درس الأحد (35 ) عد على صوابعك

تقليص

عن الكاتب

تقليص

showman2 مسلم اكتشف المزيد حول showman2
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • درس الأحد (35 ) عد على صوابعك

    درس الأحد ( 35 )
    عد على صوابعك
    الواعظ الأب بحه
    سلام ونعمة
    التلاميذ
    سلام ونعمة
    الأب بحه
    احنا محتاجين نعوض الرغى إللي حصل فى الوعظة إللي فاتت ونستفيد النهاردة على أد ما نقدر
    احنا خلاص ياولاد قربت السنة تخلص واحنا لسه ما خلصناش
    فصيح
    أيوه بس لسه فيه أسئلة كتيرة محتاجة لإجابة ، هو مش كله وعظ
    الأب بحه
    زى إيه ياغلباوى ؟
    فصيح
    مثلآ
    بالنسبة لفترة كرازة يسوع بالبشارة وما أورده الانجيل من أحداث لو حسبناها حسب ما رواها الانجيل وهى عبارة عن تنقلات ما بين الجليل ووادى قدرون واورشليم وكفر ناحوم وما حولهم فلن تبلغ العشرة أيام قول نصف شهر أو خليها شهر ، فأين ما تبقى من الثلاث سنوات والثلاث أشهر فهى مخفية لا نعلم عنها شيىء
    فهل تمت تنقية الأناجيل بحيث تقتصر على الجانب المشرق فى حياة يسوع وهل كانت هناك جوانب شخصية من حياته لا تخدم قضية تأليهه فتم إستبعادها
    نبيه
    كيف حكم أهله بإنه مختل ( ونحن ننزهه عن ذلك ) وما الذى دفعهم للحكم عليه بإنه مختل ، هل رأوا إنه غير متزن عقليآ
    الأب بحه
    ربما كانوا مستغربين لأفعاله
    فصيح
    هل من المحتمل انهم رأوه وهو يكلم نفسه
    الأب بحه
    احتمال قوى فعلآ
    فصيح
    ربما كان يوحى إليه من الله وهو يردد خلف الملاك وأهله غير مدركين لذلك فاعتقدوا انه يكلم نفسه
    الأب بحه
    لا .. لا هذا مستبعد كيف يوحى إليه وهو الرب
    فصيح
    انت لسه حضرتك بتقول احتمال قوى فعلآ
    نبيه
    عندما أخبروه ان امه واخوته بالخارج لماذا كان يطلبه الجميع بمعنى ليست امه وحدها من كانت تطلبه أو أحد من إخوته أو بعض من إخوته ولكن نقرأ ان الجميع كانوا يطلبونه بالخارج والجميع هنا هم مريم واخوته يعقوب ويوسي وسمعان ويهوذا. يعنى خمسة أفراد واقفين بره فى إنتظاره
    وهذا مرتبط بأنه كان فى نظرهم مختل
    3: 21 و لما سمع اقرباؤه خرجوا ليمسكوه لانهم قالوا انه مختل
    فهل كانت امه واخوته لا يعلمون شيىء عن قيامه بالكرازة أو البشارة أو إنه مرسل من الله أبيه ؟
    أليس هذا يتنافى مع ما جاء بالانجيل من قول الملاك لها بأن المولود منها سيخلص شعبه من خطاياهم وسيكون عظيمآ ويملك على بيت يعقوب
