هو ليه كل اللى بيدخلوا الإسلام بنات؟ محمود داود يكتب: بالبلدى كده !!!!

تقليص

عن الكاتب

تقليص

معارج القبول دينى الاسلام اكتشف المزيد حول معارج القبول
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هو ليه كل اللى بيدخلوا الإسلام بنات؟ محمود داود يكتب: بالبلدى كده !!!!

    هو ليه كل اللى بيدخلوا الإسلام بنات؟

    محمود داود يكتب:

    بالبلدى كده !!!!




    Date: 2011-05-20 21:58:01





    بالبلدى كده:

    هو ليه كل اللى بيدخلوا الإسلام بنات ؟

    ده سؤال بيتسأل كتير جداً سواء على الفيس بوك أو خارجه..والغريب الكئيب المريب الرهيب إن اللى بيسال السؤال ده أغلبهم مسلمين !!! وكمان مسيحيين بيسألوا نفس السؤال !!
    وبصراحة مكذبش عليكم اللى بيسال السؤال ده مبستريحلهوش لإنه سؤال يدل على جهل متعمد .. أو هدفه التشكيك فى إسلام الأخوات ..وبيدعوا إن الموضوع وراه إثارة فتنة..أو فعلاً مش عارف .....ما علينا !!

    ببساطة !!

    لازم نوضح الفرق بين (( الدخول فى الإسلام)) وبين ((إشهار الإسلام))..

    الدخول فى الإسلام شرعاً: ان الفرد ينطق الشهادتين ..

    طيب ينفع الواحد يدخل فى الإسلام وينطق الشهادتين..لكن لا يعلنها أمام الناس ويخفى إسلامه؟ أيوة طبعاً ينفع وتمام التمام .

    طيب يعنى أيه ((إشهار الإسلام)) ؟!

    زى ما حضرتك بتشوف كده فى الفيديوهات,,بيطلع شخص معاه (وثيقة إشهار) بتكون من الأزهر..

    طيب وثيقة الإشهار اللى جابها من الأزهر دى هتفيده فى أيه ؟! دى هتفيده علشان مثلاً يغير إسمه فى البطاقة ويبقى دخل فى الإسلام شرعاً وقانوناً .


    طيب يا عم متزعلش نصحح السؤال ..

    ليه كل اللى بيشهروا إسلامهم بنات ؟!!!

    برضه ببساطة!!

    طبعاً أنت عارف ان السن القانونى لإشهار الإسلام لازم يكون( 18 سنه على الأقل)..جميل جداً

    ولو تلاحظ إن ده سن الزواج فى مصر لمعظم البنات .

    طيب لما البنت تكون مسيحية..وتدخل فى الإسلام .. ينفع تتزوج من شخص مسيحى؟ أكيد لأ لإن ده حرام شرعاً بنص القران الكريم..ولو مسلمة تزوجت من مسيحى هيبقى زنا .

    طيب أعرنى انتباهك بقى وركز معايا !!
    لنفرض ان فى بنت مسيحية..وأعتنقت الإسلام..وأخفت إسلامها وعايشة فى وسط أهلها تمام التمام..وفاجئة !! جالها عريس ..هترفضة علشان هى بقت مسلمة ومينفعش تتزوج مسيحى...جالها عريس تانى ..هترفضة برضة عادى..طيب لغاية أمتى ؟!!!!!

    تفتكر لما بنت مصرية تقعد ترفض فى كل عريس يتقدم لها !! هيكون أيه موقف أهلها منها يا ترى؟!! هيطعنوا فى شرفها أو هيغصبوها على الزواج لإنها بترفض بدون مبرر .

    يلا أنا طرحت عليك المشكلة..حلها بقى أنت يا اللى كنت بتسأل ليه كل اللى بيشهروا إسلامهم بنات !!
    فين الحل بتاعك ؟ انا لسه منتظر !
    طيب أنا عندى مشوار بعد بكرة..ولو فضلت منتظرك هتضيع عليا المشوار.
    خلينى أقولك أنا الحل بقى ...
    الحل هنخرجه من السؤال اللى كنت بتسأله ( ليه كل اللى بيشهروا إسلامهم بنات ؟! )
    لإن البنات المسيحيات لما بيدخلن الإسلام مش هينفع يتزوجن من مسيحى..فلازم طبعاً يشهرن إسلامهن فوراً فى الأزهر ويكون معاهم وثيقة رسمية معترف بها إنها مسلمة ولا يحل لها الزواج من مسيحى .... ها وصلتك الإجابة ولا لسه ؟

    بالله عليك بقى أيهما أفضل:
    تشهر إسلامها وتحافظ على نفسها ودينها ومتبقاش زانية ؟! ولا تكتم إسلامها وتتزوج من مسيحى ومتحافظش على دينها وتبقى زانية؟!

