لو معاك مبلغ شبه محترم

[شخص ما]

السادة الأعضاء
الموضوع التالي يمكن تناوله بشكل جاد أو هزلي كما تحب
لو معاك مبلغ شبه محترم ) مثلا في حدود 30000 يورو ـــ 50000 يورو ..... مثلا
وتريد أن تقيم مشروع
فماذا تفعل

[wagoon]

على فكرة موضوع رائع جداً . نقدر نقول خارج من دماغ عالية .
بص يا سيدى أولاً المبلغ ده هيفرق من بلد لتانية .
بس أنا عن نفسى كنت هعمل حاجة من الاتنين :
1- أشغلهم فى البورصة .
2- عندى مشاريع فى دماغى لأفكار جديدة بس عارف إن تنفيذها صعب وإن الصرف عليها هيكون زى الى بيروى الصحرا فلو كان معايا المبلغ ده بس مش هعمله . أما إذا كان المبلغ ده زيادة عن التحويشة فممكن أعمل مشروعى ده وبرضه هعمله فى السر.
وطبعا إذا زد المبلغ هيبقى فيه أفكار تانية.
بس يا ريت تقولنا وجهة نظرك انت كمان.

[شخص ما]

العزيز wagoon
شكرا على المرور والرد والمجاملة الرقيقة .

على فكرة موضوع رائع جداً . نقدر نقول خارج من دماغ عالية

والله كنت متردد في إدراجه

بص يا سيدى أولاً المبلغ ده هيفرق من بلد لتانية .

وجهة نظر تدل على عقل راجح وده مش غريب على أعضاء المنتدى
عموما فرصة نتعرف على أحوال بلادنا العربية العزيزة وأحلام الأشقاء .

فلو كان معايا المبلغ ده بس مش هعمله

يا سيدي الشيك مفتوح ، فتحديد المبلغ جاء عفوا ـ حدد المبلغ المناسب

أما إذا كان المبلغ ده زيادة عن التحويشة فممكن أعمل مشروعى ده وبرضه هعمله فى السر

قول انت وسرك أمان

وطبعا إذا زد المبلغ هيبقى فيه أفكار تانية.

عز الطلب ـ ربنا يكثر من أفكارك .

بس يا ريت تقولنا وجهة نظرك انت كمان

وعد إن شاء الله بس أسمع وجهات النظر من الأخوة الأعزاء .

[الشرقاوى]

لو معاك مبلغ شبه محترم ) مثلا في حدود 30000 يورو ـــ 50000 يورو ..... مثلا
وتريد أن تقيم مشروع فماذا تفعل

السلام عليكم

سؤال جميل جدا يا مولانا

لو كنت سالتنى السؤال من سنتين كنت هقولك .... البورصه كان زمانهم أكثر من ضعف .... هذا لو لم تطمع وتتركهم في البورصه فستجدهم أصبحوا االنصف او أقل كثثيرا

في الوقت الحالى أنصحك بالعقارات ... فهي موضة مابعد البورصه إلى حين.

أما المستقبل في تقديرى فهو لتجارة البقر أو الاراضى الزراعيه ... وهذا المبلغ لو كنت مصرى يعملك حوالى فدان ونص .... العالم مقبل على أزمه غذائيه حاده خلال العقد القادم

الله معك

[صفي الدين]

السلام عليكم
وانا اؤيد رأى الاستاذ الفاضل الشرقاوى فالعقارات الان لا تخسر ابدا الا ان سوقها بحالات
او عليك وعلى شرق اسيا "فنحن مستهلكين لنوعيات بضائعهم الرخيصة نسبية مقارنة بغيرها"لا سيما فى البضائع الخفيفة مثلا"الصينى"الذى يوضع داخله الشيكولاته والبنبون فى الافراح او الاحتفالات بالمواليد"السبوع".....
او الادوات المنزلية بصفة عامة
والله يوفقك لما يحبه ويرضاه

[عبد الله المصرى]

عليك وعلى شرق اسيا "فنحن مستهلكين لنوعيات بضائعهم الرخيصة نسبية مقارنة بغيرها"لا سيما فى البضائع الخفيفة مثلا"الصينى"الذى يوضع داخله الشيكولاته والبنبون فى الافراح او الاحتفالات بالمواليد"السبوع".....
او الادوات المنزلية بصفة عامة

كلام صحيح.... او تجارة الملابس من شرق اوروبا, اوروبا الشرقية انتاجها من الملابس عالى الجودة بخس الثمن جدا مقارنة بالبضائع المباعة بوطننا العربى.

