درس الأحد ( 180 )
فكر معانــــــــــــا
مع الأب كَفولة
سلام
التلاميذ
سلام
الأب كَفوّلة
أنا الأب كَفوّلة ومزمع أكون معكم فترة من الزمن ربما شهرهذا مدته
حنشوف مع بعض إيه إللي مش فاهمينه سواء فى الانجيل أو العقيدة وهل منكم من تأثر من سماع شبهات المسلمين حول الكتاب المقدس وكمان إللي عنده أى إستفسارعن نقطة وردت فى الانجيل ومش فاهمها يتفضل يقولها
الأول مين أعطاكم وعظة الاسبوع إللي فات
وكانت عن إيه؟
فلتس
إللي أعطانا الوعظة الأب شيب
الأب كَفوّلة
يااااه الأب شيب بنفسه
معقولة دى؟!
إنتوا متأكدين يا ولاد إنه أبونا شيب
فلتس
هو قال لنا بنفسه أنا أبوكم شيب
الأب كَفوّلة
ياااه أبونا شيب الوديع بذات نفسه ده إنتوا محظوظين يا ولاد
والوعظة كانت عن إيه؟
فلتس
كانت عن الخرفان
الأب كَفولة
أنهى خرفان؟؟؟
فلتس
التى تتوحم !!
الأب كَفوّلة
ما هو الكل بيتوحم
حدد مين فيهم؟
فلتس
يابونا أنا باتكلم عن الخرفااااان
الأب كَفوّلة
وليه بتمطها أوى مانا عارف إن الكلام كان عن الخرفان
بس أبونا شيب إتكلم عن مين فيهم بالظبط؟
فلتس
الكلام كان عن حكاية أبونا يعقوب عندما وضع الخوازيق لتتوحم عليها الغنم
الأب كَفولة
قول بقى إنك بتقصد الجنس الراقى من إخوتنا أصحاب القرون أم فروة ولية
بشارة
أصحاب الدفع الرباعى
الأب كَفوّلة
أنا إفتكرت الكلام علينا وإنه أعطاكم وعظةفى تثبيت الإيمان
على كدة عرفتم حكاية أبونا يعقوب والخازوق المغرّي إللي أخده من خاله لابان
عندما غشه خاله وزوجه ليئة بدلاً من راحيل
فإضطر أبونا يعقوب يرد له الصاع صاعين
فرد له الخازوق المغرّي خوازيق ملونة
وضعها للغنم لتتوحم عليها عند رؤيتها
حتى يأخذ المرقط منها والأبلق كأجر له من خاله نظيرخدمته له
ومع إن خاله وافق على ذلك إلآ إن أبانا يعقوب خدعه وفربك لماله،راحيل وليئة وجاريتهما والغنم والماعز والأبل حتى إن راحيل أخذت أصنام أبيها لابان معها وخبأتها فى حداجة الجمل فلم يعثرعليها أبيها عندما فتشهم واحتفظت بأصنامه معها
مين فيكم قرأ تفسير الاصحاح 31 تكوين
لأبونا تادرس يعقوب أو أبونا أنطونيوس فكرى
كاترين
لما باقرا لأى واحد فيهم بأحس إنى بأتخنق
الأب كَفولة
تتخنقى !!
كاترين
أصلهم بيربطوا أى كلام مكتوب بالمسيح والكنيسة
الأب كَفوّلة
إزاى الكلام ده؟
كاترين
بابا هو إللي قال
الأب كَفوّلة
ممكن تشرحِلنا إزاى لو سمحتى؟
كاترين
الوعظة إللى فاتت لما كنا بنتكلم عن أبونا يعقوب وحكايته مع خاله والحركة إللي عملها فيه
بابا جاب تفسير أبونا تادرس يعقوب من على النت وقعد يقرا وكلما يقرا شوية يضحك ويقول يا كداب يا غبى وبعدين يقرا شوية تانى ويقول يا كداب ياغبى لحد ما سئلته بتضحك على إيه يا بابا
قال لي على الكداب الغبى إللي بيريط كل كلمة بالمسيح والكنيسة، أهو وقع نفسه فى شر أعماله نتيجة غباءه وصدق على كلام المسلمين إللي بيقولوا إن الكنيسة عقيدتها وثنية وبيعبدوا الأصنام والصور فى الكنائس
قلت له زى ما حضرتك قلت لي بالظبط
إزاى الكلام ده؟
قال لي إسمعى بيقول إيه
إن كان يعقوب يشير إلى السيد المسيح فإنه يضم إليه كنيسة العهد الجديد (راحيل) بأبنائها وكنيسة العهد القديم (ليئة) بأبنائها ليحمل الكل معًا إلى كنعان السماوية... لكن لابان الوثني الذي يمثل إبليس لا يستطيع أن يقبل هذا الموكب السماوي فينطلق بجنوده ليعوقه فيفشل تمامًا.