    انا عارف بيدور فى جمجمتك سؤال:

    طيب ولزمته أيه تتصور فيديو وينزل على النت؟!

    بالمناسبة تم تصوير الفيديوهات بعد قصة (الأخت كاميليا شحاتة) وأتعلمنا الدرس كويس من ساعتها..لإن لو كانت الاخت كاميليا أتصورت فيديو فى البداية..مكنش الموضوع بقى كده.
    المهم !!
    أى بنت مسيحية بتعتنق الإسلام وبتروح تشهر إسلامها أكيد هتترك منزلها..ولما بنت تترك منزلها ؟! هيقولوا عليها((مخطوفة)) وفعلاً أهلها بيقدموا بلاغ إنها مخطوفة ..
    ولما بينزل الفيديو على الإنترنت لأى بنت أشهرت إسلامها بيدحض تماماً فكرة إن البنت تكون مخطوفة..وبيكون ده دليل ضد أهلها إن البنت مش مخطوفة ..والبنت فى سن قانونى (18 سنه على الأقل) وأشهرت إسلامها والموضوع بينتهى... فهمت يا مولانا ولا لسه؟!

    طيب ليه مش بنشوف شباب بيشهروا إسلامهم بنفس عدد البنات ؟!
    أولاً يا أبو الشباب..لو أى شاب مسيحى و اعتنق الإسلام .. ينفع يخفى إسلامه زى ما قولنا سابقاً..ويعيش فى وسط أهله عادى جداً.
    طيب لو أهل الشاب المسيحى عرضوا عليه الزواج من بنت مسيحية ؟ هل يرفضها؟!
    لا ميرفضهاش لإنه حلال شرعاً ان الشاب المسلمي تزوج من بنت مسيحية ...وهنا بقى الفرق بين اعتناق البنت للاسلام وإعتناق الشاب للإسلام...إن البنت المسلمة مينفعش تتزوج من مسيحى..لكن ينفع الشاب المسلم يتزوج من بنت مسيحية.
    وبكده يبقى الشاب مش محتاج لإشهار إسلامه..ولا محتاج انه يترك بيت اهله..ولا هيبقى زانى لو تزوج من مسيحية ...
    عرفت بقى ليه مفيش شباب على الساحة بيشهروا إسلامهم؟!

    طيب ليه الشباب لما بيدخلوا فى الإسلام مش بيتصوروا فيديو؟!

    ما إحنا لسه قايلين لإنهم مش محتاجين لإشهار إسلامهم بنفس مقدار حاجة البنت لإشهار إسلامها.
    وكمان قولنا انه هيبقى قاعد فى وسط اهله ويتزوج من مسيحية كمان..وحتى لو تغيب عن منزله..أهله هيعملوا محضر أيه؟ محضر (خطف) ؟ هو فى شباب بتتخطف؟!
    أعتقد الإجابة وصلتك.

    طيب النصارى بيقولوا إن البنات بيدخلوا فى الإسلام علشان بيكونوا فى علاقة حب مع شباب مسلمين ؟!
    ....
    وجالك قلب ونفس تقول كده؟! بقى كل العدد ده من البنات بيدخلن الإسلام علشان يتزوجن من شباب مسلم؟!
    ليه هى المسيحية مفيهاش رجالة ولا أيه يا كابتن ؟! الله يرحمك يا رجولة

    خلاص انعدمت الرجولة وسط شباب النصارى علشان البنات يروحوا يدوروا عليها فى شباب المسلمين؟! عيب لما تقول كده يا جنتل ..مش كده ولا أيه؟!

    وبعدين بقى لما كل البنات دى بيدخلن فى الإسلام علشان علاقات حب وكلام من ده.. يبقى أنت كده بتشكك وبتعيب فى أبوك وامك .. لإن أبوك وأمك معرفوش يربوا أختك النصرانية اللى بتدخل فى الإسلام .. اما أبهات وأمهات آخر زمن صحيح ..بقوا مش عارفين تربوا بناتكم لدرجة انهم قربوا كلهم يدخلن فى الإسلام ؟! يا عيب الشوم !!!

