معلنة استسلامك !!!
أنا طلبت من حضرتك روابط الكلام بتاع التكفير اللى ادعتيه على الشيخ محمد عبد المقصود والمحلاوى وصفوت حجازى وغيرهم اللى قولتى إنك سمعتيه بأذنك
مال ده ومال إعلان استسلامك فى مناقشة تخص الإخوان وشفيق !!

المشاركة الأصلية بواسطة لىنوفر مشاهدة المشاركة

المعلومات الى عندى من الاماكن دى ياريت تشوفوها اخبار ياهوو مكتوب masrawy.com ومواقع اخبارية زى الازمه والميدان والواقع

ما شاء الله تبارك الله كوللكشن من المواقع الضالة المضلة زي اليوم السابع في عز جبروته

مصراوي تبع ساويرس افندي
والياهوو يهودي
والازمة يحررها نبيل شرف الدين افندي

والميدان والواقع اول مرة اسمع بيهم اساسا !!!

واضح انك مطلعة على شبكة ما يعلم بيها الا ربنا

نصيحة غيري الشبكة هتلقي الدنيا انظف من كده كثير ، واحسنوا الظن باخوانكم فلسنا نعيش في الجنة وانما لابد ان نجد من حولنا الكثير من المغرضين ..

انا اسفة بس بصراحة المسيحيين عندهم حق الاخوان مش هيقيموا شريعة الله

- وآسفة ليه ، ما انتي قلتيها خلاص !!
- طبعا كما قال مولانا الدكتور امير فأنتم لم تتطلعوا على قلوبهم ونواياهم لتعرفوا ..
- تصديق المسيحيين :
اهي دي ولحدها احد اكبر الآفات اللى بيقع فيها المسلمين ،
يروح يصدق مختلف الديانة عن اخوه المسلم ويصدقه ويكذب اخوه المسلم !!

يعني ده لو مكنش ضعف دين فهيكون ذكاء زايد عن الحد بصراحة
لأنه بديهي انه صاحب الديانة المختلفة مصدر مشكوك فيه بالنسبة ليكي كمسلمة اصلا
لأنك لا تطمئني الى حياديته فيما يخص اخبار المسلمين بل ادهى من ذلك انه يهمه جدا :
إحداث الوقيعة بينهم ليكون رأيهم وكلامهم (كنصارى) ذو قيمة بتفرقنا كمسلمين !!

وسبحان الله كثير من الناس بالطيبة الغير طبيعية التى لا تتصور كون المسيحي يمكن ان يخطئ عمدا او غير عامد (من مصادره في اكلنيسة وتوجهاتها) !!!

فقط التزمي مصادر المسلمين واطمئني اليها - كل منها بقدره (انما الذئاب تأكل من الغنم تلك القاصية والبعيدة والتى تمشي منفرده) .

انا حتى مستغرب ازاي عرفتي توصلي هنا لما كل دي هيا مصادرك - الطبيعي تنتهي الى اماكن تانية (ربنا ستر) ..

دة حتى مابيسيبوش حد يعبر عن رايه

بصراحة انا شايف العكس معك

انا رايى الخاص ان الاخوان حكمهم فيه خراب البلد

وهل من الايجابية عرض رأي سلبي كهذا في بداية حكم مستقبلية مجهولة يحاول الرئيس المنتخب فيها ارساء قواعده والتمهيد للاصلاح ؟!!!
ام ان الايجابية عنك تكون بالسلب والهدم وحسب دون حتى انتظار النتائج ؟!!!

فقط احتفظي به لنفسك حتى تجدي دليلا "صحيحا" عليه

الناس ساكتة لم تتكلم لمجرد الزهق من الثورات يعنى مجبر اخاك لا بطل

لاحظي ان فيه طرفين زهقانين مش طرف واحد وبالتالي كده كده لازم نشوف النتائج ونحكم
في الانتخابات الجاية باحترامنا لنفسنا والقانون (طالما الزهق واكل بعضه للدرجة دي) ..

لا انا بشوف الحلقات عالتليفزيون وماعرفش انزل روابط من عالنت دور انت بقى عاليها

يعني من الآخر كل اللى استفدناه من كلامك هو انك "كأنك" بتقوليلنا :

انا عندي شبهات - انا خايفة من الاخوان - انا مصدقة اللى بيتقال عنهم وخلاص - وحتى روحوا مواقع مشبوهة علشان تصدقوا

بصراحة مش عارف اقولك ايه - ربنا يهديكي ، لا الف شكر معندناش استعداد نسمم اسماعنا واعيننا بأكاذيب فقط ليس لها ارجل على ارض الواقع .

