مشرف عاوز يتجوز .........

تقليص

عن الكاتب

تقليص

أم رودي مسلمه اكتشف المزيد حول أم رودي
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مشرف عاوز يتجوز .........

    بسم الله الرحمن الرحيم

    الحمدلله والصلاة والسلام على رسول الله وعلى آله وصحبه أجمعين

    كيف حالكم إن شاء الله دائما بخير ؟


    الموضوع دة نقلته خصيصا لرسم أبتسامه كبيرة علي شفاة أعضائنا الكرام


    ويارب أبتسامه أحلي علي شفاة المشرفين

    ويجعل كلامنا خفيف عليهم



    دة يوم المشرفين والا أيه


    أعضاء أخر زمن

    قصه مشرف راح يتقدم لعروووســـــه ...!! ياترى عمل ايه تعالو نشووووف




    كان المشرف مرتبط بموعد مع العروس وأهلها

    ليتقدم إليها ولكنه لم يشأ إغلاق المنتدى لمدة ساعة هى مدة اللقاء

    مع الأهل فأخذ اللابتوب معه وشحنه على آخره وتابع الردود على

    الأعضاء فى في منتدى النكت وهو فى طريقة للمنزل راكبا التاكسى

    بمجرد وصوله إلى العروس سأل عن أقرب فيشة كهرباء لأن الشحن قرب
    يخلص
    والد العروس: أهلا يابنى .......إزيك !!

    المشرف(وهو مشغول بلوحة مفاتيح اللابتوب): أهلا بيك يا عمى .....

    أنا يشرفنى إنى أطلب إيد بنتك .....موافق ولا لأ؟!!!!


    تبادل كلا من والد العروس ووالدتها وأخيها نظرات الدهشة

    والد العروس(مستغربا): حضرتك بتكلمنى ولا بتكلم حد على الإنترنت

    المشرف(مازال منشغلا بلوحة المفاتيح): لا يا عمى أنا بكلمك إنت هو معقولة

    أتكلم مع حد غيرك وأنا قدام حضرتك!!!

    والدة العروس: طب يابنى طالما بتكلمنا بصلنا طيب

    المشرف(لم يرفع عينه ويديه من على جهازه):ليه يا حاجة هو أنا هتكلم بعينى

    ولا ببقى؟!!!!
    إقترب الولد الصغير(8 سنوات) من العريس مبهورا بالابتوب(الجهاز

    المحمول) وهو يقول
    الصبى: عمو .....هو الجهاز دة فيه ألعاب كتير زى الأتارى الى عندى؟!!

    العريس(مازال منشغلا بجهازه): أيوة يا حبيبى وأحلى من الى عندك كمان

    الصبى: طيب ممكن ألعب شوية .....عشان خاطرى يا عمو

    هنا فقط رفع العريس عينه من على جهازه لأول مرة وتوقف عن الكتابة

    وهو يوشوش فى أذن الصبى

    العريس: لو خليت أبوك يوافق عليا هلعبك كتير قوى

    طار الصبى فرحا وهو يقول

    بابا بابا أنا موافق إن عمو يتجوز أختى الكبيرة أبلة!!!!!!

    ثم إلتفت إلى العريس وهو يقول

    ألف مبروك يا عمو!

    الوالد(صارخا): أمشى ياد خش ذاكر ..... مبقاش إلا إنت يا أبو ريالة الى

    هتوافق ومتوافقشى
    مشى الولد باكيا ولم يهتم به العريس وقد عاد إلى جهازه منشغلا

    الوالد: إنت يا حبيبى إنت كمان .....إنت إيه حكايتك ؟

    العريس: حكاية إيه يا عمى .....أنا معنديش حكايات إنت عندك؟!!!

    الوالد(بضجر): إنت جاى تهزر

    لم يعره العريس أى إهتمام وقد ظهر مشغولا بموضوع ما على جهازه (منشغل

    بمواضيعى)
    فإقتربت الأم من الوالد وتكلمت هامسة

    الأم: إلا قولى يا حاج .....هو الجدع دة بيعمل إيه على البتاع الى معاه ده ....

