تويت
رسائل غزة
مجموعة رسائل
تبادلها شاب يعمل في إحدى دول الخليج مع أمه في مصر
وذلك وقت الحرب على غزة ..
تبادلها شاب يعمل في إحدى دول الخليج مع أمه في مصر
وذلك وقت الحرب على غزة ..
تأليف: دكتور نبيل بهجت
-
الرسالة الأولى:
من الفتى للأم
الله علينا .. ف الكلام شاطرين
إمتى يا صاحبى يبقى لينا ديار ؟
والعار مالينا من نهار لنهار
متبرقعين كالنسا
متعصّبين بالبكا
متلفّحين بالعار
يا امّه يا والده العرب
صومي بدل ندْرك
قلتي ولدتي أسد .. بسِّ الحقيقه .. حمار
قولي جبان خاين
قولي ما شئتِ
الشمس راح تنكسف
ولا شيء حا يتغيّر
لا عمري شلت السلاح
ولا رفعت الراس
قولي جبان خاين
أنا مش حاجيب التّار
وأكبر ما عندي كلام
يسكت .. إذا المُخبرأمر بذلك يا امّه
غزلت صوف الكلام
شال يدفِّيكي
وحبل يرضي المقدّم إذا أمر يا امّه
وانام لعيشي زيّ ما قالوا
ويوم تقولى : غزّه
هاودِّي عيني بعيد لحسن اتأذّي
خايف على شعوري من منظر الميتين
شُفتِ الشجاعة ازّاي؟
يا امّه الكلام ببلاش
وانا ممكن احكيلك
من ستِّنا حوَّا
قولي جبان خاين
مش قادر اتكلِّم
والجبن مالي القلب وانتِ اللي قولتي زمان
"طاطي لعيشك يا إبني .. دي الحياه صعبة
وادَّارَى جنب الحيط .. وبلاش كلام فاضي
واوعاك تقول لأ ..
حتَّى الشهادة انساها"
شفتي النتيجه إيه ؟
النور بيتغمّي
والشمس ناويه تسيبنا
والبحر يا امّه ميِّتُه بتغلي
واحنا مازلنا
بايعين ضميرنا .. ويَّا حبّة غاز -
الرسالة الثانية
"لم ترد الأم على رسالته الأولى
فأرسل لها هذه الرسالة"
يا امّه الكريمة : عواف
باكتب وانا خايف
لـَيوم يطيش الكلام
والله يا عزيزة ما عدت فاهم شيّ
الحبر جفّ خلاص
والقلب أصبح نَيّ
وعشت باحلم ببكره
اللي حلف ما هو جيّ
وفضلت أطير كالحمام
في عشِّة الوالي
لا يومي طُلْتِ السما ولا قلت انا عالي
وفضِلت اربِّي اليمام مَزَّة لمولانا
وارضى ببيع الضّنَى
علشان شعير أو فول
أنا اللي كنت السما
باطويها يا امّه طيّ
الهمّ خدت عليه
أصبح رفيق العمر
يذيعوها ف الاخبار
من يوم ما شفت النور
غزّة وحيفا ويافا
هوّ الوطن كان فين؟
في قلبي شلت الوطن
صبح الشتات عمِّي
يا امّه العزيزة : عواف
إن كانت المراسيل
تايهة في بحر سلام
باكتب كتاب الموت
على جِتّتي ف اقريها
لما تجيلك عايمة
وفي صمتي خبِّيها
بيزيعوا ف الأخبار
أعداد تِزيد وِتْقِل
والله يا عزيزه
مبسوط من النشره
ومن النشيد والغنوة
وما عدت عايز شيّ
حادعي واصلّي كمان
للكورة والملعب
ومتزعليش منّي
إن كنت باكتبلكتعليق
-
الرسالة الثالثة:
"لم ترد على رسالته الثانية أيضًا
فأرسل إليها هذه الرسالة"
لسّاكي زعلانة
يا امّه ما بترُدِّيش
والله يا عزيزة ما عدت تاني ح قول
يا امّه في جوفي نوم
صاحي ما راضي ينام
مستنّي جواباتك
وجاني يا امّه كلام
الحج ابويا الحج
زعلان كمان منّي
وحلف كمان الخال انه ح يقتلني
علشان طلِعْت جبان
ازيّ بنتُه عزيزة
ووليدها كيف يا امّه
مش هوّ يا امّه حُكْم لازم اجيب الفرش والعفش والشقّة
يا امّه سواقي دايرة والعبد متغمّي
والله لسّه يا دوب جايب تمن شبكتها
في الغربة يا عزيزة
يقع الكلام م الخشم لو حدّ حبّ يقول
وساعات يموت صاحبُه غرقان في بحر كلام
من يوم ما اخويا اتقتل علشان كلامه
سكِت
وانا قلت اطمِّنكم
أخويا لما انقتل واللهِ يا امّه
سكت
حابعتلك التسجيل ومعاه كمان محمول
هيّ الجاموسة عُشْر
وللاّ اتقطع خِلْفِتْها؟
فاكرْ كلامِك يامّه
"الدنيا يا وليدي محصورة بين شقِّين
فارس هُمام وشجاع
وجبان يعيش بالدين
سدّدت كل ديوني وبقيت مع الفرسان"
يا امّه جوابي الجاي والله لاحكيلك
كام مره يا امّه عشقت
فاكر كلامك يا امّه
"كل النِّسا هاتحبك
اصل انت يا ابني حنيِّن"
نفسِك تشوفي طَرْحِي
بسِّ النِّسا في الغربه ماعدوش يحبُّوا حد
آخر كلامي سلام للحج ابويا الحج
ولخالي ولعمّي
آه
هاجيب لُه يا امَّه العَقدتعليق
-
الرسالة الرابعة:
"بعد الخطاب الثالث
ردّت عليه أمه وهي تبكي"
يا وليدي
جاني جوابك
ويا ريت ما جاني .. الهمّ
كنت استهجّى فيه
تسقط دموعى دم
الخطّ يا وليدي
خطّيته جنب الخط
ورميت تقاوي القطن
لمّا طرح زهره
عملت منّه اكفان
لاخواتك الميّتين
كل العرايس لبسوا
إلاّ عروسة اخوك
جيّالي من غزّه
ملفوفة جوّه الخيش
والدم منها ينِزّ
شايِلْها طير السما
بيحنِّي بيها السحاب
ينقش على كفوفه
ملعون أبو اللي يخاف
إفضل يا ولدي مطاطي
واوعى تعلِّي الراس لحدّ ما يقصّوها
تصبح يا ولدي رماد تنداس بأوسخ رِجْل
اشمعنى يعني فاكرها؟!