نصيحة متبقيش زي اللى فضل خايف من العفريت لحد ما طلع له
انتي كاحد افراد الشعب اللى بتصنعوا المجرم مجرم بكثرة اتهامه عمال على بطال
والعكس صحيح يحاول من كان مجرم ان يتحول الى محترم باحترام الناس له نتيجة التزامه بعد اقتصاص المجتمع منه .

انا عايزة واحد يحى يقيم شرع الله ونفسى لان شرع الله مفيش احسن منه

جميل لكن الفرق ما بينا انك فاكرة ان التغييير هييجي فجأة وخايفة منه لأننا مش ملايكة

الصح انك تسلمي بالحقيقة اللى بتقول اننا مش هنقدر نغير حاجة فجأة وانما فقط بالتغيير التدريجي
وتتقبلي السهو والاخطاء برحابة صدر وقدرة حقيقية على العلاج بايجابية لها وليس مجرد الهدم
والتخوف والتصرف السلبي بالتصادم مع الكيان ككل والتوجهات الاسلامية فحسب !!!

لكن الاخوان بيكماوا كل حاجة كان بيعمملها مبارك فاخر ايامه

شيء طبيعي الاكمال ، لأنها نفس الدولة ونفس معظم القوانين وووو ولم يبدأ التغيير بعد و حتى ان بدأ فلم يكتمل بعد ...

قال هاعمل حصة للمىة والنور جه رئيس وزراء مرسى قال كدة وبيقطعوا المية والكهرباء والناس فى السلام بينزلوا يملوا المية من اسكندرية لهم ثلاثة ايام

البركة في "نظام مبارك" - الحرامي مجددش محطات كهرباء كثير ومعملش حساب التوسعات في التعداد السكاني وفضل انه يحط المبالغ دي
كلها في جيوب النصابين بتوعه فاحدى اهم المحطات الكهربائية مثلا كمحطة كهرباء السد العالي حاليا ان لم تكن في طريقها للاغلاق فقد اغلقت
لانتهاء عمرها الافتراضي النهاردة النظام الثوري الجديد علشان يبدأ يتصرف هيلقى المحطات دي بتاخد سنوات لحين الانتهاء منها عمليا
فضلا عن انه مفيش فلوس حقيقية فائضة تستطيع تغطية هذه الامور الشديدة الاهمية ولكن المهم ان السرقات توقفت (كما نرجو الله) وان
التخطيط الصحيح يبدأ من هذه الايام المباركة بإذن الله فالصبر طيب رغم وجود المصاعب واستمرار المعاناة

طبعا اللى بيزيد الطين بله هو بعض الافراد الموالين للنظام القديم وبعض المتكسبين والمستفيدين منه الذي يقومون
بتعكير صفو حياة الناس عن قصد ودون اى مراعاه لأحوالهم لأنهم سيطالهم المسائلات القانونية بعد الثورة عاجلا ام آجلا
كما عملت حكومة الجنزوري بشكل حثيث قبل تسليمها لمهامها للحكومة المرتقبة !!

وبيبعتوا المية والكهرباء لغزة طب يبعتوا اللى احنا مش محتاجينه مش يقطعوهم

- في حدود معلوماتي انه لا توجد مياه ترسل لغزة فهل جد جديد ؟؟

- اما بخصوص الكهرباء فهذا مشروع ربط كهربائي يمتد حتى تركيا ووظيفته رفع الاحمال الضعيفة
على عموم اتحاد هذه الشبكات فتقل الخسائر ان وجدت في حالة ضعف محطات الكهرباء في احد الشبكات
وهذا امر هندسي معلوم ومفروغ منه وبالتالي فحتى ان تم ربط الكهرباء من خلال غزة او الاردن تحديدا
فهذا لا يعني اننا نهدرها بل الاصح هو القول ( اننا بنرمي بلانا عليها وعلى الشبكات اللى وراها )
فبدلا من ازدياد الخسائر عندنا بالكامل بسبب ارتفاع الجهد الكهرباي المطلوب في انحاء مصر تقوم هذه
الشبكات بتعويض بعض النقس في سبيل تقليل الخسائر وتخفيض عدد الاماكن التى يطالها الانقطاع الكهربي في مصر
(والا كان بقى اكثر بكل تأكيد - وطبعا بدل ما نشيل للناس دي الجميل - واضح ان جهلنا الهندسي بهذه الامور تحول
الى التصرف العكسي - بسبب الاعتماد على مصادر اخبارية مشبوهة - ولا حول ولا قوة الا بالله !!!)
فالمسألة مش مسألة اختلاف آراء المسألة هي مسألة توزيع الانقطاع على بعض القطاعات في سبيل تدوير الانقطاع
على الجميع باستثناء بعض القطاعات المهمة التى لا سبيل لقطع الكهرباء عنها كالمستشفيات وما الى ذلك ..