[دكتور أزهري]

السلام عليكم ورحمة الله وبركاته

حياكم الله أيها الأحباب

لاحظت شئ مشترك بين كل ردود الأخوة الفضلاء

اننا فعلا شعوب استهلاكية وليس شعوب منتجة .... كل واحد يتمنى لو معاه جنيه واحد ازاي يكون عشرة وعشرين بأي طريقة كانت بل ربما يفضل أقصر الطرق

حتى الأن لم تصدر أي فكرة بعمل مشروع يساعد على الأنتاج لا الأستهلاك .

أما عن تجارة العقارات فعلا هي مربحة جدا ولكن لا تعود بفائدة على اقتصاد الدولة .

فلوس راحت في فلوس بدون انتاج يذكر !!

ده مجرد رأي حد عنده رأي أخر

[صفي الدين]

السلام عليكم

ده مجرد رأي حد عنده رأي أخر

نعم هذا صحيح استاذنا دكتور ازهرى ولكن هناك عاملان قد يكونا وراء ذلك:
1-المبلغ المفروض لا يقيم مشروعا انتاجيا قويا لا سيما فى ظل الظروف الاقتصادية ليس لمصر فقط بل للمنطقة كلها فمثلا اخيك "الاصغر"يريد ان يقيم مشروعا كبيرا لصناعة الزجاج"اكواب و اطباق ....."و دراسة هذا المشروع مبدئيا 5مليون جنيه مصرى فى الوقت الذى يباع فيه الكوب"الصينى"بجنيه او ربما اقل و تكلف مصنعها فى مصر جنيه و ربع فبكم يبيعها؟
ملحوظة انا اعلم سوق الزجاج عن قرب جدا فعظم عائلتى تعمل فيه
2-المخاطرة بعمل مشروع الان يعد دربا من الجراءة للعوائق الاقتصادية سالفة الذكر و العوائق البيروقرطية المعلومة لدى الجميع ففى عالمنا العربى لا سيما مصر البيروقرطية و تداعياتها تاخذ حيزا كبيرا فى تكلفة المشاريع
وهذا رأى شخصى يقبل الصحة والخطا

[محب المصطفى]

هو ممكن يشترى مجموعة محلات ويقلبها سايبرات وربنا يكون في عونه على البشر اللى هيقابلهم

كل محل فيهم هيدبرله 2000-1500 (جنيه مصري طبعا) كل شهر يعني هيطلع بمبلغ معقول بإذن الله .

وان كان معاه تراخيص كافية ممكن يفتتح مركز تعليمي ويستثمر وكل مجهود وله عائد .

[شخص ما]

سؤال جميل جدا يا مولانا

العفو ـ انتم ال مولانا ـ يكفينا شرف ردكم

لو كنت سالتنى السؤال من سنتين كنت هقولك .... البورصه كان زمانهم أكثر من ضعف .... هذا لو لم تطمع وتتركهم في البورصه فستجدهم أصبحوا االنصف او أقل كثثيرا

المبلغ هزار فأنا و الحمد الله من معدومي الدخل .

في الوقت الحالى أنصحك بالعقارات ... فهي موضة مابعد البورصه إلى حين.

معك حق أتفق معاك ـ أنا نفسي من زمان أبني عمارة وأشتغل بواب ـ سكرتير عمارة علشان المدام ما تزعلش

أما المستقبل في تقديرى فهو لتجارة البقر أو الاراضى الزراعيه ...