    .وإزاى بيكلمنا وهو بيحرك إديه الإثنين على الزراير دى كلها؟

    الوالد: والله معرفشى يا تفيدة..... يظهر والله أعلم إنه بيكتب الكلام الى

    بيقوله لنا فيطلع من بقه!!!!!!!

    الأم: يا ندامتى !!!.....معقولة دى يا حاج ؟!!

    الأب:طبعا يا تفيدة معقولة ماهو إحنا فى عصر التكنولوبيا!!!

    إنتى مش شفتى إزاى كان ملهوف على أى فيشة كهربا أول ما جيه لأن

    الشحن بتاع الكلام بتاعه كان هيخلص!

    الأم: يا خويا الى يعيش ياما يشوف!!!

    على كدة يا حاج لو النور قطع هيبقى أخرس؟!!!!

    الأم: طب يا خويا لازم لو وافقت عليه نشترى للبت كرتونة حجارة (بطاريات)

    عشان تبقى عاملة حسابها فى أى وقت!!!

    الأب(صارخا): هو أنا معقولة أوافق على الآلة دى .....ليه من قلة الرجالة يعنى

    العريس: حضرتك بتكلمنى يا عمى

    الأب: لأ يا حبيبى أنا بكلم تفيدة

    العريس: تفيدة مين ؟

    دخلت العروسة فى هذه اللحظة مكسوفة وهى تنظر إلى الأرض

    وبيدها أكواب العصير ولكنها لم تلاحظ فيشة الكهرباء فإنقلبت

    على وجهها أرضا وإنفصلت الفيشة

    العريس(صارخا): إيه الى هببتيه دة .....إنتى إزاى تفصلى الجهاز!!

    الأم(بصوت خافت): يا حلاوة .....أهو بيتكلم من غير كهربا أهو يا حاج

    الأب(بصوت خافت): ماهو كان شاحن على الآخر يا تفيدة .....افهمى بقى

    ثم إلتفت إلى العريس قائلا

    الوالد: إيه يابنى قلة الذوق دى إنت بتصرخ فى عروستك وإنت جاى

    تتقدملها؟!!
    دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها

    العريس: يعنى أساعدها تقوم ولا ألحق أشغل الجهاز عشان المنتدى ما

    يتعطلشى؟!!

    الأب: ده جيل إيه ده.....هو جاى لينا منين ده!

    العروسة: من النت يا بابا.....من النت

    الأم: الله يقطع النت والى شغالين فى النت !


    يا رب تيجى عاصفة تسومانى على النت والى فيه!!!!!

    الأب:ممكن بقى يابنى تقفل المخروب دة وتكلمنا شوية

    العريس: خلاص يا عمى المساعد بتاعى جه بدالى دلوقتى (يقصد قاضي فاضي)

    إلتفت الجميع حولهم يبحثون عن ذلك المساعد

    العريس (ضاحكا): لأ يا جماعة أنا اقصد إن المساعد بتاعى أخذ مكانى

    فى الشغل دلوقتى يعنى أنا دلوقتى جاهز لأى إستفسار لمدة ربع ساعة

    الأب: لا حول ولا قوة إلا بالله .....طيب يابنى طالما مش فاضى ليه حددت
    المعاد ده
    مش كنت تحدد معاد تكون فاضى فيه

    العريس: يا عمى خير البر عاجله

    الأب: طيب..... إحنا لسة متعرفناش بإسمك ولا شغلتك

    ولا سنك ولا شهادتك ولا أى حاجة خالص!

    العريس: أنا اسمى captor ...دة الإسم المستعار!

    قامت الأم تحوم حول العريس وتنظر إلى يديه تبحث عن شىء ما ثم مسكت

    يده فجأة وهى تقول

    الأم :ممكن تشمر إيدك يا عريس الهنا‍

    العريس(وهو بيشمر): ليه ياحاجة إنتى هتطعمينى!!! أنا إتطعمت قبل ما آجى عندكوا

    الأب:ليه قالولك إننا عندنا كوليرا !!!

    العريس: لأ يا عمى أصل أنا قاعد ليل نهار فى غرفتى المكيفة

    الصحية فلما بروح أى داهية تانية لازم أطعّم

    الأب(بصوت منخفض): داهية لما تخدك يا شيخ!!!