وبعدين قنوات ايه الدينية احنا بنتفرج عالقنوات العادية

دي حضرتك قنوات جديدة المفروض انها تعلم الناس اللى مأخدوش دينهم وتعرفهم على دينهم بالتدريج بإذن الله
والقنوات العادية فأخيرا ابتدت تنظف اخيرا اهه ولله الحمد

شفيق لما مسك الطيران صلح المطار اللى كان معلش فى الكلمة شبه الخرابة وبعدين هو لما كان رئيس الحكومة مشفناش منه حاجة وحشة

شفيق ، شفيق ، شفيق ، كررتي اسمه كثير كأنه قريبك مع انه ميستهلش دفاعك عنه ابدا
لأنه لو مظلوم فعلا كان زمانه فضل في مصر وواجه كل اللى بيفتروا عليه زي الشيخ حازم وغيره مش يهرب بره ويعمل فيها بيه !!
وياريته هرب بحجة معقوله - قل ايه رايح يعمل عمرة (لا العمرة بتاخد الوقت ده كله ولا اساسا بتكون في دبي او ابوظبي !!!)

والانطباع الاولى عن اى هارب انه "مجرم" وخايف من العقاب ..

ولو اى حد اشتغل فى عهد مبارك يبقى فلول نبقى كلنا فلول ثم ان انت لية بتستخدم تعبير فلول كلمة فلول فى حد ذاتها معناها الهارب من الحرب وملهاش اى علاقة بالى احنا بنتكلم فيه

بالمناسبة كلمة فلول تعني بقايا : يعني مش مصطلح عايم وخلاص وبيتعمم على العاطل وبالباطل ولا حتى خاص بالحرب
لأ دي معناها بقايا النظام القديم او بمعنى اصح من بقي منهم ليتشدد له مع انه يعلم يقينا انه
كان يجلب للبلاد الخراب ويريد عودة هذا الخراب كما كان ليتهرب من المسائلة !!!

اما الناس العادية اللى معملتش اى حاجة غلط فمش هتخاف من اى مسائلة ابدا لأنها طول عمرها ماشية صح بإذن الله ،
لا سرقة ولا نصب ولا تهربات ضريبية ولا احتكارات ولا اى مآسي من مآسي النظام القديم ولله الحمد ..

الرحمه انا اتقهقر والله استسلمت يعنى انا مطلوب منى اجيب دليل على كلامى اللى انا اكتشفت انه غلط حاولت اجيب ماعرفتش لا اصلية ولا متفبركة وبعدين ان اصلا حاسة انى بقرا انجليزى من كتر اللى قراته كل دة عشان سالت عن كلمتين قريتهم عالنت افهم ان دة عقاب المنتدى بتاعكوا دة حلو جدا بس عيبه انه بيحب يطلع كل اللى بيدخلوا من غير المتخصصين بودان طويلة انا اقتنعت وربنا اقتنعت والمصحف اقتنعتتتتتتتتتتتتتت اثبت ازاى

يا عم ادخل انت انا مابعرفش انزل حاجة من عالنت مابعرفششششششششششششششششششششش

المشاركة الأصلية بواسطة لىنوفر مشاهدة المشاركة

الرحمه انا اتقهقر والله استسلمت يعنى انا مطلوب منى اجيب دليل على كلامى اللى انا اكتشفت انه غلط حاولت اجيب ماعرفتش لا اصلية ولا متفبركة وبعدين ان اصلا حاسة انى بقرا انجليزى من كتر اللى قراته كل دة عشان سالت عن كلمتين قريتهم عالنت افهم ان دة عقاب المنتدى بتاعكوا دة حلو جدا بس عيبه انه بيحب يطلع كل اللى بيدخلوا من غير المتخصصين بودان طويلة انا اقتنعت وربنا اقتنعت والمصحف اقتنعتتتتتتتتتتتتتت اثبت ازاى

هههههه معليش حقك عليا انا - منتبهتش لبعض مشاركاتك اثناء تحضير الرد

المشكلة ان وجودك كان فرصة علشان نصحح للناس مفاهيم كتيره غلط عندهم مش اكثر ..

