يوميات عم رمضان العين بالعين

تقليص

عن الكاتب

تقليص

showman2 مسلم اكتشف المزيد حول showman2
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يوميات عم رمضان العين بالعين

    يوميات عم رمضان
    العين بالعين

    عم رمضان
    مالك إتأخرت ليه الليلة ؟
    مش عادتك
    الشيخ حسن
    كانت فيه مشكلة حصلت النهاردة الضهر بين جماعة أبو هريدى وجماعة سمعان
    عم رمضان
    ودى سببها إيه ؟
    الشيخ حسن
    سببها العيال
    عم رمضان
    وإنت دخلك إيه ؟
    الشيخ حسن
    أصل الشيخ سكر شيعلى ياخد رأي
    عم رمضان
    الله
    والشيخ سكر مالــه ؟
    الشيخ حسن
    ماهم راحوله علشان يفتيهم
    عم رمضان
    يفتى لمين ؟
    الشيخ حسن
    ياأخى يفتى فى إللي حصل
    عم رمضان
    طيب ما تحكيلى الحكاية ؟
    الشيخ حسن
    ماهو لو كنت طولت بالك حبة كنت حاحكى لوحدى من غير ماتسئلنى
    عم رمضان
    مانى عارف إنك ما بتتبلش فى بُقك فولة
    الشيخ حسن
    الواد طلحة كان واقف مع العيال وفى إيده نبلة بيلعب بيها
    فجت عصفورة حطت على الشجرة ومكانش شايفها
    فالعيال قالوا إلحق يا طلحة عصفورة أهى فوق الشجرة فوقف ينشن عليها بالنبلة بتاعته
    فجه الواد زكريا وحاش إيده وقال لطلحة ياطلحة حرام يمكن ليها ولاد بتربيهم
    فطلحة إيده إتهزت وقت ما الطوبة كانت طالعة من النبلة
    فجت فى عين الواد مينا وفختتها
    أهله قالوا إن الواد طلحة قاصدها
    وصحابه قالوا ده كان بينشن على العصفورة وإيده إتهزت بالنبلة
    أهل الواد أبو عين مفخوتة قالوا هاتوا طلحة نفخت عينه
    زى ما فخت عين مينا
    أهل طلحة قالوا بس طلحة مش قاصد يفخت عينه
    ده كان قصده يصطاد العصفورة
    قالوا إشمعنى الطوبة ماجتش إلآ فى عين مينا
    قالوا ده كان بينشن على العصفورة مش على عين الواد مينا
    قالوا وإحنا إيش درانا مايمكن قاصد يفخت عينه
    ولزماً وحتماً إحنا كمان نفخت عينه
    وكتابكم بيقول
    النَّفْسَ بِالنَّفْسِ وَالْعَيْنَ بِالْعَيْنِ وَالأَنفَ بِالأَنفِ وَالأُذُنَ بِالأُذُنِ وَالسِّنَّ بِالسِّنِّ وَالْجُرُوحَ قِصَاصٌ
    ناس دخلوا فى الموضوع وقالوا نروح للشيخ سكر يفتينا
    أهل الواد طلحة قالوا وإحنا موافقين وإللي الشيخ سكر يحكم بيه يمشى عليكوا وعلينا
    ولما راحو للشيخ سكر الشيخ سكر شيع جابنى ياخد رأي
    قالوا مين إللي حيحكى الأول ؟
    قالوا الواد عواد يحكى أهو كان واقف معاهم يتفرج
    سكرقال للواد عواد إحلف على الختمة إنك تقول الحق
    وبعد ماحلف عواد على الختمة إبتدى يحكى وقال
    الواد طلحة كان عاوز يصطاد عصفورة
    فمسك النبلة بتاعته ونشن
    جه زكريا يحوشه
