درس الأحد ( 162 )
هل كتبت الأناجيل لتطابق العهد القديم
الأب مسخوط
صباح الفل ياولاد
التلاميذ
صباح الخير يابونا
الأب مسخوط
عاملين إيه
التلاميذ
بخير يابونا
الأب مسخوط
لآ مؤاخذة ياولاد
حاخد من وقتكم دقايق
مايكل
إتفضل يابونا
تريزا
أنا متهيألي يا ميكى إن أبونا مسخوط مش معانا شايفاه مشغول بالظرف الكبير إللي طلعه من الشنطة
ميرى
يابونا
الأب مسخوط
قلت دقيقة واحدة
فصيح
خد راحتك يابونا
الأب مسخوط
معلش ياولاد
أصل الأم باتعة قبضتنى الجمعية وأنا جاى على هنا بعد ما نشفت ريقى مع إنه دورى
بس تقولوا إيه بقى
فحطيت الظرف فى جيبى وقلت لما أدخل للوعظة أبقى أعد الفلوس وأشوف مين إللي ما دفعش علشان قالتلي فيه نفرين لسه مادفعوش
نبيه
وطلعوا مين النفرين دول يابونا ؟
الأب مسخوط
أبونا محتاج وأبونا متردد
والاتنين الصراحة بيغّلبوا باتعة وفين وفين عقبال ما بيدفعوا
تريزا
تلات أباء فى الجمعية
الأب مسخوط
إللي في الجمعية كلهم أباء ماعدا الأم باتعة
إحنا تسعتاشر أب
ميرى
تسعتاشر أب !!
الأب مسخوط
وأم واحدة
وعلشان كدة ماحدش فينا وافق إن واحد منا يمسك الجمعية ومسّكنَاها لباتعة علشان ذمتها كويسة
ورغم كدة تملي تقبض الجمعية ناقصة ومش كاملة
تريزا
وليه ما تحطوش فلوسكم فى البنك أحسن
الأب مسخوط
الواحد بيخاف يحط فلوسه فى البنك لحد من اللصوص ينقب البنك ويسرقه ويبقى الواحد نقبه طلع على شونة
أو الدولة تأممه
وكمان مش ناقص أر
ميرى
قصد حضرتك
لو حد شاف دفتر الشيكات معاك
الأب مسخوط
وليه يكون معاى دفتر شيكات ؟
أنا لو حطيت الفلوس فى البنك بقول لو ، فإيه لازمته دفتر الشيكات طالما مش حاستخدمه
هو أنا عاوز أزود الفلوس ولآ أنقصها
وكمان مش حابقى محتاج إنى أسحب فلوس
ناصح
طيب لو محتاج فلوس خلال الشهر
تعمل إيه ؟
الأب مسخوط
عشان تبقوا عارفين الجمعية إللي داخلها يومية
يعنى بندفع يومى بس القبض شهرى
والقرشين إللي بيجولي كل يوم من هنا ومن هنا بأدفع منهم الجمعية كل يوم
فصيح
واليوم بكام
الأب مسخوط
خمسمياية
ميرى
ميكى ميكى
خمس المية يطلع كام
مايكل
لو قسمنا مية على خمسة
يبقوا عشرين جنيه فى اليوم
الأب مسخوط
خمسميت جنية
يعنى
مية ومية ومية ومية ومية
يبقوا خمس ميات مش خمس مية
التلاميذ
خمس ميات مرة واحدة
تريزا
عشرين واحد فى خمسميت جنيه فى اليوم يبقوا فى الشهر بكام ؟
مايكل
300000=500x30x20
تلتميت ألف جنيه
ميرى
عاوز تقول يابونا إن الظرف إلى معاك فيه تلتميت ألف جنيه
الأب مسخوط
مش بالظبط
هما ناقصين تلاتلاف وخمسمية جنيه
الخمسمية بتاعتى بتاعة النهاردة والأب محتاج عليه يومين بألف جنيه وأبونا متردد عليه أربع تيام بألفين جنيه
نبيه
وبتجيب الفلوس دى كها منين يابونا ؟
الأب مسخوط
ولاد الحلال كتير إللي عاوزنى أباركه وإللي عاوزنى أفك له عمل وإللي مربوط وعاوزنى أفكه وأربط إللي ربطه وإللي عاوزانى أعملها عمل بالمحبة وإللي ملبوسة وعاوزاني أطلع منها العفريت إللي راكبها
دميانة
حضرتك بتقول إنكم ممّسكين الجمعية للأم باتعة علشان ذمتها كويسة
طيب ولما ذمتها كويسة بتجيب الفلوس منين
الأب مسخوط
واحنا مالنا ما تجيبها من مطرح ما تجيبها ملناش دعوة
سوزى
مش تعرفوا مصدر الفلوس بتاعتها بتجبها من فين
الأب مسخوط
يعنى حيكون من فين ؟
ماهو بردو حيكون زينا كدة
يا بتعمل أعمال يا بتفك أعمال
ويا بتربط يا بتحل
وعلى فكرة كلنا شغالين فى كدة
بس هى ممكن تزيد عننا فى حاجات
لأن حسب ما بأسمع بتوضب البنات إللي حيتجوزوا
وماتنسوش إن السيد المسيح قال إن الواحد منا يقدر يحل ويربط