عموما حصل خير ان شاء الله..

حصل خير حصل خير المشكلة ان انا اصلا مفهمتش لاحاجة لا اللى انت قولته ولا اللى هما قالوه لان انا اصغر منكوا بكتيررررررررررررر وكلكوا عمالين تكتبوا كلام من ذوى العشرين حرف انا داخلة على اساس ان انا فالازهر وقلت دة بنت جامدة اوى ومحدش هيقدر عليا من اول مشاركة ليكوا اثبت ان انا ودانى طويلة وبقالى ساعة اقول استسلمت بس انتو مش مصدقين

المشاركة الأصلية بواسطة لىنوفر مشاهدة المشاركة

حصل خير حصل خير المشكلة ان انا اصلا مفهمتش لاحاجة لا اللى انت قولته ولا اللى هما قالوه لان انا اصغر منكوا بكتيررررررررررررر وكلكوا عمالين تكتبوا كلام من ذوى العشرين حرف انا داخلة على اساس ان انا فالازهر وقلت دة بنت جامدة اوى ومحدش هيقدر عليا من اول مشاركة ليكوا اثبت ان انا ودانى طويلة وبقالى ساعة اقول استسلمت بس انتو مش مصدقين

أختنا الكريمة نحن هنا جميعا للرد على كل من له أستفسار
ولو هناك أى شىء لم تفهميه من كلام الأخوة تفضلى به والجميع يرد عليك لكى يساعدك فى أستفسارك ويوضح لك أن كثير مما يقال هو كلام بدون دليل وغالبا ما يتبناه إعلام فاسد يريد لمصر كلها الخراب من أجل مصالحهم الشخصية

جزاك الله خيرا وأهلا ومرحبا بك أخت كريمة فى منتدى حراس العقيدة

انا مش قصدى مش فاهمة يعنى كبير عليا انا اقصد انى كانى كنت حاسة انى بقرا انجليزى

أضحك الله سنك أختي الحبيبة لىنوفر .. أضحكتيني بجد

بل أنتِ أختنا رفع الله قدركِ في الدنيا والآخرة ، وكلنا نتعلم من صغيرنا لكبيرنا ، ويظل المرء يتعلم إلى أن يموت ، ولا يعيبه ألا يعلم وأن يتعلم ما لم يعلم بل يُرفع بالعلم درجات تزيد بـِرُقـِيـِّهِ في مراتب العلم ، وساعة يظن المرء نفسه أنه قد حاز العلم فهو لا يعلم شيئاً على الحقيقة ، وصدق من قال : وكلما ازددتُ علماً زادني علماً بجهلي ..

مرحباً بك أختنا الحبيبة بين إخوانك وأخواتك من حراس العقيدة ونرجو ألا تنقطعي عن مشاركتنا بالمنتدى فبملازمتك الصحبة الصالحة ستكونين يوماً ما حارسة من حراس العقيدة الأفذاذ - وتكتبي كلام من ذوي العشرين حرف - وعساه يكون قريباً جداً إن شاء الله تعالى لاسيما وأنتِ أزهرية أي قطعتِ شوطاً ما ولله الحمد والمنة ..

المشاركة الأصلية بواسطة لىنوفر مشاهدة المشاركة

حصل خير حصل خير المشكلة ان انا اصلا مفهمتش لاحاجة لا اللى انت قولته ولا اللى هما قالوه لان انا اصغر منكوا بكتيررررررررررررر وكلكوا عمالين تكتبوا كلام من ذوى العشرين حرف انا داخلة على اساس ان انا فالازهر وقلت دة بنت جامدة اوى ومحدش هيقدر عليا من اول مشاركة ليكوا اثبت ان انا ودانى طويلة وبقالى ساعة اقول استسلمت بس انتو مش مصدقين

أضحكَ الله سِنَّك أختنا الكريمة .. بصراحة أخالفكِ الرأى فأنا أرى أنَّه لم يقدر عليكِ أحدٌ فِعلا .. بل إنَّك فى حقيقة الأمرِ من أصعبِ مَنْ تحاورَ معهم الحُرَّاس .. لدرَجة أنَّك قضيتى ساعة كاملة تقولين أنَّك استسلمتى ولا نُصدِّقك .. طول عمرى بقول الأزهر دا جااااااااااامد ( أنا أزهرى على فكرة )

مرحبا بكِ فى بيتِ الحُرَّاس أختنا الكريمة .. هُنا بيتُ الأخوَّة فى الله والدعوةِ إلى سبيله .. أسألُ الله تعالى أن يجعلكِ حارِسة لا يُشقُّ لها غُبار كسائر الحارِساتِ .