    طيب معلش بقى ليه البنت بتكون لابسه نقاب..ولما بتتصور بتكشف وشها امام الناس؟!

    سؤال جميل بس ملهوش معنى بصراحة ..
    لإن ده بيكون بداية إرتداء البنت للنقاب.. يعنى بعد ما بتتصور الفيديو ..بترتدى النقاب ومش بتكشف وشها تانى.. وصلتك المعلومة ولا لسه شوية؟!

    وبعدين بالله عليك يعنى لو البنت اتصورت ونزل لها فيديو وهى لابسه النقاب..هتقدر تعرف منين ان البنت دى هى اللى صورتها فى وثيقة الإشهار اللى أخدتها من الازهر؟! وبسهولة أهل البنت هيقولوا اللى ظهرت بالنقاب دى مش بنتنا..ويبقى كده الفيديو ملهوش لزمة !

    همسة:

    أنت نسيت يا مسلم حديث رسولك عليه الصلاة والسلام:((لا يبقى على ظهر الأرض بيت مدر ولا وبر إلا أدخله الله كلمة الإسلام بعز عزيز أو ذل ذليل إما يعزهم الله, عز وجل, فيجعلهم من أهلها, أو يذلهم فيدينون لها .))
    وده معناه إن الإسلام هينتشر بكثرة على ظهر الأرض..طيب إزاى يا ترى؟!

    طيب إزاى الإسلام هينتشر بالكثرة دى على ظهر الأرض والنصارى بيتكاثروا؟
    إما ان النصارى يدخلوا فى دين الله أفواجا ..
    أو إن النصارى لا يتكاثروا ..
    أو الأتنين مع بعض: يدخلوا فى دين الله أفواجا..ولا يتكاثروا .
    طيب يدخلوا فى دين الله أفواجا وعرفناها..
    إزاى بقى النصارى مش هيتكاثروا؟!
    طيب بص يا سيدى..التكاثر محتاج ( رجل) و(أمرأة) جديدة المعلومة دى عليك صح؟!
    طيب لو موجود عدد نساء كثير..ويوجد عدد رجال قليل...هل يمكن التكاثر وبكثرة؟ اه ينفع طبعاً وبمنتهى السهولة..
    طيب تعالى نعكس الوضع بقى
    لو عدد الرجال كثير .. وعدد النساء قليل.. هل يمكن التكاثر بكثرة؟! لا طبعاً مش هينفع التكاثر بكثرة لإن عدد النساء أقل بكثير من عدد الرجال.

    يبقى لما النساء بيدخلن فى الإسلام أكثر من الرجال يرجع إلى أمرين:
    الاول: وهو ان عامة عدد النساء يفوق عدد الرجال على مستوى العالم بأضعاف مضاعفة.
    والثانى: لكى يقل عدد التكاثر بين النصارى..وينتشر الإسلام على ظهر الأرض كما أخبرنا رسولنا الكريم عليه الصلاة والسلام..

    وبالمناسبة فى شباب كتير دخلوا فى الإسلام وإلى الآن شمامسة ويمارسون مهام التدريس فى الكنيسة ويحضرون القدسات بانتظام..ومنهم من أعلن إسلامه وله فيديوهات مقل (الشماس أشرف قسطندى) (والشماس عماد المهدى) و(الشماس فوزى السعيد) وهناك أسر مسيحية مكونة من أب وأم وطفل أو طفلين..واعتنقوا الإسلام.
    .فما الحاجة لإشهار إسلامهم وتصويرهم بالفيديو إذا كانوا مستقرين فى حياتهم وظروفهم مش هتضطرهم لإرتكاب مخالفات شرعية مثل الزنا وخلافة؟!

    رسالة أخيرة:

    كتير حلو يا مسلم لما تخاف على وطنك من الفتنة وتحب الإستقرار لبلدك..لكن وحش أوى يا مسلم لما تحاول ترضى غيرك على حساب عقيدتك..عقيدتك يا مسلم دى المفروض تكون أغلى شىء فى حياتك.. حب عقيدتك..حافظ عليها..تعايش مع الآخرين فى سلام لكن مش على حساب عقيدتك لإن عقيدتك يا مسلم هى أساس السلام.