    صرخت الأم( وهى تمسك بيده اليمين وترفعها عاليا): يعنى مافيش صليب

    إمال إيه captor دة؟ إنت مسيحى؟‍‍‍‍‍‍‍‍‍!!!!

    ضحكت العروسة وهى تقول: لا يا ماما دة النيك نيم بتاعه

    الأم: ال إيه يا ضنايا؟‍‍!

    العريس: خلاص يا جماعة .....أنا إسمى مصطفي وعندى 25 سنة يعنى


    تأبيدة‍‍‍!!!
    معايا شهادات كتيرة لو قلتها لكم كلها يبقى هنقعد يومين فبلاش أحسن

    وشغلتى مشرف عام على منتدى مـــنتدى الــنكـــت

    نظر الأب إلى المشرف وملابسه البسيطة غير المتناسقة وهو يقول

    سيماهم على وجوههم!!!

    العروسة(مبتسمة): بجد إنت المشرف مـــنتدى الــنكـــت

    ده أنا مشتركة فيه من 5 شهور

    العريس: ما شاء الله....بس إنتى مش ملتزمة بقوانين المنتدى

    ولابسة كويس وعايشة فى عيشة آخر أبهة

    العروسة: أنا عملت كدة عشان عارفة إن فيه عريس جاى يخطبنى

    الأب: إنت يابنى عاوزها تلبس إيه .....هدوم مقطعة

    العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!

    الأب: ومين قالك إنى وافقت عليك أصلا

    العروسة: ومتوافقشى ليه يا بابا دة حتى captor أكيد هيخلينى مميزة فى

    المنتدى
    مش كدة برضه يا captor

    العريس: طبعا وهعينك معانا من المشرفين على قسم لوحدك

    العروسة(بسعادة): بجد..... هتعينى مشرفة على قسم لوحدى

    العريس: طبعا وهديكى أسهل وأحسن قسم فى المنتدى

    العروسة(فرحانة): هييييه .....هتدينى قسم إيه ؟

    العريس: الشكاوىوالتبليغ عن المواضيع المخالفة!!!

    العروسة (صارخة): لا أرجوك .....كله إلا الشكاوى

    هز العريس كتفيه وهو يقول

    العريس:خلاص نفتح قسم جديد وأعينك مشرفة عليه

    الأب: يا ترى خلصتوا ولا لسة

    نظر العريس فى ساعته وهو يقول: أنا فعلا وقتى قرب ينتهى

    لأن المساعد بتاعى عنده ميعاد مهم ولازم أدخل مكانه

    الأب: أنا مش موافق على الجوازة دى

    العروسة: ليه يا بابا دة انا.....

    قاطعها الأب صارخا : اخرصى يا بت إنتى وروحى ذاكرى لأخوكى

    خرجت العروسة باكية غاضبة بينما إلتفت الأب إلى العريس قائلا

    شوف يابنى .....لما تبقى تفضى للجواز إبقى تعالى إتجوز بنتى ....
    .
    لكن طول ما إنت فى مـــنتدى الــنكـــت دة مالكشى عرايس عندى

    فاهمنى
    العريس: خلاص يا عمى براحتك .....بس إذا كان منتدى الــنكـــت

    هو الى مزعلك أنا ممكن أسيبه

    الأب(فرحا): بجد يابنى .....طيب سيبه هو فعلا الى مزعلنى


    لو سيبته أنا هسيبلك بنتى بدون أى كلام

    شكره العريس ثم جاء إليه فى اليوم التالى ومعه نفس اللابتوب وهو يقول

    أنا سيبت مـــنتدى الــنكـــت من إمبارح وإشتركت فى منتدى تانى اسمه

    الصور والكاريكاتير

    سقط الأب على الأرض ميتا وصرخت الأم وبكت العروسة وأخيها الصغير

    بينما جلس العريس فى غرفة الصالون يتابع منتداه الجديد

    ها عايزين تتجوزو مشرفين



    ملحوظه مش هنام الا لما أشوف ضحكه زهراء


    ولو ما ظهرتش أبقوا أبحثوا عني ؟؟؟؟؟؟؟!!!!!!!

