درس الأحد ( 179 ) خروف و خرفان

تقليص

عن الكاتب

تقليص

showman2 مسلم اكتشف المزيد حول showman2
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • درس الأحد ( 179 ) خروف و خرفان




    بِسْمِ اللَّـهِ الرَّحْمَـٰنِ الرَّحِيمِ
    وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا ﴿الإسراء: ٧٠﴾
    وقال يسوع فى متى
    12: 12 فالانسان كم هو افضل من الخروف اذا يحل فعل الخير في السبوت

    درس الأحد ( 179 )
    خروف و خرفان

    الواعظ الأب شيب
    ماء ماء ماء
    التلاميذ
    ..........
    الأب شيب
    أنا بقول
    ماء ماء ماء
    سامح
    وحضرتك عاوزنا نقول إيه ؟
    الأب شيب
    إنتوا كمان تردوا عليا وتقولوا
    ماء ماء ماء
    فلتس
    ليه ؟
    الأب شيب
    إحنا مش كلنا خرفان
    بشارة
    وإللي مش عاوز يبقى خروف
    الأب شيب
    يبقى مش مسيحى
    بشارة
    هوعلشان أبقى مسيحى لازم أكون خروف يابلاش
    الأب شيب
    إنت ياحبيبى عمرك ما قريت الكتاب المقدس
    ماجاش على بالك مرة تقرا سفر الرؤيا
    ما طسش نظرك المكتوب عن الخروف ويطلع مين هو ؟
    17: 14 هؤلاء سيحاربون الخروف و الخروف يغلبهم لانه رب الارباب وملك الملوك والذين معه مدعوون ومختارون ومؤمنون
    نفسك ماهفتكش مرة تقرا انجيل يوحنا وتشوف الرب يسوع قال إيه عن الخرفان ؟
    ما انت لو بتقرا حتعرف إنه قال
    خرافي تسمع صوتي ، وأنا أعرفها فتتبعني
    وما دام انت رافض تكون خروف تبقى مش مسيحى ، لأن الرب يسوع قال
    ولكنكم لستم تؤمنون لأنكم لستم من خرافي ، كما قلت لكم
    وانتوا ياولاد إللي عاوز فعلاً يكون مسيحى ومؤمن لازم يكون خروف
    فلتس
    يكون خروف خروف ولآ يكون فى وداعة وبساطة الخروف
    الأب شيب
    لآ ياحبيبى تكون خروف خروف بفروته وليته وقرونه ولو تقدر تمشى على إيديك ورجليك وتقول ماء ماء يكون أحسن
    أما الوداعة والبساطة دى مسئلة تانية
    كونوا ودعاء كالحمائم حكماء كالحيات
    نجفة
    بس غريبة أوى الحكاية دى
    الأب شيب
    وإيه إللي غربّها ؟
    نجفة
    أصل حضرتك أول أب واعظ يدخل عندنا ويقول ماء ماء ماء وعاوزنا نرد عليه بنفس الكلام
    الأب شيب
    لأنك ما تعرفيش إللي أنا شفته
    ميخائيل
    شوفت إيه يابونا ؟
    الأب شيب
    بعدين بعدين
    مادلين
    إحنا عندنا فى البيت مربيين خرفان فوق السطوح بتاعنا والسنة دى النعجة ولدت خروفين بس طلعوا مخططين بالعرض
    وكلنا إستعجبنا من المنظر حتى بابا بقى يفرج قرايبنا عليهم وكانوا يستعجبوا هما كمان وسئلونا إنتوا كنتوا بتأكلوا النعجة إيه ؟
    كاترين
    هو فيه خرفان مخططة
    الأب شيب
    نسمع لو سمحتم وبلاش كلام
    أيوه كملي يابنتى حصل إيه بعدين ؟
    مادلين
    بابا قال لقرايبنا أبداً كنا بنأكلها عادى خالص
    واحد من قرايبنا قال لبابا إنت لازم تروح الكنيسة وتحكى لأبونا وهو حيعرف إذا كانت دى معجزة ولآ الشيطان بيضحك علينا
    فلتس
    صحيح حاجة غريبة أول مرة أسمعها
    الأب شيب
    من فضلكم من فضلكم سكوت لو سمحتم
    كملي وبعدين
    مادلين
    بابا راح الكنيسة وحكى لأبونا موارب الحكاية أبونا موارب قال لبابا
    لازم النعجة بتاعتكم إتوحمت على حاجة مخططة وده شيىء عادى وحصل قبل كدة لما أبونا يعقوب وضع خوازيق مخططة فى مجرى الماء والغنم إتوحمت لما شافت الخوازيق المخططة وخلفت خرفان مرقطة
