامي عزي*
                  بواسطة *اسلامي عزي*
                   
                  ابتدأ بواسطة mohamed faid, 23 ماي, 2023, 12:04 م
                  ردود 0
                  19 مشاهدات
                  0 معجبون
                  آخر مشاركة mohamed faid
                  بواسطة mohamed faid
                   
                  يعمل...
                  X