    وأوعي المشرفين

    منقول
    اذكروا الله يذكركم و اشكروه على نعمه يزدكم و لذكر الله أكبر والله يعلم ما تصنعون

  • #2
    السلام عليكُم
    ها عايزين تتجوزو مشرفين
    سُمعتنا أختنا الكريمة هُناك مَن لَم يَتزوج بَعد مِثلي
    بارك الله فيك أختي الفاضِلة على الموضوع الذي يَظهر مِن أوله أنه رائع و ممتع"فأنا الآن يتوجب أن أخرج و سوف امعن فيه بِتركيز غدا إن شاء الله
    مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ. كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ

    تعليق


    • #3


      ضحكتينا وسط كتلة الهموم وسخونة الموقف الحالى

      تعليق


      • #4
        بارك الله قيكى اختى
        موضوع رائع
        سُمعتنا أختنا الكريمة هُناك مَن لَم يَتزوج بَعد مِثلي
        اخ صفى الدين
        يظهر انك مش هتتجوز
        بعد الموضوع ده
        اكرمك الله بالزوجه التى تتمناها

        راصد التنصير فى بلاد المسلمين
        http://lalltansir.maktoobblog.com

        تعليق


        • #5
          بسم الله الرحمن الرحيم والحمد لله رب العالمين
          وبعــــــــــــــــــــد

          بيحصل دايما مواقف مشابهه .
          زي النهاردة كده كلهم بيتعشوا هناك وأنا معايا ساندوتش أمام جهاز الأولاد .
          وطبعا الباقي إنتم عارفينه .
          بين الشك واليقين مسافات , وبين الشر والخير خطوات فهيا بنا نقطع المسافات بالخطوات لنصل الي اليقين والثبات .

          (( أشهد أن لا إله إلا الله وأن محمد رسول الله ))

          تعليق


          • #6
            موضوع مضحك جدا .

            معلش أنا قريت امبارح الموضوع و جيت أرد لكن تيته تعبت جداااااااااااااااااااااااااااااااااااااااااا و كانت هتجيلها جلطة و الله لكن ربنا ستر و الحمد لله .


            بالنسبة للتعليق .


            لالالالالالالالالالالالالالالالالالالالالالالالالا

            مش هعلق .

            أنا كما بحبك أوي يمكن حضرتك أكتر واحدة قريبة لقلبي .
            غزة في القلب
            اللهم مكن لنا في الأرض
            اللهم إنا نبرأ إليك من كل من ساهم في هدر دم المسلمين
            حسبنا الله و نعم الوكيل
            اللهم اشف أختي و أبدلها جلدا خيرا من جلدها
            فلاش متي تغضب
            موسوعة الإعجاز العلمي في القرآن و السنة

            تعليق


            • #7
              السلام عليكم
              اكرمك الله بالزوجه التى تتمناها
              اللهم آمين آمين أخي الحَبيب "مُجاهِد"لي و لِكُل مَن لَم يَتَزَوج بَعد
              تيته تعبت جداااااااااااااااااااااااااااااااااااااااااا و كانت هتجيلها جلطة و الله لكن ربنا ستر و الحمد لله
              شفا الله تعالى جِدَتِكِ و حَفظها مِن كُل سوء
              بارك الله تعالى للأخت الفاضِلَة صاحِبة الموضوع
              مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ. كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ

              تعليق


              • #8
                بسم الله الرحمن الرحيم والحمد لله رب العالمين
                وبعـــــــــــــــــــــد


                تيته تعبت جداااااااااااااااااااااااااااااااااااااااااا و كانت هتجيلها جلطة و الله لكن ربنا ستر و الحمد لله
                ألف سلامة علي الجدة .

                علي فكرة :
                إنشغال البعض بالإنترنت ( الإنشغال الطويل ) أصبحت ظاهرة سيئة . ليست علي مستوي المشرفين أو أصحاب المدونات أو ............. الذي لهم أعمال مرتبطة بالنت .
                بل علي مستوي الشخص العادي .

                مشكلة يجب أن نجد لها حل ؟؟؟؟؟؟؟؟؟؟؟؟؟؟
                بين الشك واليقين مسافات , وبين الشر والخير خطوات فهيا بنا نقطع المسافات بالخطوات لنصل الي اليقين والثبات .