    الأب شيب
    وهو بابا حط للنعجة بتاعتكم خوازيق مخططة
    مادلين
    ماما هى إللي كانت بتطلع الأكل ليهم
    وبابا قعد يقول لماما إفتكرى كويس ياخوخة
    يمكن حطيتى للنعجة حاجة وإنت ناسية
    وماما تقول لبابا يمكن إنت طلعت وحطيت لهم حاجة من ورايا وناسى
    وفين وفين لما ماما إفتكرت لما أخويا ريمون جاب كراسة الواجب بتاعته علشان يورى ماما الواجب وكانت ماما ساعتها فوق السطح بتحط الأكل للخرفان فماما وهى بتشوف خط ريمون النعجة حطت راسها فى الكراسة مع ماما وبعدين لما ماما شافت خط ريمون وحش وما يكتبش على السطر زعقتله وقالتله ده خط تكتبه وراحت رامية الكراس على الأرض النعجة على طول راحت واكلة صفحتين من الكراسة
    كاترين
    عاوزة تقولي إن النعجة لما شافت السطور إللي فى الكراسة إتوحمت عليها ؟
    نجفة
    إيه الكلام إللي ما يخشش العقل ده
    هى النعجة بتتوحم
    الأب شيب
    ماهو لو بتقروا الكتاب المقدس مكنتوش تستعجبوا كدة
    وحكاية وحم الغنم دى حقيقة وتلاقوا ده مذكور فى سفر التكوين الأصحاح 31
    لما أبونا يعقوب حب يخلص تاره من خاله لابان علشان ما جوزوش راحيل وجوزه ليئه اختها
    فوضع الخوازيق المخططة علشان الغنم لما تشوفها تتوحم عليها
    أصل الموضوع طويل ومحتاج شرح والوقت ضيق
    المهم إن الغنم بتتوحم
    نجفة
    بس أنا قريت السفر ده ومكتوب فيه إن الفحول إللي صعدت على الغنم يعنى الذكور هى إللي كانت مخططة ومرقطة
    وحدث في وقت توحم الغنم اني رفعت عيني
    ونظرت في حلم واذا الفحول الصاعدة على الغنم مخططة ورقطاء ومنمرة
    الأب شيب
    إنت لو قريتى صحيح زى ما بتقولي كنتِ أخدتى بالك إنه مكتوب فى أول العدد
    وحدث فى وقت توحم الغنم
    إذن الغنم بتتوحم زى ما بيقول الكتاب
    ورجاء لما واحد فيكم يقرا فى الكتاب المقدس يبقى ياخد باله كويس وما يتكلمش وخلاص
    لأن كلمات الكتاب المقدس حساسة شوية ومحتاجة حبة تركيز !!
    نجفة
    ولنفرض إنه مكتوب فى وقت توحم الغنم
    الأب شيب
    ونفرض ليه وهو مكتوب بالفعل
    فى وقت توحم الغنم
    نجفة
    طيب ماشى مكتوب فى وقت توحم الغنم
    بس السؤال هل الولدة إللي طلعت
    الأب شيب
    الأول تطلع إيه الولدة دى
    نجفة
    الخلفة يعنى النعجة لما خلفت مخططين
    الأب شيب
    أولاً مش مكتوب فى السفر مخططين مكتوب رقطاء وبلقاء
    اجتاز بين غنمك كلها اليوم واعزل انت منها كل شاة رقطاء وبلقاء وكل شاة سوداء بين الخرفان وبلقاء ورقطاء بين المعزى فيكون مثل ذلك اجرتي
    أرقط يعنى أبيض متساوى مع إسود والأبلق إللي هو المنقط إسود وفيه نقط بيضا
    نجفة
    ماهو فى الحلم شاف الفحول الصاعدة على الغنم مخططة
    عموماً مش حنختلف بس سؤالى عن حاجة تانية
    الأب شيب
    عن إيه بالظبط
    نجفة
    لما ولدت مرقطين وبلق
    كان ده نتيجة إنها إتوحمت على الخوازيق الملونة إللي وضعها أبونا يعقوب فى مساقى المياه ؟
    أم نتيجة إن الفحول التى صعدت عليها كانت مخططة ومرقطة ومنمرة ؟
    فلتس
    يعنى من شابه أباه فما ظلم
    أباه مش باقصد حضرتك قصدى والده
    ميخائيل
    أكيد الغنم بتتوحم زى ماقال أبونا
    مش نعجة مادلين لما شافت السطور وأكلت الصفحتين خلفت خرفان مخططة
    الياس
    وحم إيه يابنى الغنم طول عمرها بتشوف مخطط ومقلم ومضلع وإيش أحمر وأخضر وأصفر وأزرق وبتشوف الطويل والقصير والتخين والرفيع وبتشوف بنى آدمين وحمير وكلاب