    قناة المخلص
    / كتبه: محمود داود Memo -D

    _______________________

    بعض الفيديوهات لمن أعلنوا إسلامهم من الرجال







    منقول بتصرف يسير



    لاتنسوا أخواتنا المسلمات الأسيرات من دعائكم

  • #2
    يا اخي كلامك معقول وليس عليه خلاف ولكن المشكلة الوحيدة هي التوقيت
    فانا اشعر انه مجرد عناد بيننا وبينهم

    تعليق


    • #3
      المشاركة الأصلية بواسطة eng mohamed مشاهدة المشاركة
      يا اخي كلامك معقول وليس عليه خلاف ولكن المشكلة الوحيدة هي التوقيت
      فانا اشعر انه مجرد عناد بيننا وبينهم
      هذه مشاركة للأخت فى حب الله وقد استأذنتها فى نشرها للرد على تلك النقطة:


      فحقيقةً كلٌ منا يُعاني من تغير الأوضاع وتقلبها وأحياناً سيرها في الإتجاه الذي لا يُرضي أي مسلم

      ولكن أخي إذا نظرنا إلى الموضوع بمنظور أوسع مما نعيش فيه وتركنا ما يفعله الإعلام من تزييف للحقائق سنجد أن:


      1. الفتنة بدأت بعد استفتاء التعديلات الدستورية: والذي اتضح فيه جلياً تأثير الدين على الشارع المصري وأقلية النصارى وأنهم مهما اجتمعوا على قلب رجل واحد فإن الرأي للأغلبية
      2. الفتنة تبدأ بأيادي نصرانية وسيادة كنسية: فبالرغم من أن شيخ الأزهر تم الإعتداء عليه في الكنيسة إلا أنه لم يتكلم أحد وبالرغم من الإعتداءات الكثيرة على المسلمين بأيدي نصارى إلا أنه لا يعلم بها أحد ويظل أنها بدأت كفتنة عندما قيل بقطع أذن مسيحي على يد سلفي في مصر .. بالرغم من قول المسيحي بعدم علاقة هذا بالدين ولا السلفية!
      3. الفتنة لم ولن تهدأ: لعلك لا تعلم أن النصارى طلبوا كثيراً الإستقواء بأمريكا سابقاً وحالياً وهذه فرصتهم الكبيرة التي لابد لها حتى تتحول مصر من دولة دينية إلى علمانية """""ولن يتركوها """""
      4. الطبطبة: إسلوب الطبطبة الذي يستعمله الإعلام سيودي بنا إلى الهلاك لأن هذا معناه أن هناك طرف مخطيء وطرف مظلوم .. ويُعلي نبرتهم بالإضطهاد

      طيب ستقول: هل الحل في إشعال الفتن منا أم أنه لابد علينا من التهدئة
      أرد عليك أخي:
      هذا دورنا أن نوضح الحقائق أمام العالم كله ونقول أن الأغلبية هى المضطهدة وليست الأقلية
      وهذا هو الدور الأصح الذي معه لن يتفوه مخلوق على وجه الأرض ويقول المسيحيون مضطهدون ,, لأن هذه ستبقى أمر غير حقيقي عندما تتضح الحقائق جلياً
      ولعلك علِمت أنه عندما انتقلت أخبار إمبابة إلى الخارج قيل فيها أنه بسبب مسلمة احتُجزت في الكنيسة وهذا أكبر دليل على تجبرهم وتسلطهم وعدم اضطهادهم .. وهذا أكبر حُجة على أنهم ليسوا مضطهدين
      مع تشجيع بعضاً ممن يُريدون دخول الإسلام أو تعرضوا للتعذيب بألا يخشوا أن المسلمين سيخذلوهم دوما
      وهذا الدور الذي نلعبه سيكون صعباً جداً على الحكومة نفسها أو من يُدير البلد حتى لا يُقال بانحيازه تجاه طرف!