    النشان فى إيده إتلخفن
    والطوبة فختت عين مينا
    الشيخ سكر قال للواد عواد إيه إنت حتشعر ما تتكلم دوغرى
    عواد قال زكريا حاش إيد طلحة وقال ياطلحة حرام يمكن ليها ولاد بتربيهم
    فالنبلة إتهزت فى إيد طلحة والطوبة جت فى عين مينا
    سكر قال للواد طيب والعصفورة ؟
    عواد قال طارت مفيش حاجة صابتها
    سكر قال يعنى عينه مكانش قاصد يفختها
    قال لأ مش قاصد
    جماعة سمعان قالوا وإحنا إيش درانا مايمكن الواد كان متسلط علشان غيران من مينا
    الشيخ سكر مال ناحيتى وقاللي بصوت واطى إيه رأيك
    يا شيخ حسن ؟
    قلتله معقولة أفتى فى المسئلة وسكر فى المدينة قصدى وسكر فى الكفر
    قاللي يعنى ماعندكش فكرة بالقصاص وأحكام أهل الذمة ؟
    قلتله البركة فيك يا شيخ سكر
    وبعد كدة إلتفت ناحيتهم وقال بصوا بقى ياجماعة علشان نعرف إذا كان قاصد يفخت عين مينا ولا كان قاصد هو العصفورة
    إحنا نروح تحت الشجرة ونجيب العيال نُوقفّها زى ما كانت واقفة
    ونخلى طلحة يوقف وفى إيده النبلة ومينا يكون واقف هو كمان فى مكانه
    ونقول لطلحة ياطلحة فيه عصفورة واقفة أهى فوق الشجرة
    يقوم طلحة ماسك النبلة وينشن على مكان العصفورة
    وزكريا يجى يحوشه ويقوله حرام يمكن ليها ولاد بتربيهم
    فالنبلة حتتهز فى إيد طلحة وتخرج منها الطوبة
    لو جت الطوبة فى عين مينا يبقى الواد طلحة قاصدها
    ولو راحت غادى بعيد عنه يبقى كان قاصد بيها العصفورة
    إيه رأيك فى الفتوى دى يا شيخ حسن ؟
    تمام مش كدة ؟
    قلتله يا سلام يا شيخ سكر إنت باب من أبواب العلم
    أبو مينا قال كلام إيه ده يا شيخ سكر ؟
    إنت عاوزه يفخت للواد عينه التانية وتتطلع كمان مش مقصودة ماتردوا ياعالم
    الجماعة إللي واقفين قالوا ماتقول حاجة يا شيخ حسن حتفضل كدة ساكت ؟
    قلتلهم والله ياجماعة أنا شايف
    قصدى أأٌقول حترضوا بالحكم بتاعى
    قالوا إتكلم
    قلت إحنا نجيب العصفورة ونسئلها
    هو طلحة كان قاصد يصطادك
    ولا كان قاصد يفخت عين مينا
    لو قالت كان قاصد يصطادنى يبقى الواد طلحة براءة
    وتعطوله دية بدل الخضة
    ولو قالت كان قاصد يفخت عين مينا
    ساعتها نجيب طلحة ونفخت عينه والشاهد هو العصفورة
    عم رمضان
    وبعدين ؟
    الشيخ حسن
    أنا يادوب خلصت الفتوى بتاعتى ولقيت الكل نازل فيّا تلطّيش وقالولى وده وقت تهرج فيه
    عم رمضان
    عندهم حق والله عصفورة إيه إللي حيسئلوها يا شيخ حسن ؟
    الشيخ حسن
    أهو ده إللي حصل يا شيخ رمضان
    عم رمضان
    طيب عملوا إيه بعد كدة ؟
    الشيخ حسن
    واحد من الموجودين قال حاأخطف رجلى أجيب الشيخ محسن وأجى
    عم رمضان