    بلاش بيشوفوا ، دول بيكونوا عايشين مع خنازير وعمرنا ما سمعنا عن نعجة خلفت خروف شبه خنزير أو شبه كلب لو كانت بتتوحم بصحيح
    سامح
    جايز يامادلين زى ما بيقول أبونا يكون خروف من إياهم صعد السطح وإنتوا مش واخدين بالكوا
    الأب شيب
    خلاص بلاش حكاية الخرفان والوحم بتاعها
    ونتكلم فى حاجة تانية
    نجفة
    يعنى حضرتك ما ردتش على السؤال
    الأب شيب
    أعتقد إن السبب إنه إتوحمت على الخوازيق
    نجفة
    بس مكتوب
    وقال لي ملاك الله في الحلم يا يعقوب فقلت هانذا
    فقال ارفع عينيك و انظر جميع الفحول الصاعدة على الغنم مخططة و رقطاء و منمرة لاني قد رايت كل ما يصنع بك لابان
    الأب شيب
    لما أرجع للسفر وأقراه كويس أرد عليك
    نجفة
    مش لسه حضرتك قايل
    ورجاء لما واحد فيكم يقرا فى الكتاب المقدس يبقى ياخد باله كويس وما يتكلمش وخلاص
    لأن كلمات الكتاب المقدس حساسة شوية ومحتاجة حبة تركيز !!
    الأب شيب
    من فضلكم نغير الموضوع لو سمحتم
    فيولا
    ممكن سؤال
    الأب شيب
    إتفضلى
    فيولا
    مكتوب فى إنجيل متى إصحاح 28
    الأب شيب
    يادى متى ووجع القلب
    كل الأسئلة إللي بتيجى عن المكتوب فى متى سواء النبوات أو تضخيم الأحداث
    كملي كملي
    فيولا
    مكتوب من العدد 12
    28: 12 فاجتمعوا مع الشيوخ وتشاوروا
    واعطوا العسكر فضة كثيرة
    28: 13 قائلين قولوا ان تلاميذه اتوا ليلا
    وسرقوه ونحن نيام
    28: 14 واذا سمع ذلك عند الوالي فنحن نستعطفه ونجعلكم مطمئنين
    28: 15 فاخذوا الفضة وفعلوا كما علموهم فشاع هذا القول عند اليهود الى هذا اليوم
    الأب شيب
    بتسئلى عن إيه ؟
    ماهو الكلام واضح مفيهوش رمزية
    فيولا
    أنا باسئل عن الجزئية بتاعة
    فشاع هذا القول عند اليهود إلى هذا اليوم
    القديس متى بيقصد أنهى يوم ؟
    الأب شيب
    طبيعى يكون اليوم إللي كتب فيه إنجيله
    فيولا
    وفى أى يوم كتب متى انجيله حتى نحدد إلى متى شاع هذا القول ؟
    الأب شيب
    وأنا إيش عرفنى
    فيولا
    وشاع هذا القول إلى هذا اليوم
    معناه مرور فترة زمنية طويلة من وقت وقوع الأحداث إلى وقت كتابة إنجيله
    الأب شيب
    إفرضى إنه مرت فترة زمنية طويله
    إيه المشكلة ؟
    فيولا
    لابد ما شاع كان قوى للدرجة التى تمكنه من الأستمرار كل هذه الفترة الطويلة
    الأب شيب
    إنتِ بتلفى وتدورى ليه
    هاتى من الاخر
    عاوزة تقولي إيه ؟
    فيولا
    عاوزة أأقول الاشاعة أو الكذبة لا تستمر طويلاً
    لابد فيه شيىء من الحقيقة حتى تستمر كل هذه الفترة الطويلة
    الأب شيب
    وإيه بقى الحقيقة
    فيولا
    التلاميذ يكونوا بالفعل سرقوا جثة من القبر
    الأب شيب
    عاوزة تقولى إنهم سرقوا جثة الرب يسوع من جوه القبر وإنه ماقامش لوحده من بين الأموات
    فيولا
    أنا ماقلتش سرقوا جثة الرب يسوع
    الأب شيب
    إومال سرقوا جثة مين ؟
    ميخائيل
    إيه الكلام ده ؟
    إنت حتخرفى ؟
    مريام
    إنت بتجدفى كدة يافيولا
    الأب شيب
    إمنعوا الكلام لو سمحتم
    ياه الوقت أخدنا
    الاسبوع الجاى نناقش الكلام إللي قالته زميلتكم
    ودلوقت سلام
    التلاميذ
    سلام
    وآخر دعوانا ان الحمد لله رب العالمين
    لا شريك له