      طيب إن صمتنا درءاً للفتن:
      إذاً نحنُ مخطئون ونصمت .. وآخر مظلم ويعلو صوته مرة تلو الأخرى
      ولعلك لاحظت الآن تغير طفيف في الإعلام تجاه القضايا بعد أن اتضحت لهم بعض الحقائق الغائبة أو التي يُغيبونها ويتناقلها النت فاضطروا ولو للتلميح بها .. فستجد الآخر ينخفض صوته


      لاتنسوا أخواتنا المسلمات الأسيرات من دعائكم

      تعليق


      • #4
        المشكلة في رأيي انه صعب جداً ان تقنع الغرب ان الأغلبية هي المضطهدة (وهو عيب في حقنا - كيف تضطهدنا الاقلية !!!!)
        لذا هذا يحتاج منا الى:
        1- بذل مجهود مضاعف لشرح وفضح اساليب الطرف الآخر عبر وسائل الاعلام المختلفة
        2- الرجوع الى الدعوة باللين والحكمة والموعظة الحسنة (مقام دعوة وليس مقام جهاد كما قال شيخنا محمد حسان)
        3- توعية الطرف المسلم العلماني الليبرالي بخطورة ان يقف جنب احد الاطراف دائما حتى وان كان الطرف المخطئ وان لم يقتنع فعلى الاقل نحيده
        4- التأكيد دائماً على ان المسلمين هم من يطالبون ويصرون على وجوب محاسبة المخطئ اياً من كان والاعلان عن ذلك ليتضح للعالم من الذي يخطئ في حق البلد وكل طرف يتحمل مسئوليته في اصلاح التشددين لديه حتى لانعيش في فوضى

        الحمد لله على نعمة الاسلام وكفى بها نعمة

        تعليق


        • #5
          هذا دورنا أن نوضح الحقائق أمام العالم كله ونقول أن الأغلبية هى المضطهدة وليست الأقلية
          وهذا هو الدور الأصح الذي معه لن يتفوه مخلوق على وجه الأرض ويقول المسيحيون مضطهدون ,, لأن هذه ستبقى أمر غير حقيقي عندما تتضح الحقائق جلياً

          ولعلك علِمت أنه عندما انتقلت أخبار إمبابة إلى الخارج قيل فيها أنه بسبب مسلمة احتُجزت في الكنيسة وهذا أكبر دليل على تجبرهم وتسلطهم وعدم اضطهادهم .. وهذا أكبر حُجة على أنهم ليسوا مضطهدين

          يا اخي هل تريد ان تقنعني ان العالم الذي تتحدث عنه لا يعرف انهم غير مضطهدون وياخذون حقهم وزيادة عنه ان لم يكن برضانا فهو بأمر من ديننا الذي نتمسك به.

          هم يعلمون كل شيء فلذلك لن يفيد توضيح حقائق من عدمها انهم امامهم لا يروا ولا يسمعوا ولا يتكلموا.

          *انت تقول ان العالم بعد سماع قصة احتجاز مسلمة -عبير-داخل كنيسة علم انهم متجبرين ولكن اخي بعد الحادث خرج علينا المدعو اوباما وهو يتحدث بلغة حاكم الكون ويقول يجب حماية الاقليات الدينية في مصر لانها تتعرض للقهر والاضطهاد !!!
          يا اخي اننا نقف وحدنا ومعنا الله امام هؤلاء الطواغيت وهم تكاتفوا وتجمعوا ليكملوا مسيرة اجدادهم الذين طالما تحدوا الاسلام وحاربوه وان تغيرت الوجوه والاسماء فهدفهم واحد .

          تعليق


          • #6
            المشاركة الأصلية بواسطة eng mohamed مشاهدة المشاركة
            يا اخي هل تريد ان تقنعني ان العالم الذي تتحدث عنه لا يعرف انهم غير مضطهدون وياخذون حقهم وزيادة عنه ان لم يكن برضانا فهو بأمر من ديننا الذي نتمسك به.
            لن أقنعك اخي لأن هذا واقع لا يحتاج الإقناع


            هم يعلمون كل شيء فلذلك لن يفيد توضيح حقائق من عدمها انهم امامهم لا يروا ولا يسمعوا ولا يتكلموا.


            ما هو دليلك على معرفتهم بذلك؟
            وما هو أصلاً الدليل أمامهم على أن النصارى غير مضطهدين في مصر ..... حتى يعلموا ذلك؟؟

            *انت تقول ان العالم بعد سماع قصة احتجاز مسلمة -عبير-داخل كنيسة علم انهم متجبرين ولكن اخي بعد الحادث خرج علينا المدعو اوباما وهو يتحدث بلغة حاكم الكون ويقول يجب حماية الاقليات الدينية في مصر لانها تتعرض للقهر والاضطهاد !!!