    إبتسام
    جاء فى الانجيل إنه أحيا ليعازر وبالنسبة لإبنة قائد المائه فإنها لم تكن ميته وإنما كانت غائبة عن الوعى ولو كانت ماتت بالفعل وقال يسوع إنها لم تمت لكان كاذبآ ( وهو ليس كذلك ) إذآ هى كانت حقآ غائبة عن الوعى أو فى غيبوبة مرضية وشفاها يسوع بإذن الله
    والحالة الثانية التى ذكرت فى الانجيل كانت للشاب الذى كانوا يحملونه فى طريقهم لدفنه فأحياه يسوع ( بإذن الله ) وسلمه لأمه ومش عارف بصراحة إيه معنى وسلمه لأمه اومال مفروض يوديه فين ؟
    فصيح
    يعنى يسوع ماخدوش يقضى معاه ليلة يعلمه فيها أسرار الملكوت زى ما حصل مع ليعازر
    إبتسام
    وقصته كما وردت فى لوقا
    ولما اقترب من باب المدينة، إذا ميت محمول، وهو ابن محمول، وهو ابن وحيد لأمه التي كانت أرملة، وكان معها جمع كبير من المدينة، فلما رآها الرب، تحنَّن عليها، وقال لها: "لا تبكي!" ثم تقدم، ولمس النعش، فتوقف حاملوه، وقال: "أيها الشاب لك أقول: قم!" فجلس الميت، وبدأ يتكلم، فسلَّمه إلى أمه، فاستولى الخوف على الجميع، ومجدوا الله قائلين: "قد قام فينا نبي عظيم وتفقد الله شعبه
    أما ليعازر فقصته هى
    فرفعوا الحجر حيث كان الميت موضوعا ورفع يسوع عينيه الى فوق وقال ايها الآب اشكرك لانك سمعت لي. وقد علمت أنك دوماً تسمع لي، ولكني قلت هذا لأجل الجمع الواقف حولي ليؤمنوا أنك أنت أرسلتني
    بمعنى ان الله أعطاه الأذن بإحياءالأثنين دول فقط وان معجزة إحياء الموتى الممنوحة له من الله كانت محدودة وليست على المشاع
    الأب بحه
    لا . كانت عامة حتى ان ذلك مذكور فى كتاب المسلمين
    وَتُبْرِئُ االْأَكْمَهَ ووَالْأَبْرَصَ بِإِذْنِي ۖ وَإِذْ تُخْرِجُ الْمَوْتَى
    تريزا
    كمل يابونا (بِإِذْنِي) ماتقطمش الكلام
    ناصح
    إذآ بماذا تفسر إحياءه لهذان الشابان فقط ، وهل خلال ثلاث سنوات لم يمت أحد إلآ هذان الشابان فى الجليل واورشليم والأماكن التى يكرز فيها ببشارته !!!
    لو كان إحياءه لكل الموتى مشاعآ كما تقول حضرتك لذكر الانجيل ان أهالى الموتى كانوا يتكدسون فى طوابير طويلة امام بيته ليسئلوه أن يحي لهم موتاهم
    الأب بحه
    وماتنساش ان القبور تشققت وخرجت منها أجساد القديسين ودخلوا المدينة عندما إنشق حجاب الهيكل عندما صرخ يسوع وهو على الصليب كما ذكر متى
    ناصح
    هذه فرقعة من متى
    فيسوع لم يطلب منهم القيام من الموت أو الخروج من القبور ولم يسئله أحد أن يحييهم من جديد