وإنه اقتنانا كعروس له، سواء كنا من الأمم كراحيل أو من اليهود كليئة، ليحملنا بأولادنا أي ثمار الروح وغنمنا أي ثمار الجسد المقدس وكلما أقتناه فينا من تقديس للحواس والفكر والمواهب والطاقات ينطلق بنا من أرضنا من فدان آرامل يعبر بنا لانهر الفرات كيعقوب وإنما نهر المعمودية المقدسة انتهى
طيب ماهى ليئة هى الأخت الأكبر لراحيل
وأباهم هو لابان
كما إن راحيل التى يقول إنها ترمز للكنيسة الجديدة أخذت أصنام أبيها وخبأتهم فى حداجة الجمل ثم إحتفظت بتلك الأًصنام
أى إن الكنيسة إحتفظت لنفسها بالأوثان
الأب كَفوّلة
ياااه مع إنى قرأت هذا التفسير لأبونا تادرس يعقوب لأنى أحبه ومعجب جداً بحنكته وطريقته فى التفسير وربطه الحابل بالنابل والحامل بالخامل والبطاطا بالقرع العسلى ومع ذلك لم ألاحظ حكاية إحتفاظ راحيل التى تمثل الكنيسة الجديدة بأوثان أبيها
وأكيد هو كمان مش واخد باله لما ربط ده بده
سامح
أكيد قال فى نفسه مفيش حد حياخد باله
لأنه عارف إن إللي بيقروا تفاسيره ما بيفكروش وما بيفهموش
الأب كَفوّلة
هو حد بيقرا تفاسيره إلآ أباء الكنيسة
نجفة
هى الوعظة دى حتكون هى كمان عن الخرفان
مادلين
عندك حق
عاوزين نخرج بقى من الزريبة دى علشان نشم نفسنا شوية
سامح
كنت عاوزأسئل سؤال يابونا
ممكن؟
الأب كَفوّلة
إتفضل
سامح
عندما أخبر السيد المسيح تلاميذه إن أحدهم سيسلمه
لحظة واحدة أطّلع الانجيل
أهو
الأب كَفوّلة
إنت حتقرا من أى انجيل؟
سامح
تحب أقرا لحضرتك من مين؟
الأب كَفوّلة
مش لما أعرف الأول سؤالك عن إيه؟
سامح
عن يهوذا
الأب كَفوّلة
الأسخريوطى
سامح
أيوه
أأقرا من متى
الأب كَفوّلة
إقرا
سامح
26: 20 ولما كان المساء اتكا مع الاثني عشر
26: 21 وفيما هم ياكلون قال الحق اقول لكم ان واحد منكم يسلمني
26: 22 فحزنوا جدا وابتدا كل واحد منهم يقول له هل انا هو يا رب
26: 23 فاجاب وقال الذي يغمس يده معي في الصحفة هو يسلمني
26: 24 انا بن الانسان ماض كما هو مكتوب عنه ولكن ويل لذلك الرجل الذي به يسلم ابن الانسان كان خيرا لذلك الرجل لو لم يولد
26: 25
فاجاب يهوذا مسلم هو قال هل انا هو يا سيدي قال له انتقلت
الأب كَفوّلة
يا بنى ماتقول لي عاوز تقول إيه وتريحنى
سامح
دلوقت السيد المسيح قال لتلاميذه واحد منكم حيسلمنى فكل واحد منهم بدأ يسئله هل أنا هو يا معلم
الأب كَفوّلة
يا رب مش يا معلم
سامح
ما هو كلمة رب يعنى يا معلم
نجفة
كمل يا سامح
الأب كَفوّلة
أنا إللي أأقوله مش إنت
كمل يا بنى
سامح
فالسيد المسيح قال إللي حيغمس يده معاى فى الصفحة
الأب كَفوّلة
فى الصحفة مش الصفحة
سامح
ماشى فى الصحفة
وقال الويل للإنسان ده
والويل يعنى العذاب الجامد
صح؟
الأب كَفوّلة
خلص فلقتنى
سامح
فيهوذا سئله هل أنا هو يا سيدى فرد عليه السيد المسيح وقال له أنتقلت
الأب كَفوّلة
هو إنت حتعيد الكلام من تانى ما إنت قريته قبل كدة
سامح
طبعاً المشهد ده
الأب كَفوّلة
مشهد إيه؟
سامح
بأقصد إللي حصل ده كان قدام التلاميذ
الأب كَفوّلة
قدام !!
ما هو يا حبيبى كلهم سئلوه
سامح
لو سمحت حضرتك إدينى فرصة أتكلم
لما حضرتك بتقاطعنى مش بعرف أركز كويس
الأب كَفوّلة
طيب يا فالح عاوز تقول إيه وخلصنى
سامح
دلوقت التلاميذ عرفوا إن يهوذا هو إللي حيسلم يسوع لما السيد المسيح قال ليهوذا أنتقلت
الأب كَفوّلة
إفرض إنهم عرفوا
سامح
المفروض إنهم يراقبوا يهوذا طول الوقت
مظبوط؟
الأب كَفوّلة
يا بنى هو إنت بتسئل وترد على نفسك
سامح
صبرك يابونا التقيل جاى ورا
نجفة
تقيل إيه يا سامح إنت عاوز تخوف أبونا

يتبع بمشيئة الله