                (( أشهد أن لا إله إلا الله وأن محمد رسول الله ))

                تعليق


                • #9
                  بسم الله الرحمن الرحيم
                  السلام عليكم ورحمة الله وبركاته
                  اضحك الله سنك
                  وانا اقول لي ما تجوزتش لغايت دلوقتي ؟
                  دلوقتي فهمت
                  اجرب تاني .. يمكن من غير اللبتوب احسن .
                  ادعولي بس ابوها يوافق

                  تعليق


                  • #10
                    السلام عليكم

                    شكرا على الموضوع اللطيف جدا

                    لكن ليس هذا ما جئت من أجله

                    =======

                    صلاح عندنا

                    يا مرحبا يا مرحبا


                    المشاركة الأصلية بواسطة الفيتوري مشاهدة المشاركة
                    وانا اقول ليه ما تجوزتش لغاية دلوقتي ؟


                    كلنا عارفين ليه يا صلاح


                    المشاركة الأصلية بواسطة الفيتوري مشاهدة المشاركة
                    دلوقتي فهمت


                    أخيراااااااااااا

                    المشاركة الأصلية بواسطة الفيتوري مشاهدة المشاركة
                    اجرب تاني .. يمكن من غير اللابتوب احسن .


                    لا يا صلاح إنت ترجع زى زمان تشتغل في شركة موتوسيكلات عشان نقدر نشوفك >>> سيبك من الطيارات الورقيه دى يا مولانا


                    المشاركة الأصلية بواسطة الفيتوري مشاهدة المشاركة
                    ادعولي بس ابوها يوافق


                    إعتبرني أبوها ولا يهمك

                    أنا شخصيا موافق أنا عندى كام صلاح يعنى؟

                    المهم حول المهر على حسابي زى العاده ... طبعا عارف رقمه؟ ... هي يعنى اول مره هجوزك بنتى يا فيتورى؟ وبردو مابتوبش يا فيتورى

                    الله معك
                    الـ SHARKـاوي
                    إستراتيجيتي في تجاهل السفهاء:
                    ذبحهم بالتهميش، وإلغاء وجودهم المزعج على هذا الكوكب، بعدوى الأفكار،
                    فالأفكار قبل الأشخاص، لأن الأفكار لها أجنحة، فأصيبهم بعدواها الجميلة. وهذا الواقع المظلم الذي نعيش سيتغير بالأفكار،
                    فنحن في عصر التنوير والإعصار المعرفي، ولا بد للمريض أن يصح، ولا بد للجاهل أن يتعلم، ولا بد لمن لا يتغير، أن يجبره الواقع على التغير،
                    ولا بد لمن تحكمه الأموات، الغائب عن الوعي، أن يستيقظ من نومة أهل الكهف أو يبقى نائما دون أثر، لا يحكم الأحياء!

                    تعليق


                    • #11
                      بارك الله فيكِ حبيبتي ...

                      النت ده مشكلة فعلاً ..

                      وخصوصاً منتدانا ( إدمان ... لا يقاوم ) ..

                      موضوع لذيذ ..
                      اللَّهُ نُورُ السَّمَوَاتِ وَالأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِنْ شَجَرَةٍ مُبَارَكَةٍ زَيْتُونِةٍ لا شَرْقِيَّةٍ وَلا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُورٌ عَلَى نُورٍ يَهْدِي اللَّهُ لِنُورِهِ مَنْ يَشَاءُ وَيَضْرِبُ اللَّهُ الأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ سورة النور (35)

                      تعليق


                      • #12
                        صفي الدين

                        سُمعتنا أختنا الكريمة هُناك مَن لَم يَتزوج بَعد مِثلي

                        لا يا أخي يكفي فخرا أنكم شباب حراس العقيدة

                        أي والد يتمناكم زوج لابنته وربي يبارك لك وتختار عروس تستاهلك قول أأأأأأأأأأامين




                        مجاهد


                        سعيدة بادخال بسمه علي قلوبكم

                        ومشكور من كتب موهبته جميله
                        اذكروا الله يذكركم و اشكروه على نعمه يزدكم و لذكر الله أكبر والله يعلم ما تصنعون

                        تعليق


                        • #13

                          المشاركة الأصلية بواسطة م /الدخاخني مشاهدة المشاركة
                          بسم الله الرحمن الرحيم والحمد لله رب العالمين
                          وبعــــــــــــــــــــد


                          بيحصل دايما مواقف مشابهه .
                          زي النهاردة كده كلهم بيتعشوا هناك وأنا معايا ساندوتش أمام جهاز الأولاد .
                          وطبعا الباقي إنتم عارفينه .


