كيف أرد على هذا السؤال

[العبد المؤمن]

السلام عليكم ورحمه الله وبركاته
إبنى عنده 5 سنوات فى مره سألنى هى الفراوله بتتعمل إزاى قولت له ربنا خلقها لنا زى كل حاجه فى الدنيا ربنا هو الذى يخلقها .
وأنا أحاول أن أذكر الله أمامه بطرق مباشره وطرق غير مباشره حسب سنه ولكنه فاجأنى وربنا جيه إزاى قولت له ربنا مجاش ربنا موجود وهو إللى بيجيب كل حاجه
هل سؤاله فى هذا السن طبيعى وهل ردى كافى أم كنت حاولت التوضيح
أكثر أنا فكرت فى إنى لا أهتم كثيرا وهو لما يكبر هيفهم لوحده وشكرا
السلام عليكم ورحمه الله وبركاته

[فارس الميـدان]

السلام عليكم ورحمه الله وبركاته
إبنى عنده 5 سنوات فى مره سألنى هى الفراوله بتتعمل إزاى قولت له ربنا خلقها لنا زى كل حاجه فى الدنيا ربنا هو الذى يخلقها .
وأنا أحاول أن أذكر الله أمامه بطرق مباشره وطرق غير مباشره حسب سنه ولكنه فاجأنى وربنا جيه إزاى قولت له ربنا مجاش ربنا موجود وهو إللى بيجيب كل حاجه
هل سؤاله فى هذا السن طبيعى وهل ردى كافى أم كنت حاولت التوضيح أكثر أنا فكرت فى إنى لا أهتم كثيرا وهو لما يكبر هيفهم لوحده وشكرا
السلام عليكم ورحمه الله وبركاته

سؤال طبيعى ..

وإجابتك صحيحة ..

بس تحتاج لضبط الألفاط ..

فتقول له: ربنا هو اللى خلق الدنيا دى كلها ..

والخالق مينفعش نقول عليه مخلوق ..

وهو وحده يقدر يعمل أى حاجة ..

هذه الإجابة بحسب سنه ..

فكما فهمت أنه صغير ..

[العبد المؤمن]

شكرا أستاذ هشام
أردت التأكد حتى لا أكون مقصر فى شئ
جزاك الله خيرا

[محب المصطفى]

لو اتعبك المنطق معه اخبره بالتالي :

ان لكل شيء في قانون السببية بداية ونهاية

بمعنى ان هذا الشيء تسبب في هذا الشيء وهكذا لا تكون ابدا الى ما لا نهاية

وكمثال :
فالبريد الشخصي يأتي الينا بهذا الطريق

اول شيء صندوق البريد ثم مركز البريد المحلي ثم المركز الرئيسي ثم اداة الانتقال
ثم العكس مركز البريد الرئيسي فمركز البريد المحلي واخيرا صندوق البريد للطرف الآخر

فالفكرة ان البريد لم يأتينا بدون سبب وانما اتى من خلال تتالي الاسباب ولكنه
بالنهاية له مصدر او بداية هو المرسل وله نهاية وهو المرسل اليه

فهكذا دوما قاعدة السببية او التسبب دوما لها بداية واحدة هي الخالق سبحانه
وتعالى ولها نهاية ان شاء الله في المستقبل في علم الله وحده

وبالنسبة للسن يمكنك تشبيهها له بالخيط له اول وله آخر مهما كانت بكرة
الخيط طويلة او كبيرة او لا تكاد تنتهي امامنا لأول وهلة


اهمية هذه النقطة في تعليمك اياها له ان لا يأتي متشكك لاحقا ويخدعه لا قدر الله
بانها يمكن ان تكون عملية لا نهائية او شيء فهذا خطأ

هذا ان احتجت لذلك لا اكثر ان شاء الله ..

[العبد المؤمن]

أليس صغير على إستيعاب هذا الكلام
لا أعرف أحاول أفهمه ولا لما يكبر شويه بخاف أفتح دماغه على أشياء
لسه شويه عليها ولا هذا وقتها لتثبت الفكره فى دماغه
5 سنوات صغير جدا

[محب المصطفى]

اعلم انه صغير جدا ولكن انا فقط احببت ان انهي هذه النقطة عندك لتكون
امامك عند الحاجة اليها مستقبلا في اى وقت وليس بالضرورة اليوم والا في هذا العمر حتى


فكل ما هنالك انك ستتصرف على اساسها بتنبيهه لهذه التفصيلة الدقيقة كلما وجدت فرصة لايضاحها
وهذا لأهميتها لا اكثر ..

[العبد المؤمن]

شكرا أستاذ محب المصطفى
جزاك الله خيرا

[سدرة]

نعم سؤاله طبيعي جداً وإجابتك جيده
وانا فعمر ال6 سنوات سالت نفس سؤاله
بصراحة لااتذكر إجابة ابي لكن اذكر إجابة شقيقي الاصغر مني بعام :!

[العبد المؤمن]

الحمد لله على كل شئ
ربنا يبارك لكم فى بعض

[أسلمت لله 5]

السلام عليكم

هقولك إجابة كنت قرأتها قبل كده للأخت عربية بس دورت علي الفيديو مش لاقيه للاسف

المهم كان الحوار . لو ابنك سألك مين خلق الله تقوله

بص ياحبيبى هو احنا ينفع نضيف للسكر سكر ... ينفع نحط للسكر سكر علشان نسكره

هيقولك لا لأنه أصلا مسكر . وهو اللى بيسكر كل حاجه

هتقوله هو كده بالظبط يابرنس ربنا هو اللى خلق الكون كله وهو اللى جابه لانه الخالق ،،فمينفعش الخالق الاول يبقى مخلوق او حد يخلقه أو يجيبه للدنيا ؛

فا اللى بيقولك ياحبيبى أن السكر محتاج حد يسكره يبقى بيخرف صح ..

كذلك اللى يقولك ان الخالق محتاج حد يخلقه يبقى محتاج تدخل طبى" تخصص ماليخوليا " ولا ايه


اهم حاجة ان السؤال مشروع وضرورى وأحييك على جوابك وعلى انك بتحاول تجاوب ابنك اجابة عقليه منطقية زى ما الشرع بيقول وياريت تشجعه على السؤال لان ده هيبنى عنده عقيدة قوية وراسخة وحب للعلم الشرعى فيما بعد ولن يبنى ايمانه على وراثه دينية زى اغلب الناس للاسف التى تكاد لا تفقه شىء فى الدين وأنا أولهم للاسف

أدعو الله أن يبارك لكم فيه وأن ينبته نباتا حسنا ويجعله سببا فى رضا الله عنكم .

[العبد المؤمن]

أمين يا رب العالمين وجميع أولاد المسلمين

[أسلمت لله 5]

هذا هو الفيديو اخى الفاضل