    كل ده وسايبين الواد عينه تتصفى ؟
    الشيخ حسن
    نسيت أأقولك إن عم الواد وامه وجماعة من جيرانهم أخدوه على الإسبتالية
    عم رمضان
    والواد ده عنده كام سنه ؟
    الشيخ حسن
    عشر سنين من عمر الواد طلحة
    عم رمضان
    يعملوها العيال ويقعوا فيها الُكبار
    المهم حد إطمن على الواد أخباره إيه ؟
    الشيخ حسن
    مانا قلتلهم ياريت حد يطمنا على مينا
    رد أبوه وقال
    الواد عينه خسرت ياجماعة
    أبو طلحة قال مش مقصودة
    وواحدة تبعهم راحت واقفة ومنطورة
    ورقعت بالصوت الحيانى وقالت
    يقطع سنين العصفورة
    عين الواد إتصفت بالطوبة
    قالوا الطب هو إللي حيحكم وإن شالله ماتكون معطوبة
    وشوية وجه الشيخ محسن والناس قاعدة وملطوعة
    وبعد ما حكى واحد منهم الحكاية
    قالوا يا شيخ محسن عاوزينك تحكم حسب الشرع
    الشيخ محسن سئل عن سن الواد طلحة قالوا عشر سنين فى عمر الواد مينا
    الشيخ محسن قال لو حنحكم بالشرع فيه شروط للقصاص فيما دون النفس
    جماعة سمعان قالوا يعنى إيه دون النفس ؟
    الشيخ محسن قال يعنى القتل
    وبالنسبة للعين لو كان الواد طلحة قاصد وبالغ نفخت عينه
    جماعة سمعان يعنى إيه بالغ ؟
    الشيخ محسن قال : بالغ أى بلغ سن التكليف ، لأن من شروط القصاص
    أن يكون الجانى عاقلا بالغًا فإن كان مجنونًا أو صبيَّا صغيرًا لا يقتص منه.
    وإنتوا بتقولوا إن عمر الواد عشر سنين أى إنه قاصر ثم إنه غير قاصد يفخت عين صاحبه فيسقط عنه القصاص وتجب عليه نصف الدية لوجود تماثل
    جماعة سمعان قالوا إحنا مش فاهمين حاجة ؟
    الشيخ محسن قال تماثل يعنى الواحد يكون له عين تانية أو إيد تانية أو رجل تانى وفقد واحدة منهم ياخد نصف الدية ولو فقد الإتنين ياخد الدية كاملة
    أبو طلحة سئل الشيخ محسن وتطلع أد إيه الدية ؟
    الشيخ محسن قال
    تقدر بـ 4250 جرامًا من الذهب أى يجب عليكم نصفها
    بس الكلام لو إحنا ماشيين حسب الشرع
    ردوا جماعة سمعان وقالوا إومال إيه ؟
    الشيخ محسن قال إحنا فى مصر بنطبق قانون العقوبات المصرى المأخوذ عن القانون الفرنسى
    وإللي بنطبقه فقط هو قانون الأحوال الشخصية حسب الفقه الإسلامى وللأسف القانون المصرى لا يعترف بالدية
    ردوا جماعة سمعان وقالوا يبقى كان أحسن لنا لو مصر كانت ماشية حسب الشرع
    عم رمضان
    وبعدين
    الشيخ حسن
    وإحنا قاعدين بنتكلم جه عم الواد مينا وقال الحمد لله الدكاترة قالوا إن العين سليمة وإن الدم نتيجة جرح فى الجفن إللي فوق مع وجود إلتهاب بسيط حيروح بالعلاج
    عم رمضان
    طب الحمد لله قدّر ولطف
    التعديل الأخير تم بواسطة عاشق طيبة; 3 نوف, 2013, 03:49 م. سبب آخر: تعديل كلمة







