مصطلحات عربيه

[الشرقاوى]

مصطلحات عربيه بمفهوم واقعي

التنوير:

عملية تتم في الشوارع عندما يسكنها وزير.

العولمة :

عملية تحول اجتماعي وثقافي وفني تمارسها فيفي عبده.

الشفافية :

سمة ضرورية للملابس المستخدمة في العولمة.

الجات :

مصيبة و جات على دماغنا.

النظام الملكي :

عند وفاة الملك ينتقل الحكم لابنه ليصبح هو الملك الجديد.

النظام الجمهوري :

عند وفاة الرئيس ينتقل الحكم لابنه ليصبح هو الرئيس الجديد.

المبايعة :

ورقة تكتبها لما تبيع سيارة قديمة.

الدستور :

كلمة تقال للحماية من الاسياد لما الواحد يدخل بيت مسكون.

الديمقراطية :

نوع من الفنون الزخرفية يستخدم لتزويق صورة الحكومة.

القانون :

آلة تصدر أصوات جميلة لما تـلعـب عليه في حفله.

الحرية للجميع :

للشعـب ان يقول ما يشاء ، وللحكومة ان تـفعـل ما تـشاء.

حرية النشر :

تمارسها النساء عـلى السطوح في المناطق الشعـبـية.

الدبلوماسية :

احسن هدية تصالح بها مراتك بس بشرط الألماس يكون حر.

الصراع الطبقي :

خناقة كل بيت على مين اللي يغسل الاطباق النهار دة.

حرب الشوارع :

قيادة سيارة في شوارع القاهرة.

العمل الثوري :

مذكر العمل البقري.

الشريط الحدودي :

الشريط الجاي لعمرو دياب.

الوحدة العربية :

ان تعاني كل دولة عربية من الشعور بالوحدة!

حرب التحرير :

معركة شهيرة يخوضها كل من يريد استخراج جواز سفر من مجمع التحرير

[محب المصطفى]

اضحكتنا اضحك الله سنك وجزاك الله عنا كل خير

[solema]

بسم الله الرحمن الرحيم

الحرية للجميع :

للشعـب ان يقول ما يشاء ، وللحكومة ان تـفعـل ما تـشاء.

النظام الجمهوري :

عند وفاة الرئيس ينتقل الحكم لابنهليصبح هو الرئيس الجديد.

بس غريبة أن صاحب الموضوع لسه عايش لحد دلوقتى ؟!!!!!!


ومع ذلك ربنا يكرمه أينما كاااااااااااااااااااان .........

[الشرقاوى]

النظام الجمهوري : عند وفاة الرئيس ينتقل الحكم لابنهليصبح هو الرئيس الجديد.

بس غريبة أن صاحب الموضوع لسه عايش لحد دلوقتى ؟!!!!!!

لأن مفيش ولا رئيس توفاه الله لحد دلوقتى

وبعدين هو أنا قلت إسم الدوله إيه؟

[solema]

لأن مفيش ولا رئيس توفاه الله لحد دلوقتى

وبعدين هو أنا قلت إسم الدوله إيه؟

هو من ناحية الرؤساء اللى............. فيه فعلا ............؟!!

بس ........................

إحنا نحمد ربنا على سلامتك !!!!!!!!