    تريزا يمكن متى عاوز يقول ان دى مظاهرة من القديسين دعت إليها جمعية الموتى للإحتجاج ولتعبر عن رفضها لإضطهاد الرب وصلبه
    نبيه
    احنا فى الوعظة إللي فاتت قلنا ان الرب نزل ودخل بطن مريم وقعد تسع شهور ومش حتكلم فى موضع ترك نفسه ووضع نفسه وإللى البعض فسر معنى وضع نفسه إلى إتضاع وتواضع منه وهو ما يخالف مقصد بولس لأن وضع نفسه عند بولس مرتبطه بإخلاء نفسه لأن دى لوحدها عاوزة قاعدة تانية قصدى وعظة تانية ، المهم إنه خرج وقد أخذ شبه إنسان يعنى صورة إنسان ، وإللي أنا أعرفه لما واحد ياخد صورة كذا يعنى ان صورته مغايرة للصورة إللي أخدها
    تريزا
    إدينا مثال يانبيه علشان ابونا يفهم انت بتقصد إيه
    نبيه
    مثل مدرس محترم لابس بدلة قام قلع بدلته ولبس لبس مهرج من بتوع السرك وحط مكياج على وشه وعمل هالات حوالين عينيه وحوالين فمه وكبر ودانه ولبس طرطور كبير
    يبقى هنا غير شكله وخد صورة غير صورته ..صح
    نيجى بقى للموضوع بتاعنا ولله المثل الأعلى بيقول
    بولس ان الله أخذ شبه انسان وصورة عبد إللي هو يسوع
    وكلمة خد صورة يعنى خد صورة خلاف صورته .. صح
    طيب سفر التكوين بيقول ان الله عمل الانسان على صورته وعلى مثاله ، بمعنى ان الانسان زى ما بيقول السفر على صورة الله فعلآ يبقى إزاى الله أخد صورة الانسان طالما انهم على صورة واحدة ... وصلت يابونا ولآ لسه ؟
    دى حاجة .. الحاجة التانية الصورة بتاعة الانسان ده إللي هى فى الأصل اللاهوت زى ما بيقولوا عملت إللي عليها واتصلبت وتممت الفداء ودفنوها وقامت من الموت تانى يعنى اللاهوت هو من تم صلبه
    يبقى لازمته إيه يفضل اللاهوت بعد قيامته من الموت فى صورة الانسان إللي بولس قال إنه أخدها ويصعد بهذه الصورة إلى السماء ويجلس بها عن يمين الله ، يعنى بتبسيط أكتر الصورة إللي خدها أدى بها واجب ، لازمتها إيه يخدها معاه فوق !! ، المفروض إنه على حسب كلامكم يخلع الشبه ده ويسيبه ويصعد زى مانزل ، ولا هو نزل فى صورة انسان قبل ما يدخل بطن مريم ؟
    ناصح
    أما الانجيل فقال ان الكلمة دخلت بطن مريم وتجسدت فيه ثم خرجت بعد تسعة أشهر الحمل فى شكل يسوع ، ثم سموا الكلمة بعد كده لاهوت الكلمة ، ولا ندرى كيف تصير الكلمة لاهوت مساوى لله ، طيب الانسان إللي هو زى مابتقولوا إنه على صورة الله ومثاله
    كلمة هذا الانسان المولودة منه يعنى إللي نطقها ممكن تصير إنسان ومساوية له ونقدرنسميها إنسانية الكلمة ، يعنى كلمتى تبقى إنسان زيها زي وممكن تجيب كرسى وتقعد على يمينى
    أنا صحيح باستغرب إزاى كلمتى يطلع لها إيدين ورجلين وعينين وفم وسنان ولسان وكمان تتكلم زيها زي ، ويبقى احنا الاتنين بنتكلم، ياسلام لو كان ده ينفع ولما واحد يسئل واحد انت بتكلم مين ياوهبه ووهبه يقول لا مؤاخذة دقيقة واحدة ياجماعة أنا بس بكلم كلمتى ، أو واحد يقول أنا كنت سهران امبارح بره سهرة عجب والتانى يقوله لوحدك يرد عليه ويقوله سهران لوحدى ده إيه ؟ لأ طبعآ كلمتى كانت سهرانة معاى ، إيه الكلام إللي بيتقالنا ده يابونا ؟
    وكمان المصيبة لما اختلفوا مع بعض
    الأب بحه
    مين دول إللي اختلفوا ؟
    ناصح
    بولس وكتبة الأناجيل
    بولس قال ان الله هو إللي نزل ودخل بطن مريم
    وكتبة الانجيل قالوا ان الكلمة هى إللي دخلت
    ولما ضافوا للكلمة وبقت لاهوت الكلمة واتولدت من مريم فى شكل إنسان وهو يسوع فقالوا إنه إبن الله
    فأصبحت هناك إشكاليه بولس بيقول إنه الله
