درس الأحد (21 ) صلب الصورة !!!

تقليص

عن الكاتب

تقليص

showman2 مسلم اكتشف المزيد حول showman2
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • درس الأحد (21 ) صلب الصورة !!!

    درس الأحد ( 21 )
    صلب الصورة
    الواعظ الأب
    محتاج
    سلام ونعمة
    التلاميذ
    سلام ونعمة
    الأب محتاج
    النهاردة وعظتنا حتكون عن خلاص الفادى وكلمة الله
    المتجسدة يسوع له المجد ابن الله وحيده الذى خلصنا على الصليب بدمه وفدانا من لعنة الخطية وصالحنا مع الرب
    تريزا
    ليه يابونا مابنقلش صالحنا مع نفسه بدلآ من صالحنا مع الرب ، هو مش هو نفسه ؟
    الأب محتاج
    آى نعم الفادى هو الأبن الأقنوم الثانى أحد أضلاع المثلث الذهبى فى الثالوث الأقدس وهو كلمة الأب المتجسدة والتى وقع عليها الصلب ومع ان الكل واحد
    إلآ ان لكل منهم عمله الخاص به
    فصيح
    يعنى الصلب يابونا حدث لواحد من التلاتة بس والباقى لأ
    الأب محتاج
    لأ
    فصيح
    يبقى إزاى كلهم واحد
    الأب محتاج
    الصلب حدث للناسوت فقط
    تريزا
    يعنى الصلب لم يحدث للاقنوم الثانى وهو الأبن
    الأب محتاج
    الناسوت واللاهوت ( الكلمة ) لم يفترقا طرفة عين
    فصيح
    انت يابونا مش لسه بتقول الصلب حدث للناسوت فقط
    الأب محتاج
    يابنى اللاهوت سابه على الصليب والناسوت قعد ينده عليه الهى .. الهى لما شبقتنى
    ناصح
    ما انت لسه بتقول لم يتركة طرفة عين
    تريزا
    أنا عاوزة أعرف يابونا إيه ناسوت وإيه لاهوت
    الأب محتاج
    اللاهوت روح غير مرئى يعنى ماحدش يقدر يشوفه
    إيلى هو الكلمة
    والناسوت انسان زينا كده
    فصيح

    لحد كده حلو قوى
    نيجى بقى للانجيل إيلى بيقول ان الله نزل وتجسد فى مريم آخذآ صورة عبد ، وخلى بالك الرسول بولس بيقول ان الله بنفسه هو إيلى نزل وتجسد مش كلمته
    المهم دلوقت
    الأب محتاج
    لأ استنى الله وكلمته واحد لأنها لا تنفصل عنه
    فصيح
    ماشى ولا يهمك المهم إيلى تجسد فى صورة المسيح هو اللاهوت مش كده، واللاهوت عبارة عن روح
    يعنى الروح بقى فى صورة المسيح إزاى بقى الروح يهرب على الصليب ويسيب صورته تتصلب ؟ !!
    تريزا
    يعنى الصورة هى إيلى اتصلبت مش الاقنوم التانى ؟
    الأب محتاج
    مش فاهمك انت بتلخبط كده ليه ؟
    فصيح
    ده أنا بحاول أبسطهالك يابونا ، طيب حديلك مثل
    الشيطان ده مش روح ، يعنى منقدرش نشوفه
    طيب لوتجسد فى صورة كلب يابونا مش فى الحالة دى نقدر نشوفه زى مااحنا شايفينك دلوقت ، طيب لو طردنا الشيطان ده إيلى هو روح ببعض التعاويذ وهرب ، هل ستظل صورة الكلب امامنا أم تختفى بإختفاء الشيطان ؟
    نبسطها أكتر
    اللاهوت هو روح غير منظور
    الشيطان هو روح غير منظور
    اللاهوت نراه فقط عندما يتجسد
    الشيطان نراه فقط عندما يتجسد
    اللآهوت تجسد قى صورة المسيح
    الشيطان تجسد فى صورة كلب
    اللاهوت انصرف من على الصليب
    الشيطان هرب بقراءة التعاويذ
    عندما نطرد الشيطان وينصرف هل ستظل صورته ككلب امامنا أم ستختفى بإختفائه ؟
    وكمل انت بقى الباقى
    الأب محتاج
    إيه هو إيلى أكمله ؟
    فصيح
    يعنى اللاهوت كان متجسد فى صورة المسيح وكان على الصليب ، لما اللاهوت يترك الصليب ، هل ستظل صورته على الصليب أم تختفى بإختفائه ؟وإزاى اللاهوت يكون إله لصورته ؟
    وإزاى صورته تنادى عليه وتقوله سبتنى ليه ؟