            يعني مقصدك من حديثك اخي -كما فهمت- أن أوباما يعلم أنهم غير مضطهدون ولكنه يُصر على أن يحمي الأقليات؟؟
            وهذا مخطط صهيوني أمريكي بأيادي نصرانية عميلة على اراضي مصر بأن تطالب بحماية أمريكا
            فإن كان هكذا .. فيجب توضيح الحقائق أمام العالم كله أن هذا كذب وافتراء ...... وأنه لا يوجد اقلية مضطهدة بل هى مشاكل يُعاني منها المسلم قبل المسيحي .. بل وهناك ما يُعاني منه المسلم وحده !!
            السكوت الذي عانينا منه عقود طويلة هو ما أوصلنا لذلك .. فكلمة الحق يجب أن تُقال بلا اعتداء ولا تهديد ولا تخريب

            يا اخي اننا نقف وحدنا ومعنا الله امام هؤلاء الطواغيت وهم تكاتفوا وتجمعوا ليكملوا مسيرة اجدادهم الذين طالما تحدوا الاسلام وحاربوه وان تغيرت الوجوه والاسماء فهدفهم واحد .
            أنت ترد على نفسك أخي .. لذا علينا ألا نصمت عن كلمة حق تُقال
            وبالرغم من هذا كله .......... فيكفينا أن الله معنا

            والحمد لله رب العالمين

            أختك في الله

            وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الأَرْضُ وَلَكِنَّ اللَّهَ ذُو فَضْلٍ عَلَى الْعَالَمِينَ
            وَلَوْلا دَفْعُ اللهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيراً وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ
            @إن كنت صفراً في الحياة.... فحاول أن تكون يميناً لا يسارا@
            --------------------------------------
            اللهم ارزقني الشهادة
            اللهم اجعل همي الآخرة

            تعليق


            • #7
              فيجب توضيح الحقائق أمام العالم كله أن هذا كذب وافتراء ...... وأنه لا يوجد اقلية مضطهدة بل هى مشاكل يُعاني منها المسلم قبل المسيحي .. بل وهناك ما يُعاني منه المسلم وحده !!
              وهل اذا قمنا بتوضيح الحقائق واثبات الحق تتوقعين انهم سيقفون موقف انصاف وعدل ؟؟!!
              العالم لايرى الا ما يريد ان يراه , ولا يسمع الا ما يريد سماعه .

              تعليق


              • #8
                المشاركة الأصلية بواسطة eng mohamed مشاهدة المشاركة
                وهل اذا قمنا بتوضيح الحقائق واثبات الحق تتوقعين انهم سيقفون موقف انصاف وعدل ؟؟!!
                العالم لايرى الا ما يريد ان يراه , ولا يسمع الا ما يريد سماعه .
                على الأقل أخي نكون وضحنا: لمن يسمع ... ولمن يفقه

                فإن عُدِموا في هذا الزمن

                فيكون التوضيح : للتاريــــــــــــــــــــخ

                بارك الله فيكم وجزاكم كل الخير وأحسن إليكم

                وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الأَرْضُ وَلَكِنَّ اللَّهَ ذُو فَضْلٍ عَلَى الْعَالَمِينَ
                وَلَوْلا دَفْعُ اللهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيراً وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ
                @إن كنت صفراً في الحياة.... فحاول أن تكون يميناً لا يسارا@
                --------------------------------------
                اللهم ارزقني الشهادة
                اللهم اجعل همي الآخرة

                تعليق


                • #9
                  فيكون التوضيح : للتاريــــــــــــــــــــخ



                  اذا كان للتاريخ فهذا حق الاجيال القادمة من المسلمين علينا

                  تعليق


                  • #10
                    جزاك الله خيرا أختى فى حب الله

                    قضية الأخوات الأسيرات تحتاج إلى توضيح فى ظل تلك الشبورة الضبابية التى صنعها الإعلام الفاسد و علو النصارى و تخاذل المسلمين

                    فجزاكم الله جميعا خيرا


                    لاتنسوا أخواتنا المسلمات الأسيرات من دعائكم

                    تعليق


                    • #11
                      فى حب الله ومعارج القبول --
                      موضوع رائع وهام جدا --

                      جزاكما الله كل خير


                      وهل اذا قمنا بتوضيح الحقائق واثبات الحق تتوقعين انهم سيقفون موقف انصاف وعدل ؟؟!!
                      العالم لايرى الا ما يريد ان يراه , ولا يسمع الا ما يريد سماعه .
                      العالم ليس كله شئ واحد --العالم فيه المتأمرون وفيه المنصفون وفيه المحايدون ووو