  • #2
    الحمد لله إنها جت سليمة

    جزاك الله خيرا يا أستاذنا
    شومان
    إستوقفتنى آية ( ليشارك الجميع ) -- أستوقفنى حديث رسول الله ... متجدد

    من كلمات الإمام الشافعى رحمة الله عليه
    إن كنت تغدو في الذنوب جليـدا ... وتخاف في يوم المعاد وعيــدا
    فلقـد أتاك من المهيمن عـفـوه
    ... وأفاض من نعم عليك مزيــدا
    لا تيأسن من لطف ربك في الحشا
    ... في بطن أمك مضغة ووليــدا
    لو شـاء أن تصلى جهنم خالـدا
    ... ما كان أَلْهمَ قلبك التوحيـدا
    ●▬▬ஜ۩۞۩ஜ▬▬●
    أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ
    ●▬▬ஜ۩۞۩ஜ▬▬●

    تعليق


    • #3
      عيب على أبو مينا ما يطالبش العمل بكتابهم .. المفروض يقدم له العين الثانية

      تعليق


      • #4
        الأخوة الأعزاء
        مسلم للأبد
        wael_ag

        تسلم الأيادى






        تعليق


        • #5
          والموضوع خلص على كدة ?
          الشيخ حسن
          أبو الوله مينا قال ربنا موجود
          قلتله ونعم بالله واجد الوجود
          والشيخ سكر قال لجماعته سوّوا لينا حبة الشاى
          الشيخ محسن قال لأبو الواد يعنى لولا لُطف الله
          إبنك كانت عينه إتصفت
          كنت حتجيب حقه إزاى ؟
          كنت حتروح تعمل محضر فى النقطة وحيشدوا الواد طلحة وابوه ويحولوهم على المركز وسين وجيم
          والواد قاصر تمام زى إبنك وأهل طلحة حيوكلوا محامى وإنت كمان حتوكل محامى وحيضحك عليك ويقولك حاجيبلك تعويض ومحاميين التعويض وما أدراك حيسحب منك تل فلوس والقضية تتطلع فى الأخر فشنك لأن العيال كلها شاهدة إن طلحة كان بينشن على العصفورة وواد جه يحوشه إتهزت النبلة فى إيده
          يعنى الحكاية مش مقصودة وتبقى إنت وإبنك خسرتوا هو عينه وإنت فلوسك
          سمعان قال صدقنى ده كان قاصد عين الواد
          الشيخ محسن قال أدى إحنا فيها هات أى واحد وحنديله نبلة ونقوله نشن بيها على بيضة وأفتكر البيضة أكبر من عين مينا
          وخليه ينشن عليها ميت مرة وتعالى قابلنى لو صابها
          سمعان قال وليه ما يطبقوش شرع الله ؟
          قلتله علشان تاخد الدية ؟؟
          رد الشيخ محسن وقال كان حياخد الدية حتى لو طلحة مش متعمد ولو متعمد يبقى عين قصاد عين وبردو ياخد الدية مش ده أحسن من قانون الأحوال الجنائية
          سمعان قال طبعاً أحسن لأن كل واحد حياخد حقه
          ياريت يطبقوه
          الشيخ محسن قال مهو الناس بتطالب بيه وإنتوا مش راضيين
          سمعان قال لأ أنا راضى وأبصم بالعشرة
          الشيخ محسن قال كنيستك رفضاه مع إنه شرع الله
          سمعان قال يمكن رافضينه لحاجة تانية
          الشيخ محسن قال هما رافضينه علشان ده كلام إللي خلقنا ومكتوب فى كتابنا
          وهما يحبوا العمى ولا يسمعوش قرُءانًا
          عم رمضان
          وبعدين ؟
          الشيخ حسن
          وإحنا قاعدين نتحدت جماعة جم قالوا مينا جابوه وراح داره
          ولما أبوه سمع كدة إستأذن هو وجماعته وغاروا
          عم رمضان
          غاروا ؟؟؟؟
          الشيخ حسن
          قصدى إنهم مشيوا لا مؤاخذة بعد ما شربنا الشاى
          السجع أصله ماسكنى من الصبح ومطلع عينى
          عم رمضان
          يعنى بلاش أعملك شاى ؟
          الشيخ حسن
          شاى سكر مادخلش دماغى
          كان محليه على الأخر فجزع نفسى
          إنما شاى أم السعد مظبوط وبيبسطنى
          عم رمضان
          إعملى شاى ياام السعد للشيخ حسن علشان ينبسط
          أم السعد
          حاضر بس أشوف الأول مين بيخبط على الباب
          عم رمضان
          مين ياام السعد
          أم السعد
          ده محمد ورومانى
          إتفضلوا جوه ياجماعة
          *******






          تعليق

          مواضيع ذات صلة

          تقليص

          المواضيع إحصائيات آخر مشاركة
          ابتدأ بواسطة ابن النعمان, 7 ينا, 2024, 10:13 م
          ردود 0
          32 مشاهدات
          0 معجبون
          آخر مشاركة ابن النعمان
          بواسطة ابن النعمان
           
          ابتدأ بواسطة *اسلامي عزي*, 21 سبت, 2023, 02:27 ص
          ردود 0
          33 مشاهدات
          0 معجبون
          آخر مشاركة *اسلامي عزي*
          بواسطة *اسلامي عزي*
           
          ابتدأ بواسطة Mohamed Karm, 21 يون, 2023, 01:43 م
          ردود 0
          64 مشاهدات
          0 معجبون
          آخر مشاركة Mohamed Karm
          بواسطة Mohamed Karm
           
          ابتدأ بواسطة *اسلامي عزي*, 6 يون, 2023, 01:44 ص
          ردود 4
          52 مشاهدات
          0 معجبون
          آخر مشاركة *اسلامي عزي*
          بواسطة *اسلامي عزي*
           
          ابتدأ بواسطة mohamed faid, 23 ماي, 2023, 12:04 م
          ردود 0
          19 مشاهدات
          0 معجبون
          آخر مشاركة mohamed faid
          بواسطة mohamed faid
           
          يعمل...
          X