    تريزا
    تحليلك حلو قوى يافصيح ومنطقى جدآ
    الأب محتاج
    حلو قوى ومنطقى ، بص يابنى انت لو رحت الاستوديو وخليت المصوراتى يصورك صورة كبيرة وحطيت الصورة دى فى البيت بتاعكم أو علقتها على الحيطة عندك فى الأوضه ، وبعد كده انت خرجت بره البيت صورتك إيلى على الحيطة حتختفى ولا حتفضل مكانها !!
    فصيح
    اش جاب ده لده هو أنا وصورتى إيلى على الحيطة ما بنفارقش بعض لطرفة عين ، وبعدين هل فى امكان صورتى تنزل من على الحيطة وتتكلم وتاكل وتشرب وتنام جنبى على السرير وتروح المدرسة بدالى وتعملى الواجب بتاعى وتلعب مع اصحابى، وانت يابونا لو ليك صورة ممكن صورتك تروح الكنيسة وتعمل القداس بدالك ، وهل فى امكان أى واحد انه يصلب صورتك
    نبيه
    لأ ما يقدرش حد يصلب صورته بس ممكن يبصق عليها ويحرقها !! وكمان فيه حاجة مهمة صورة الواحد قبل تحميضها بتبقى عبارة عن عفريته فهل مرالأقنوم الثانى بهذه المرحلة
    فصيح
    يعنى بالعربى يابونا سيبك من حكاية طرفة عين وسيبك من حكاية الناسوت واللاهوت
    ناصح
    إيلى أنا عاوز أقوله يابونا ان لعنة أبونا آدم لأكله من الشجرة ، واللعنة دى كانت سبب طرده من الجنة وموته الروحى وستتأثر ذريته من بعده بهذه اللعنة
    واحنا بنقول ان الله محبة ومحب لعباده ، فهل بعد خطأ آدم وطرده من الجنة كان فى نية الله ان يصالح آدم بفداء ابنه أم ان هذا لم يكن فى تقديره حاشاه
    الأب محتاج
    أكيد كان فى تقدير الله ان يرسل ابنه ليفدينا على الصليب
    ناصح
    أين ذلك (ويفتح كتابة) على سفر التكوين ويقرأ
    3: 23 فاخرجه الرب الاله من جنة عدن ليعمل الارض التي اخذ منها
    3: 24 فطرد الانسان و اقام شرقي جنة عدن الكروبيم و لهيب سيف متقلب لحراسة طريق شجرة الحياة

    هل قال الله لآدم أنت مطرود إلى حين أو إلى وقت معين ؟
    هل قال الله لادم انت مطرود من الجنة حتى ارسل ابنى لتقتله فداءآ عنك ؟
    هل قال الله لآدم سوف أنزل بنفسى واتجسد واصلب نفسى من أجلك حتى اصالحك ؟
    هل قال الله لآدم معلش ياآدم آهى فترة وحاتعدى
    وبعدين أرجعك تانى للجنة ، بس بعد ما أبعت ابنى ويتصلب فداءآ لخطيتك ؟