    والأناجيل قالت إنه إبن الله
    فقالوا حيث كده نخللى الله أب
    ونخللى الكلمة ابن
    وبعدين لما لقوا ان ده حيبقى شرك قالوا ان الاتنين واحد
    وان الأب هو الأبن وبعدين ضافوا ليهم الروح بعد كده وقالوا ان التلاتة واحد ، رغم ان البعض بيقول ان الروح منبثق من الأب ، والبعض التانى إللي هما غير البعض الأول قالوا ان الروح منبثق من الأب والأبن
    رغم انه فى بداية سفر التكوين مكتوب ( وكانت الارض خربة و خالية و على وجه الغمر ظلمة و روح الله يرف على وجه المياه)
    واخد بالك انت من ( وكان روح الله ) والعبارة دى لآ فيها ابن ولا يحزنون
    تريزا
    وكل ما يقولوا حاجة تظهر فيها ثغرة يقعدوا يرفوا فيها
    بالأبرة والفتلة علشان يسدوها ويلاقوا طلعت ثغرة تانية فى حتة تانية وهكذا
    فصيح
    انتوا يابونا ما بتزهقوش من اللخبطة إللي بتعملوها كل شوية بالشطحات التفسيرية الولبية الألتفافية الأجتهادية اللامقبولية ، ولآ انتوا بتقلدوا المجمعات التعاونية المسكونية
    مايكل
    المهم ياأخى الواحد بيستغرب من الناس إللي تقعد تلاوع وتناور وتقلك أصل وفصل والحكاية والرواية وبولس فهم الفولة وعرف الحقيقة إللي ماكنش يعرفها حد ولا الجن نفسه ، حتى ان الروح القدس إللي بنقول عليه إنه الاقنوم التالت وإللي ساق التلامذة لكتابة الانجيل معرفش ان يسوع هو الله
    طيب ياسادة انتوا ماشفتوش تصريح يسوع نفسه وده لوحده كفاية للتدليل على حقيقته عندما قال
    أتريدون ان تقتلوني وانا انسان قد كلمكم بالحق الذي سمعه من الله.
    الأب بحه
    انت كده يابنى بتفكرنى بمدرس ال math بتاع كىجىتو فى المدرسة التجريبية إللى فيها حنا ابن اختى والمدرس ده كان يعرفنى شخصيآ لأنى كنت دايمآ بأوصيه على الواد حنا
    وفى يوم سئل الولد وقاله واحد وواحد وواحد يبقوا كام الولد عد على صوابعه وقاله تلاته الولد أصله شاطر وبعدين قاله باباك وانت وخالك تبقوا كام الواد برضه عد على صوابعه وقاله برضه تلاته المدرس قاله ابقى روح وقول الكلام ده لخالك ، الواد لما جه من المدرسة وقاللى واحد وواحد وواحد يبقوا كام وقبل ما انطق قاللى عد على صوابعك الأول عديت وانا باضحك وقلتله تلاته قاللى برافو وبعدين قاللى بابا وأنا وانت نبقى كام عديت على صوابعى وقلتله تلاته كنت متوقع ان الولد يقوللى برافو لاقيته بيقوللى امال انتوا بتقولوا الأب والأبن والروح يبقوا واحد ليه ، انتوا ما بتعرفوش تعدوا على صوابعكم أنا فى اللحظة دى ركبنى عفريت خصوصآ لما عرفت ان مدرس ال math قال للولد ابقى قول الكلام ده لخالك ، وقلت هى حصلت اش دخل مدرس ال math فى الدين ورحت على طول على المدرسة بتاعة الولد وعملت هليلة وقلت إيه علاقة ال math بالدين ، المدرس قاللى هو مالوش دخل بالدين وان هو بيسئل الولد عن مجموع واحد وواحد وواحد يبقوا كام ، وقاللى احنا بنعلم الولد الصح وانتوا إللي بتعلموه الغلط !!
    بيشوى
    أكيد يابونا رد الاستاذ خليك احتديت
    الأب بحه
    لأ . فى الواقع خلانى اتبليت
    مايكل
    وإيه علاقة الكلام ده بالموضوع بتاعنا
    الأب بحه
    أبدآ أنا بقول انك بتفكرنى بالمدرس ده إللي ما يعرفش ان واحد وواحد وواحد يساوا واحد !!!!
    وكفاية كده أوى النهاردة ياولاد لأنى حاسس جسمى سخن وداخله عليا أنفلونزا .
    نبيه
    بس إياك ماتكونش خنازير
    ناصح
    يابختك ياعم بضيوفك
    الأب بحه
    يالآ باى
    التلاميذ
    باى