ناصح
عاوز أسئل سؤال يابونا بس مش عارف أسئل ولآ لأ
الأب مسخوط
إسئل ماتخافش
ناصح
إحنا مش بنتناول الرب فى القداس
وبيكون جوانا ومتحدين بيه
الأب مسخوط
والسؤال ده إيه علاقته بإللي بنتكلم فيه
ناصح
بس جاوبنى حضرتك
الأب مسخوط
أيوه يا سيدى
وعلشان كدة الواحد منا يقدر يشرب السم ويدوس الحيات والعقارب ولآ يجراله حاجة
مع إنى لو جيتوا للصراحة بخاف أدوس على الصرصار
ناصح
إومال إزاى يتربط ؟
الأب مسخوط
مش عارف إيه علاقة ده بده
فصيح
صحيح إزاى الواحد يتربط والرب جواه ومتحد بيه
الأب مسخوط
بصوا ياولاد لازم تعرفوا حاجة مهمة جدآ
هو مش معنى إن الرب جوانا ومتحد بينا يبقى كل واحد تحصل له حاجة تقوم تحصل للرب كمان
لأ ده غلط
أينعم هو متحد بينا وإحنا متحدين بيه بس إتحاد بدون إمتزاج ولآ إنفصال
مايكل
يعنى كل واحد ؟
الأب مسخوط
فى حاله إيه ياحمار
مايكل
هما مش متحدين بدون إمتزاج
يبقوا كل واحد فى حاله
بيشوى
إتحاد زى إللي بيحصل بين دولتين مع بعض
متحدين بس مش ممتزجين
يعنى كل واحد فى بلده
ميرى
إومال لما واحد فينا يتعور بنمص الدم ليه
مش علشان دم الرب متحد بدمنا
مايكل
إشمعنى فى الدم أه
وفى الربط لأ
كيرلس
بلاش الربط
بيقولوا إن الرب وهو قاعد مع تلاميذه قال إن واحد من تلاميذه حيسلمه
وبعدين غمس اللقمة وحط فيها العفريت وناولها ليهوذا وجايز يكون هو إللي حطها فى فم يهوذا
وعلشان كدة قالوا إن الشيطان دخل ليهوذا
تريزا
إيه ده ؟ لقمة وعليها غموس وفى الغموس عفريت
هى لقمة ولآ سندوتش
ميرى
هما كانوا قاعدين فى كنتاكى
كيرلس
مش القصد
إللي باقصده إن الرب أهو جاب الشيطان وشاله وحطه فى اللقمة وخلى يهوذا يبلعه إومال كان خايف منه ليه وإستخبى منه
رمزى
معنى كدة إن الرب بنفسه هو إللى خلى يهوذا يسلمه لما حطله العفريت فى اللقمة وإدهاله
طيب ليه الرب يقول ويل لهذا الانسان ليته لم يولد
مع إن يهوذا نفذ طلب الرب وأطاعه
مايكل
تعرف يابونا أنا بيتهيئلي إلأناجيل الكتبة كتبوها بحيث تمشى مع نبؤات العهد القديم
وأحدأثها ما حصلت فى الواقع
الأب مسخوط
قصدك الكتبة ألفوها
طيب إزاى يافالح
مايكل
لأن الواحد بيشوف إن النبؤات دى مش خاصة بالسيد المسيح بس الكتبة خصوصآ متى ويوحنا لما جم يكتبوا الأناجيل حبوا يخلوها تتوافق مع النبؤات الخاصة بناس تانية فى العهد القديم
الأب مسخوط
عاوز تقول إن الكتبة زوروا وكدبوا
مايكل
مش قصدى زوروها كلها
أنأ بأقول إنهم حشوا الأحداث
بأحداث لم يفعلها المسيح والغرض منها إنها توافق ما جاء فى العهد القديم على أساس إنها نبؤة
مش عارف إذا كنت حضرتك فهمت قصدى ولآ لأ
ميرى
قصدك ياميكى
إن الكتبة عارفين المكتوب فى العهد القديم وعلشان كدة لما جم يكتبوا الأناجيل كتبوا أكتر الأحداث ونسبوا فعلها للمسيح على اساس إن العهد القديم تنبأ بهذه الأحداث
مايكل
أيوه تمام
ومع ذلك الأحداث دى وقعت فعلآ لأصحابها فى العهد القديم وانتهت
وكان متى شاطر فى النقطة دى يحط الحدث بتاع العهد القديم ويكرره وينسبه للمسيح فى الانجيل
وبعدين يقول لكى يتم بالنبى القائل
ثم يذكر مقولة النبى وهى مقولة خاصة بمن عاش قديمآ قبل مولد المسيح وتحققت وقتها
مش عارف إذا كانت وصلت ولآ لأ
فصيح
وصلت
يعنى أن الأحداث الموجودة فى الانجيل أحداث مفتعلة وقد تم كتابتها بحيث تمشى مع نبؤات فى العهد القديم غير مختصة بالسيد المسيح ولكن نسبوها إليه بالزور
مايكل
تمام
الأب مسخوط
إيه هو إللي تمام
طيب مش تدينا أمثلة على كلامك
مايكل
بس كدة
طب خد عندك
يتبع بمشيئة الله