    أم عندما وقع آدم فى الخطية وتم طرده من الجنة لم يكن لله ولد وقت ذلك ؟
    نبيه
    أول إمبارح يابونا كان فيه فيلم عربى أبيض واسود بيتعرض فى التلفزيون وكان عن العرب زمان إيلى بنقول عليهم غزاة وإرهابيين، قلت اتفرج عليهم من باب معرفة الآخر وكان الفيلم عن فترة ما قبل الاسلام وظهرت فيه الكعبة وناس قاعدين يلفوا حواليها وفى إيديهم حاجات قاعدين يخبطوها فى بعض ويصفروا صفارات غريبة
    ولقيت ناس قاعده تعمل تماثيل للألهة من العجوة وتعرضها على الناس وكان أحدهم يقول تعالى اشترى منى
    اله حلو تحطه جنب فرشتك ويحميك ويحفظلك سرك ، وبعدين الراجل لما جاع وملقاش حد يشترى منه الإله العجوة فأكله
    بيشوى
    الراجل أكل إلهه ياى ياى ده حيوان !!
    مكرم
    ياى ياى ، وايه الغريب فى كده ما احنا كمان بناكل إلهنا انت ناسى ولا إيه ؟
    الأب محتاج
    من فضلكم .. من فضلكم
    خلينا فى موضوعنا ، أنا عاوز أسئلكم سؤال
    انتو كده على طول مع كل الأباء الوعاظ إيلى بيدوكوا
    الوعظ
    نبيه
    احنا بنتكلم يابونا لما بنلاقى حاجة غريبة بتتقال وما يصدقهاش العقل
    الأب محتاج
    ماهى المشكلة إنه مطلوب منا الإيمان فقط
    فصيح
    إزاى يابونا والسيد المسيح قال فتشوا الكتب
    الأب محتاج
    بس مش مطلوب مننا نفتش ورا الكنيسة
    واحنا ماشيين ورا قداسة أبونا علشان احنا مش حنفهم أكتر منه !!!!!
    التلاميذ
    يعنى بالعربى نلغى عقولنا
    الأب محتاج
    بالظبط
    نتقابل الاسبوع الجاى
    سلام ونعمة
    التلاميذ
    سلام ونعمة
    وآخر دعوانا ان الحمد لله رب العالمين
    لا شريك له


    بسم الله الرحمن الرحيم
    لَّقَد كَفَرَ الَّذِينَ قَآلُوا إِنَّ اللّهَ هُوَ المَسِيحُ ابنُ مَريَمَ قُلۡ فَمَن يَملِكُ مِنَ اللّهِ شَيئًا إِن أَرَادَ أَن يُهلِكَ المَسِيحَ ابنَ مَريَمَ وَأُمَّهُ وَمَن فِى الأَرضِ جَمِيعًا وَلِلّهِ مُلكُ السَّمَاوَاتِ وَالأَرضِ وَمَا بَينَهُمَا يَخلُقُ مَا يَشَآءُ وَاللّهُ عَلَىٰ كُلِّ شَىءٍ قَدِيرٌ (المائدة)







مواضيع ذات صلة

تقليص

المواضيع إحصائيات آخر مشاركة
ابتدأ بواسطة ابن النعمان, 7 ينا, 2024, 10:13 م
ردود 0
32 مشاهدات
0 معجبون
آخر مشاركة ابن النعمان
بواسطة ابن النعمان
 
ابتدأ بواسطة *اسلامي عزي*, 21 سبت, 2023, 02:27 ص
ردود 0
33 مشاهدات
0 معجبون
آخر مشاركة *اسلامي عزي*
بواسطة *اسلامي عزي*
 
ابتدأ بواسطة Mohamed Karm, 21 يون, 2023, 01:43 م
ردود 0
64 مشاهدات
0 معجبون
آخر مشاركة Mohamed Karm
بواسطة Mohamed Karm
 
ابتدأ بواسطة *اسلامي عزي*, 6 يون, 2023, 01:44 ص
ردود 4
52 مشاهدات
0 معجبون
آخر مشاركة *اسلامي عزي*
بواسطة *اسلامي عزي*
 
ابتدأ بواسطة mohamed faid, 23 ماي, 2023, 12:04 م
ردود 0
19 مشاهدات
0 معجبون
آخر مشاركة mohamed faid
بواسطة mohamed faid
 
يعمل...
X