الخطة الشبابية لحجب المواقع الاباحية ,,, انشر تؤجر

[إيمان أحمد]

صفحة على الفيس بوك , تدعو إلى

اغلاق المواقع الجنسية فى مصر الوصف حملة قوية تشمل دعاية بمنشورات و ملصوقات قوية فى شتى انحاء الجمهورية و طباعة تيشرتات من اجل الحملة و عمل برومو واستضافة علماء و مفكرين و اطباء علم نفس و الاستنعانة بالحكم القضائى النافذ فى هذا الامر وبعض المحامين و عمل نشيد للحملة و اخيرا سيحدد موعد الاعتصام امام الوزارة قبل رمضان باسبوع

الموقع الإلكتروني : http://www.2purenet.com

الصفحة على الفيس : http://www.facebook.com/Pure.Net?sk=info

http://www.youtube.com/watch?v=UhG7n...layer_embedded

[*أم ردينة*]

و الله أنا دعيت للموضوع ده على قناة أزهري و طالبت بتفعيلها من حوالي 3 شهور
على فكرة
اتفاقية بكين برغم ما فيها من أشياء مخجلة جدا و محرمة في الشريعة الإسلامية لأ في كل الشرائع
إلا إن الصين نفسها تمنع المواقع الإباحية لعدم إلهاء الشباب عن العمل
و برغم مطالبة الإخوان المسلمين في مجلس الشعب بغلق المواقع الإباحية إلا أن صوت الحزب الواطي كان أعلى
و حسبنا الله ونعم الوكيل
و نسوا حديث الرسول عليه الصلاة و السلام " كلكم راع وكلكم مسئول عن رعيته " صدق رسول الله صلى الله عليه و سلم
لأ و يقولوا دي حرية شخصية
قال حرية شخصية قال !
حرية شخصية في عينهم عديمي الحياء
الحمدلله أهي جات من الشباب نفسهم
اللي أصلا عايزين يغيببوهم عن واقعهم ومشاكلهم يلهوهم بأي حاجة
يارب وفقنا و وفق شباب المسلمين ( إناث و ذكور )
اللهم آمين

.

*أم ردينة*

[*أم ردينة*]

لا لا للإباحية .. يلا نخلي حياتنا سوية

لا لا للإباحية يلا نخلي حياتنا سوية
جسمي أمانة و غالي علية
من رب العالمين ده هدية
عمري ما افرط فيه و لا ثانية
لا لا للإباحية يلا نخلي حياتنا سوية
يلا نخلي بلدنا قوية
مصر العالية الغالية علية
حرة عفيفة بريئة أبية
طهر و عزم بلد حرية أبدا أبدا مش مطاطية
لا لا للإباحية يلا نخلي حياتنا سوية
يلا نطهر مصر بلدنا
أحلى بلد لينا و لولادنا
هي وطنا و نبض فؤادنا
يلا بعزم و قوة إيدنا

لا لا للإباحية يلا نخلي حياتنا سوية
اللي بيسمح بالإباحية
دا تخلف و عقول رجعية
تايهين في عصور حجرية
عصر جواري علوم منسية
لا لا للإباحية يلا نخلي حياتنا سوية
طول ما تقلدو أخطاء بره
عمر بلدنا ما تصبح حرة
كنتو في جره طلعتو لبرة
جبتو العار ليكو و للدنية
لا لا للإباحية يلا نخلي حياتنا سوية
عمر العهر ما جاب القوت
ده بيطاطي الراس و الصوت
طهر و عفة و لو هنموت
قولها و علي بيها الصوت
لا لا للإباحية يلا نخلي حياتنا سوية
يلا يا بلدي ارفعي راسك
طاهرة عفيفة بريئة بناسك
دا شبابك هما حراسك
أعلى م النجم و متماسك
لا لا للإباحية يلا نخلي حياتنا سوية
لما نسيب للفحش مكان
عمر بلدنا ما تبقى أمان
تلقى شبابها الليل سهران
مش لاقي نفسه عايش حيران
لا لا للإباحية يلا نخلي حياتنا سوية
مصر بلدنا مصر أملنا
أمنا هي و أم الدنيا
يلا نعيد من تاني زماننا
زمن العفة و مش حاجة تانيا
لا للإباحية يلا نخلي حياتنا سوية
يلا نخلي بلدنا قوية
مصر الحرة عفيفة أبية
.
*أم ردينة*
من تأليفي
و لا يحق لأحد التعامل بها أو عليها إلا بعد الرجوع إليّ
مع سماحي للحملة باستخدامها كوسيلة للترويج فقط
و لا أسمح لأحد أن ينسبها لنفسه