                          وعليكم السلام ورحمة الله وبركاته

                          شـكــ وبارك الله فيك ـــرا لك ...


                          دة أنا اللي سعيدة أكثر عددا من ضحكاتكم

                          سعيدة لابتسامتكم

                          فكرتني مولانا بأيام خطوبتي (كنا كاتبين الكتاب )الحمد لله

                          كان دائما يتصل وقت ما نضع العشاء

                          ويغيظني أخي( وهو صديقه) بقوله يا سلام البطاطس المحمرة دي جميله

                          لا الأ مربي التين ياة أخر ملعقه هتخلص

                          وأنا علي أعصابي

                          الحمد لله لي أذنين بس كنت باسمع حاجه واحدة فقط










                          صوت أخي وهو بيقرمش البطاطس المحمرة


                          اذكروا الله يذكركم و اشكروه على نعمه يزدكم و لذكر الله أكبر والله يعلم ما تصنعون

                          تعليق


                          • #14
                            المشاركة الأصلية بواسطة زهراء مشاهدة المشاركة
                            موضوع مضحك جدا .

                            المشاركة الأصلية بواسطة زهراء مشاهدة المشاركة


                            معلش أنا قريت امبارح الموضوع و جيت أرد لكن و الحمد لله .



                            بالنسبة للتعليق .




                            لالالالالالالالالالالالالالالالالالالالالالالالالا



                            مش هعلق .



                            أنا كمان بحبك أوي يمكن حضرتك أكتر واحدة قريبة لقلبي .




                            أشكرك زهورة يارب حياتك القادمه تكون مليئه بالابتسامات ولا للحزن أيدا


                            أن شاء الله

                            تيته تعبت جداااااااااااااااااااااااااااااااااااااااااا و كانت هتجيلها جلطة و الله لكن ربنا ستر


                            أن شاء الله اللي في بالي.. يارب معروفين طبعا




                            وألف سلامه يا غاليه وخدي بالك منها يا زهراء




                            وسلامي لها ولعروستنا الغاليه




                            سلام الان لان رودي جريت في ريم كل وسائل الدفاع عن النفس
                            اذكروا الله يذكركم و اشكروه على نعمه يزدكم و لذكر الله أكبر والله يعلم ما تصنعون

                            تعليق


                            • #15
                              موضوع لذييييييييذ جدا أختى الحبيبة زى كل مواضيعك

                              أنا كمان كتبت تعليق امبارح بس النت فصل وأنا برسله ..وده بيبقي صعب عليه أوى بصراحة،و مش ناوية أكتب تانى



                              (( الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))

                              تعليق

                              مواضيع ذات صلة

                              تقليص

                              المواضيع إحصائيات آخر مشاركة
                              ابتدأ بواسطة د تيماء, منذ أسبوع واحد
                              ردود 0
                              14 مشاهدات
                              0 معجبون
                              آخر مشاركة د تيماء
                              بواسطة د تيماء
                               
                              ابتدأ بواسطة د تيماء, 12 فبر, 2024, 07:30 م
                              ردود 0
                              17 مشاهدات
                              0 معجبون
                              آخر مشاركة د تيماء
                              بواسطة د تيماء
                               
                              ابتدأ بواسطة *اسلامي عزي*, 24 ينا, 2024, 12:01 ص
                              ردود 0
                              6 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              ابتدأ بواسطة *اسلامي عزي*, 24 ينا, 2024, 12:00 ص
                              ردود 0
                              2 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              ابتدأ بواسطة *اسلامي عزي*, 12 سبت, 2023, 02:05 ص
                              ردود 0
                              9 مشاهدات
                              0 معجبون
                              آخر مشاركة *اسلامي عزي*
                              بواسطة *اسلامي عزي*
                               
                              يعمل...
                              X