  • #2
    هل من طالب للحق
    هل من منافح عن كتابه
    هل من يثبت لنا توحم الغنم






    تعليق


    • #3
      يا رب الخرفان تفهم !!

      بالمناسبة دي اسألك

      لو الخرفان اتوحمت علي الفراولة

      نلاقي الولدة طالع لها فراولة في قفاها ؟!!

      ربنا يشفي !!

      احسنت اخي الحبيب شومان 2

      ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ [النحل : 125]

      تعليق


      • #4
        كان فيه واحد أسمه الخروف الضال على المنتدى

        كنت كل ما أناديه بأسمه كنت بحس أنى بشتمه والله كنت بقولها وأنا مكسوف
        إستوقفتنى آية ( ليشارك الجميع ) -- أستوقفنى حديث رسول الله ... متجدد

        من كلمات الإمام الشافعى رحمة الله عليه
        إن كنت تغدو في الذنوب جليـدا ... وتخاف في يوم المعاد وعيــدا
        فلقـد أتاك من المهيمن عـفـوه
        ... وأفاض من نعم عليك مزيــدا
        لا تيأسن من لطف ربك في الحشا
        ... في بطن أمك مضغة ووليــدا
        لو شـاء أن تصلى جهنم خالـدا
        ... ما كان أَلْهمَ قلبك التوحيـدا
        ●▬▬ஜ۩۞۩ஜ▬▬●
        أَسْتَغْفِرُ اللَّهَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ
        ●▬▬ஜ۩۞۩ஜ▬▬●

        تعليق


        • #5
          المشاركة الأصلية بواسطة كنز العلوم مشاهدة المشاركة
          يا رب الخرفان تفهم !!

          بالمناسبة دي اسألك

          لو الخرفان اتوحمت علي الفراولة

          نلاقي الولدة طالع لها فراولة في قفاها ؟!!

          ربنا يشفي !!

          احسنت اخي الحبيب شومان 2
          لو بتتوحم صحيح فأنا أقترح على كل واحد مسيحى يحط قدام النعجة بتاعته تين علشان لما تتوحم عليه يطلعلها فى الولدة بتاعتها تين على الأقل يسوع لما يدور على تين يلاقيه
          نورت الدرس أخونا الحبيب كنز العلوم






          تعليق


          • #6
            المشاركة الأصلية بواسطة مسلم للابد مشاهدة المشاركة
            كان فيه واحد أسمه الخروف الضال على المنتدى

            كنت كل ما أناديه بأسمه كنت بحس أنى بشتمه والله كنت بقولها وأنا مكسوف
            وليه الكسوف أخى الحبيب
            ده إنت لما تقول له يا خروف فقد خلعت عليه تاج الجزيرة
            وبعدين الخروف الضال إللي إنت بتقصده كانت واحدة يعنى نعجـــــــة من النعاج التى تتوحم






            تعليق

            مواضيع ذات صلة

            تقليص

            المواضيع إحصائيات آخر مشاركة
            ابتدأ بواسطة *اسلامي عزي*, 9 فبر, 2024, 12:51 ص
            ردود 0
            17 مشاهدات
            0 معجبون
            آخر مشاركة *اسلامي عزي*
            بواسطة *اسلامي عزي*
             
            ابتدأ بواسطة *اسلامي عزي*, 6 فبر, 2024, 01:30 ص
            ردود 0
            10 مشاهدات
            0 معجبون
            آخر مشاركة *اسلامي عزي*
            بواسطة *اسلامي عزي*
             
            ابتدأ بواسطة *اسلامي عزي*, 2 فبر, 2024, 12:56 ص
            ردود 0
            3 مشاهدات
            0 معجبون
            آخر مشاركة *اسلامي عزي*
            بواسطة *اسلامي عزي*
             
            ابتدأ بواسطة *اسلامي عزي*, 22 ينا, 2024, 01:47 ص
            ردود 2
            16 مشاهدات
            0 معجبون
            آخر مشاركة *اسلامي عزي*
            بواسطة *اسلامي عزي*
             
            ابتدأ بواسطة *اسلامي عزي*, 22 ينا, 2024, 01:28 ص
            ردود 0
            6 مشاهدات
            0 معجبون
            آخر مشاركة *اسلامي عزي*
            بواسطة *اسلامي عزي*
             
            يعمل...
            X