تويت
= إخفاء القدر عن العباد قد أبطل حجتهم أمامَ الله عزوجل .
بمعني : لما تقولى : ربنا عارف مين هيدخل الجنة , ومين هيدخل النار
نقولك : هل ربنا قالك إنه هيدخلك النار ؟
نعم أم لا
لو قلت : نعم ----- نعرف انك كذاب , ولا نناقشك أصلاً
لو قلت : لا ----- نقولك : طيب ازاي بتعترض على حاجة أنت أساساً متعرفش نتيجتها ؟
وبالتالي هيكون مثلك زي تلميذ فاشل , وهو قاعد بيمتحن , ترك الامتحان وانصرف , بحجة إن الاستاذ هيخليه يسقط فى الامتحان ده !!
فهل حُجته دي مقبولة ؟
فبالتالي ( إخفاء القدر عن العباد , لا يجعل للعبد حُجة أنه يعترض )
الخلاصة : لو معاك ورقة أو منشور إلهي بيقول إنك من أهل النار , اعترض زي ما انت عايز .
--------------
الشئ الثاني : لا تفصل إطلاقاً بين ثلاثية ( عدل الله , وعلم الله , وحِكمة الله عزوجل )
يعنى : ربنا عالم بأهل الجنة وأهل النار .... صح ؟
بس نعلم أيضاً إن ربنا له حِكمة لا نُدركها فيمن سيدخل النار ومن سيدخل الجنة , وإن ربنا ليس بظلامٍ للعبيد , يعنى ربنا لن يظلم أحداً
كُل المطلوب منك إنك تؤمن بالله عزوجل , وتعمل صالحاً , وتتقرب إليه بالفرائض والنوافل .... وربنا وعدك بالجزاء الأوفى
( فمن يعمل مثقال ذرةٍ خيراً يره , ومن يعمل مثقال ذرةٍ شراً يره )
فافعل الخير .... وظن بربك خيراً ... وظن بربك أنه ليس بظلامٍ للعبيد ... وهو يضمن لك الجنة بذلك
------------------------
الشئ الثالث : المنطق ال انت بتفكر بيه منطق فاشل تماماً
خلاصته : انا خلاص ما دام ربنا عالم من فى الجنة ومن فى النار , يبقى خلاص بقى سيبك من الأعمال غيره !!
أليس هذا هو تفكير السوء الذى تفكر فيه ؟
طيب : لما تصحي بكرة الصبح , لا تذهب إلى عملك , ولو مقدر لك ان الراتب يجيبك هيجيلك , ولو مش مقدر خلاص .
ها , هل بتعمل كده ؟
لو دخلت مثلاً على زوجتك ووجدتها تخونك , فإياك ثم إياك أن تعاقبها أو تطلقها أو تتعرض للخائن بسوء , لإنه مٌقدر عليها وعليه كده ...
هل هتعمل كده ؟
لو انت شايل ابنك الصغير على كتفك , فطعنه أحد بخنجر وقتله , لا تعاقبه , لإنه ( بمنطقك ) مٌقدر عليه كده
هل بتعمل كده ؟
- فلو احنا مشينا بالمنطق بتاعك ده , الدنيا هتخرب قبل الآخرة ,
وبالتالى للقاتل ان يقتل ( ويقول ربنا كتب عليا كده ) ,
وللزاني أن يزنى ويقول ( ربنا كتب عليا كده ) ,
وللمغتصب أن يغتصب أرضك أو بيتك أو شرفك ويقول ( ربنا كتب عليا كده ).....
خراااااااااااب ما بعده خراب .....
فهذا تفكير شيطانى , وحُجج فارغة تافهة لإنتهاك المحرمات , وبه خراب الدنيا قبل الدين .
---------------
فاستعذ بالله من هذا التفكير السئ .... وقل الحمد لله ... واعمل صالحاً .. .. وظن بربك خيراً .... تجد الجنة فى انتظارك .
( والله يدعواْ إلى دارِ السلامِ , ويهدي من يشاء إلى صراطٍ مُستقيم )
هو آخر الرسل للإنس والجــن ؟؟
تعليق