                      وقد ينصر الله هذا الدين بالرجل الكافر ---
                      ثم علينا نحن المسلمون الا نكتفي بموقف المظلوم العاجز --بل نأخذ بالأسباب ومن اهمها الإعلام --حتى نستحق نصر الله تعالي


                      --- فلابد من التوضيح ونشر الحقائق فى الداخل والخارج والإعلام سلاح خطير اليوم ولا ينكر دوره وأثره أحد -

                      من العجز البين المشين ان يملك المسلمون الحقائق الناصعة التى تبين سلامة موقفهم --ولا يقومون بالجهر بهذا الحق بينما النصاري وغيرهم يروجون لأكاذيب وأوهام وأباطيل ليحققوا مكاسب ما كانوا ليحلموا بها --مستغلين ماذا --مستغلين جهل كثير من المسلمين وتخاذلهم عن نشر قضاياهم والترويج لبضاعتهم والدفاع عنها --

                      وقد استعاذ سيدنا عمر بن الخطاب رضي الله عنه من عجز المؤمن وجلد الكافر فنعوذ بالله من ذلك

                      --أنت على ثغرة من ثغور الإسلام فلا يؤتين الإسلام من قِبلك --





                      التعديل الأخير تم بواسطة نور الهداية; 24 ماي, 2011, 06:43 ص.

                      ** [read][rainbow][glint]كتاب أعلام وأقزام فى ميزان الإسلام[/glint][/rainbow][/read] **

                      تعليق


                      • #12

                        [table1="width:100%;background-image:url('http://www.hurras.org/vb/mwaextraedit2/backgrounds/70.gif');background-color:sienna;border:6px double darkblue;"][cell="filter:;"]

                        بسم الله الرحمن الرحيم
                        موضوع اكثر من رائع
                        اللهم اجعل هذا العمل فى ميزان صاحبه يوم القيامه
                        اللهم اهدى كافه المسلمين الى حب الدين وحب رسول الله صلى الله عليه وسلم
                        واهدى النصارى الى الدخول فى الاسلام والبعد عن الشرك والضلال
                        [/cell][/table1]

                        تعليق


                        • #13
                          بسم الله الرحمن الرحيم
                          نقل رائع يا اختاه بارك الله فيك


                          قولوا:
                          لا اله الا الله....تفلحوا



                          ملاحظة : مشاركاتي تعبر فقط عن رأيي .فان اصبت فبتوفيق من الله , وان اخطات فمني و من الشيطان

                          تعليق


                          • #14
                            السلام عليكم ورحمة الله وبركاته

                            جزاكم الله خيرا على الموضوع

                            واللهم زدهم

                            وبارك فيهم واحميهم واحفظهم وثبتهم على الحق

                            تعليق


                            • #15
                              طيب
                              انا من خلال متابعتي لبعض الفيديوهات التي إنتشرت
                              لاحظت أنهن أيضاً فتيات صغيرات " تحت السن القانوني "
                              هل هن قادرات فعلاً في هذا العمر الصغير على التمييز بين الصواب والخطأ؟
                              هل يمكنهن إشهار اسلامهن قبل بلوغ السن القانوني؟
                              هل يعترف الإسلام بإسلامهن؟

                              أعلم أنني سألت كثيراً واطلت
                              أعذروني ارجوكم

                              تحيتي لمن طرح الموضوع , جزاه الله كل الخير

                              تعليق

                              مواضيع ذات صلة

                              تقليص

                              المواضيع إحصائيات آخر مشاركة
                              ابتدأ بواسطة *اسلامي عزي*, منذ 4 أسابيع
                              ردود 0
                              6 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              ابتدأ بواسطة *اسلامي عزي*, منذ 4 أسابيع
                              ردود 0
                              5 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              ابتدأ بواسطة *اسلامي عزي*, 9 فبر, 2024, 12:43 ص
                              ردود 0
                              6 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              ابتدأ بواسطة *اسلامي عزي*, 24 ديس, 2023, 12:22 ص
                              ردود 0
                              24 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              ابتدأ بواسطة *اسلامي عزي*, 20 نوف, 2023, 12:34 ص
                              ردود 0
                              28 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              يعمل...
                              X