هذا لو كان الشخص متفرغ وبيفهم فيها
أخوك الحمد لله بيخاف من القطط .... فما بالك بالبقر !!!!!!!!!!!

وهذا المبلغ لو كنت مصرى يعملك حوالى فدان ونص ....

مش مهم اسم الوطن .... كلنا في الشرق هم

العالم مقبل على أزمه غذائيه حاده خلال العقد القادم

ربنا يستر

الله معك

آآآآآآآآآآآآآآآآآآآآآآآآآآآآآآمين

[شخص ما]

السلام عليكم
وانا اؤيد رأى الاستاذ الفاضل الشرقاوى فالعقارات الان لا تخسر ابدا الا ان سوقها بحالات
او عليك وعلى شرق اسيا "فنحن مستهلكين لنوعيات بضائعهم الرخيصة نسبية مقارنة بغيرها"لا سيما فى البضائع الخفيفة مثلا"الصينى"الذى يوضع داخله الشيكولاته والبنبون فى الافراح او الاحتفالات بالمواليد"السبوع".....
او الادوات المنزلية بصفة عامة
والله يوفقك لما يحبه ويرضاه

الأستاذ الفاضل / صفي عبد الهادي
شكرا على المرور الكريم والر الطيب
وجهة نظر طيبة والاتجاه لشرق أسيا فكرة جديدة خصوصا أن المسافة ليست بعيدة نسبيا
مرة أخرى

[ام مريم]

لا أعلم ....

[توحيد]

أعتقد أننا نحتاج ان نفكر في هذا الأمر من وجهة نظر أكثر شمولاً .. وهي ..
كيف أستفيد بهذا المبلغ المحترم أكبر استفادة ممكنة في الدنيا والآخرة؟

لو أنفقته كله على ما أريده من أشياء ... سينفذ قبل أن أحقق كل ما أريد ..
ولو استثمرته .. فقد أخسره أو أخسر جانباً منه ..
وقد أكسب .. وأغتني .. ويطغيني الغنا وينسيني ذكر الله
ولو أنفقته كله في سبيل الله .. فقد أندم فيما بعد إذا ما احتجت لشئ ما ولم أستطع شراءه
ولو أنفقت بعضه في سبيل الله واستثمرت بعضه فقد أندم لأني لم أنفقه كله .. وقد وأندم لأني لم أستثمره كله ..

الأمر محير ..

ولكني سمعت قصة رائعة عن مجموعة من صغار المستثمرين .. كانوا تسعة .. وكانوا يريدون أن يقيموا مشروعاً بسيطاً .. مزرعة دواجن.

فقرروا أن يعتبروا الشركة عشرة أفراد .. وليست تسعة. وأن يتم إنفاق نصيب الشريك العاشر (المفترض) في سبيل الله تعالى.

النتيجة .. أن الله بارك لهم في مشروعهم ..
وأنفقوا في سبيل الله في خلال سنوات قليلة .. أضعاف رأس المال الإجمالي الذي بدأ به المشروع.

ما رأيكم في هذا المشروع؟

[شخص ما]

العزيز عبد الله المصري

كلام صحيح.... او تجارة الملابس من شرق اوروبا, اوروبا الشرقية انتاجها من الملابس عالى الجودة بخس الثمن جدا مقارنة بالبضائع المباعة بوطننا العربى.

شكرا أخي الكريم على المرور والرد الكريم
ولكن هل هذا الرأي بناء على تجربة . نود أن نسمعها إن كانت موجودة لنستفيد أكثر .

[solema]

بسم الله الرحمن الرحيم

(( حلوة جدا الفكرة وبما انها مختلفة من شخص لآخر ومن

الرجل والمرأة والزمان والمكان ...........

فعن نفسى (( هتبرع بيه لأى مستشفى ... يجيبوا بيه أى حاجة ))

دى حتى فيه مستشفيات جامعية وتعليمية دلوقتى ما فيهاش حتى (( البلاستر وجهاز المحلول اللى بالملاليم))