صحيح الأخت "قلب ينبض بحب الله" حارِسةٌ أيضا .. وأعتقدُ أنَّها يُمكن أن تُخبرنا برأيها فيكِ كحارِسة مُبتدءة .. فقد أتعبتيها حقا .

بعيدا عن كلام لينوفر عن تكفير الشيوخ لمن لا ينتخب مرسى عشان الكلام ده أظنه غير صحيح مطلقا
ما رأيكم أن غير واحد من الاخوان قال على أحد مرشحى الرئاسة أنه لن ينتخبه لأنه كالخوارج والشيعة والمعتزلة والكلام كان مكتوب على موقع الاخوان ذاته ؟ وهل يعد هذا تكفثيرا
وأيضا سمعت كلام من أحد الاخوان من قال على أحد مرشحى الرئاسة وأقسم أنه لو نجح سيخلع الحجاب عن النساء
وأحد قادة الاخوان المشهورون جدا قال إن من سينتخب أحد المرشحين قال عنه سيكون أثم مرتين
ملحوظة أنا إنتخبت مرسى فى الجولة التانية وسعيد جدا بقرارت كثيرة إتخدها

أضحك الله سنك أستاذنا الفاضل أحمد
أنا مبتدئة كأختى لينوفر ولست حارسة وإن كنت أتمنى ولى كل الشرف وأى شرف كشرف حراسة العقيدة
أما عن أختى الحبيبة لينوفر فأطلب منها قليلاً من التركيز وترتيب أفكارها وإن شاء الله هتكون الأمور زى الفل
والنصيحة دى يا أختى مالهاش علاقة خااااااااااالص خااااااااااالص بكلامك ده
ده مش صحيح أبداً ولا نعتقده فى إخواننا وأخواتنا على هذا الصرح العظيم
بالعكس ما رأينا منهم إلا كل خير و مخاطبة كلُُ منا على قدر فهمه وعقله بإحترم وأخلاق وإخلاص للوصول إلى الحق
وكلنا بنتعلم منهم يا أختى ومفيش حد مننا كبير على التعلم
بس حظك بقى إنك داخلة تتكلمى كلام قرأتيه على مواقع غير موثوقة
وكمان سمعتيه على قناة العوكش ودى لوحدها جريمة يُعاقب عليها القانون

تحياتى لكِ أختى الحبيبة لينوفر

حلو بس انتى ماسمعتيش بيانه قبل ماينجح بتاع الجزمة انا اقتنعت باللى قولتوه اة بس مش هاكتب كدب

المشاركة الأصلية بواسطة ahmedmuslimengineer مشاهدة المشاركة

بعيدا عن كلام لينوفر عن تكفير الشيوخ لمن لا ينتخب مرسى عشان الكلام ده أظنه غير صحيح مطلقا
ما رأيكم أن غير واحد من الاخوان قال على أحد مرشحى الرئاسة أنه لن ينتخبه لأنه كالخوارج والشيعة والمعتزلة والكلام كان مكتوب على موقع الاخوان ذاته ؟ وهل يعد هذا تكفثيرا
وأيضا سمعت كلام من أحد الاخوان من قال على أحد مرشحى الرئاسة وأقسم أنه لو نجح سيخلع الحجاب عن النساء
وأحد قادة الاخوان المشهورون جدا قال إن من سينتخب أحد المرشحين قال عنه سيكون أثم مرتين
ملحوظة أنا إنتخبت مرسى فى الجولة التانية وسعيد جدا بقرارت كثيرة إتخدها

لو كان الكلام خارج عن فرد أو أفراد فلا يعبر إلا عن نفسه
لكن أن نجعل الأمر عاما فهذا ظلم فجميعنا والحمد لله مسلمين ولكل أنسان أجتهاده فى أختيار الأصلح