    وآخر دعوانا ان الحمد لله رب العالمين
    لا شريك له


    بسم الله الرحمن الرحيم
    وَيَوْمَ الْقِيَامَةِ تَرَى الَّذِينَ كَذَبُوا عَلَى الله وُجُوهُهُم مُّسْوَدَّةٌ أَلَيْسَ فِي جَهَنَّمَ مَثْوًى لِّلْمُتَكَبِّرِينَ ﴿الزمر: ٦٠﴾







  • #2
    تعرف يا أستاذ / شومان 2

    لو النصارى فعلا يسألون كما يتسائل من فى هذا الوعظ

    وكل تناقض سألوا عنه ولم يجدورا ردا مقنع من الواعظ

    أعتقد أنهم سيصلوا إلى الحق بأسهل الطرق ولكن هناك أشياء نحظور يسألوا فيها وإلا سيطردوا من الملكوت وأو سينالوا غضب آب الكنيسة

    وهنا نتذكر مقولة إيه

    صدق ولابد أن إيه تصدق

    عرض رائع يا أخى أستمر على بركة الله
    إستوقفتنى آية ( ليشارك الجميع ) -- أستوقفنى حديث رسول الله ... متجدد

    من كلمات الإمام الشافعى رحمة الله عليه
    إن كنت تغدو في الذنوب جليـدا ... وتخاف في يوم المعاد وعيــدا
    فلقـد أتاك من المهيمن عـفـوه
    ... وأفاض من نعم عليك مزيــدا
    لا تيأسن من لطف ربك في الحشا
    ... في بطن أمك مضغة ووليــدا
    لو شـاء أن تصلى جهنم خالـدا
    ... ما كان أَلْهمَ قلبك التوحيـدا
    ●▬▬ஜ۩۞۩ஜ▬▬●
    أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ
    ●▬▬ஜ۩۞۩ஜ▬▬●

    تعليق


    • #3
      بارك الله فيك ياأبو مريم
      رب مستمع لا يسمع لك الآن ويسمع لك غدآ
      ورب مستمع تحسبه سامع لك حتى وان بدا
      دى اسمها شومانيات
      سررت بمرورك يامسلم






      تعليق


      • #4
        جزاك الله خيراً أستاذنا شومان ..
        رائع ماشاء الله ..
        لكن أنا بدأت أشك في هوية التلاميذ !!
        ياترى إيه اللي هيحصل في الآخر ؟!!
        وبحة ده !! معندوش شخصية خالص !!

        وحضرتك والله نبهتنا لموضوع مهم ..
        المدرسين المسلمين عليهم عامل كبير في محاولة ضبط فطرة أطفال النصارى !!
        لأن التعليم في الصغر كالنقش على الحجر ..
        يعني المدرس ممكن يثير في نفس الطفل النصراني تساؤلات .. ليبحث عنها في مراهقته أو عندما يكبر ..

        جزاك الله خيراً .. متابعون إن شاء الله ..
        .. منْ أُلقيَ عنهُ حُبُّ المالِ فقدْ اسْترَاح ..

        تعليق


        • #5
          بسم الله الرحمن الرحيم
          السلام عليكم ورحمة الله وبركاته

          اخي الحبيب شومان بارك الله فيك وزادك حكمة

          وكنت عاوز تحرمنا من الجمال ده
          عيب عليك

          شـكــ وبارك الله فيك ـــرا لك ... لك مني أجمل تحية .

          تعليق


          • #6
            لو عندك طبق ونزل فيه نقطة مية ونزلت على نقطة المية نقطة مية يبقوا كام نقطة ؟؟؟؟؟؟؟؟؟؟؟؟؟؟؟؟؟
            (يبقوا) واحدة ..

            فكرة جديدة لإخوانا النصارى لإقناعنا إن واحد زائد واحد زائد واحد يساوي واحد ..

            هدانا الله لما يحب ويرضى .. وبارك فيكم أجمعين ..

            تعليق


            • #7
              المشاركة الأصلية بواسطة الشهيدة مشاهدة المشاركة
              جزاك الله خيراً أستاذنا شومان ..
              رائع ماشاء الله ..
              لكن أنا بدأت أشك في هوية التلاميذ !!
              ياترى إيه اللي هيحصل في الآخر ؟!!
              وبحة ده !! معندوش شخصية خالص !!

              وحضرتك والله نبهتنا لموضوع مهم ..
              المدرسين المسلمين عليهم عامل كبير في محاولة ضبط فطرة أطفال النصارى !!
              لأن التعليم في الصغر كالنقش على الحجر ..
              يعني المدرس ممكن يثير في نفس الطفل النصراني تساؤلات .. ليبحث عنها في مراهقته أو عندما يكبر ..

              جزاك الله خيراً .. متابعون إن شاء الله ..
              بارك الله فيك أختى الفاضلة
              من دواعى سرورى أن تتابعى دروسى فهذا شرف لى
              وحقآ كما قلت فإن على الأباء الذين يدخلون أبناءهم مدارس أجنبية لإكتساب اللغات أن يراقبوا أولادهم وما يعطى لهم والطفل كالحجر سهل النقش عليه وما يحصله فى هذا السن الخطر يثبت فيه فما بالنا بالمفاهيم الخاطئة التى تؤثر على العقيدة







              تعليق


              • #8
                المشاركة الأصلية بواسطة ayatmenallah مشاهدة المشاركة
                بسم الله الرحمن الرحيم
                السلام عليكم ورحمة الله وبركاته

                اخي الحبيب شومان بارك الله فيك وزادك حكمة

                وكنت عاوز تحرمنا من الجمال ده
                عيب عليك

                شـكــ وبارك الله فيك ـــرا لك ... لك مني أجمل تحية .

                بارك الله فيك أخى أيات من الله
                فقد أخجلتمونى حقآ ،إنما أبتغى بما أقدمه وجه الله ومرضاته وصالح المؤمنين
                وأن يصل ما نكتبه من الحق إلى القلوب الغافلة لعلها به تهتدى إلى الطريق القويم







                تعليق


                • #9
                  المشاركة الأصلية بواسطة _الساجد_ مشاهدة المشاركة
                  لو عندك طبق ونزل فيه نقطة مية ونزلت على نقطة المية نقطة مية يبقوا كام نقطة ؟؟؟؟؟؟؟؟؟؟؟؟؟؟؟؟؟
                  (يبقوا) واحدة ..

                  فكرة جديدة لإخوانا النصارى لإقناعنا إن واحد زائد واحد زائد واحد يساوي واحد ..

                  هدانا الله لما يحب ويرضى .. وبارك فيكم أجمعين ..
                  ليس هناك أبلغ مما قاله الطفل بتاع كى جى تو ( انتوا مابتعرفوش تعدوا على صوابعكم )
                  سرنى مرورك والله ياابو عبد الرحمن
                  لاحرمنا الله من تعليقاتك






                  تعليق


                  • #10
                    بارك الله فى كل من شارك بكلمة أو أعطى رأيآ بالقطع سوف أستفيد منه






                    تعليق


                    • #11
                      بسم الله الرحمن الرحيم
                      أولاً
                      السلام عليكم ورحمة الله وبركاته

                      ما زال الإسلام في أوج قوته وإتساعه

                      بارك الله فيك أخي
                      أنت بالفعل حارس العقيدة

                      تعليق


                      • #12
                        المشاركة الأصلية بواسطة ابن العقيده مشاهدة المشاركة
                        بسم الله الرحمن الرحيم
                        أولاً
                        السلام عليكم ورحمة الله وبركاته

                        ما زال الإسلام في أوج قوته وإتساعه

                        بارك الله فيك أخي
                        أنت بالفعل حارس العقيدة
                        وبارك الله فيك أخى الكريم
                        سرنى مرورك






                        تعليق

                        مواضيع ذات صلة

                        تقليص

                        المواضيع إحصائيات آخر مشاركة
                        ابتدأ بواسطة ابن النعمان, 7 ينا, 2024, 10:13 م
                        ردود 0
                        32 مشاهدات
                        0 معجبون
                        آخر مشاركة ابن النعمان
                        بواسطة ابن النعمان
                         
                        ابتدأ بواسطة *اسلامي عزي*, 21 سبت, 2023, 02:27 ص
                        ردود 0
                        33 مشاهدات
                        0 معجبون
                        آخر مشاركة *اسلامي عزي*
                        بواسطة *اسلامي عزي*
                         
                        ابتدأ بواسطة Mohamed Karm, 21 يون, 2023, 01:43 م
                        ردود 0
                        64 مشاهدات
                        0 معجبون
                        آخر مشاركة Mohamed Karm
                        بواسطة Mohamed Karm
                         
                        ابتدأ بواسطة *اسلامي عزي*, 6 يون, 2023, 01:44 ص
                        ردود 4
                        52 مشاهدات
                        0 معجبون
                        آخر مشاركة *اسلامي عزي*
                        بواسطة *اسلامي عزي*
                         
                        ابتدأ بواسطة mohamed faid, 23 ماي, 2023, 12:04 م
                        ردود 0
                        19 مشاهدات
                        0 معجبون
                        آخر مشاركة mohamed faid
                        بواسطة mohamed faid
                         
                        يعمل...
                        X