طاطي لعيشك طاطي
وادّارَى جنب الحيط
أنا كنت يا ابني وليّه لما سبقني ابوك في حرب سته اكتوبر
وقالِّي: يا سعديّه ربِّي رجالي صح
أنا بِعت شعري عليك
علشان تطول السما
رايح تجيب تسجيل ومعاه كمان محمول
اشمعنى يعني نسيت كلامي عن عيشة
وعن الزُّبير وفاطنه
على فكرة يا وليدي حنِّيت بإيدي قبري
وبنيت هنا مَعْزَى باخُدْ عزاك جوّاه
والله يسامحك يا ابني زعّلت قبر ابوك
أقول لّه إيه لو شُفته
أو ربِّي يا ابني كشف لُه
اللي كتبتهولى
لو كنت حقّ وليدي
خُدْ م الحياه فرصة علشان تموت راجل
وللاّ كفيلك عجَبك .. واللحمة يا ابني طابت
الأرض يا ابني ماتت زيّ الضّنَى ف غزّة
والله ما حدّ زرَعها
ماعدشِ فيه أنفار
وانا بدّي اقولّك حاجة
قطّع عقود الخال والحج ابوك الحج
وان عشت يا ابني جبان
فيه ناس ف غزّة تموت
ع الأرض رجّالةتعليق
-
الرسالة الخامسة
"بعد أن وصلته الرسالة الرابعة
قرر أن يبدأ رحلة النضال وأن يرحل نحو غزة
وأرسل إلى أمه يقول"
لمّا إيجالي جوابِك
أنا رحت لكفيلي
عشان أجيب ورقاتي
قالِّي حماس تستاهل
برضَكْ ما صدّقتوش
خَدْ عقدي يا امّايا
ورماني ف السرداب
لمّا لقاني باقول أنا بدِّي أروح غزّة
وطفشت منّه
هربت
ماشي في أرض الله
من غير ورق ولا مال
ووقفت ع الأردن
سألوني رايح فين؟
: بدّي أروح غزّة
سألوني وانت منين؟
قلت اللسان عربي
دِلّوني يا اهل الله غزّة طريقها فين
والليلة يا امّايا الناس هنا شاربين
قال إيه
دي راس السنة
فِضْلُوا يغنُّوا فين
غزّة حدودها فين؟
خطِّيت عليهم يا امَّه
ورميت تراب فوق راسهم
أصل الحدود مسطوله ولحدّ غزه تفوق
ولقيت وِلِيّه عجوز
قاعده ترصّ القول
على بُعد ميت خطوة تلقي اخوك مقتول
والناس هنا عم تسكر
واهو يوم يفوت وار يوم
والجرح عبّى صديد
والعجز صاب الإيد
أصل العرب نايمين
زيّك يا بحر الموت
قولتلها يا امّايا
غزّة طريقها فين
لا زاد ولا ميّا
ماشي بقى لي يومين
قالتلي ياضنايه
غزّة في حلقي تغُصّ
قاعدة بقالها سنين
مسألشي عنها حدّ
اشرب من الميّة وادّارى جنب الخُصّ
حتلاقي بدر معاها
واقفة بتستناك
اكتِم مسيرك يا ابنى
لو عرفوا انك رايح حيقتلوها معاك
ولو قابلت سُراقة
قولُّ له النبي وصّاك
حتلاقي طير البر والعنكبوت والغار
يا ابني بقُم حُرّاس
وادَّتني يا امّه سلاح،
غطتني يا امّه بشال والله يشبه شالك
خدت الطريق م الفجر
ووصلت يا امّه هناك
ع المعبر المقفول
معلش يا امّه سلام
حاختم جوابي الآن
شايف عساكر جايه
شايلين ف إيدهم شوم
والله مانا عارف
ف غزة ولا ف مصر
الضرب اهو شغّال
وادعيلي يا امّه وبس
يتبع بمشيئة اللهتعليق
-
بسم الله الرحمن الرحيم
موضوع هام .......يعبر عن ما بداخل قلوبنا وعقولنا من أحداث واقعنا
المؤسف الحزين الذى لا نزال نعيشه حتى الآن ......
أتابع معك أخى الفاضل (( الساجد )) .......
تعليق
-
-
الرسالة السادسة:
"وفور وصوله إلى غزّة كتب إلى أمه"
فيه ناس هنا يا امّه يتقاسموا في اللقمة
زي النبي في الشِعب
ولا فيش دقيقة تفوت
من غير ما نسمع صوت
بيزفّ ف الشُّهدا
أمّ لضناها تقول:
"إنت النهارده عريس
حيجوّزوك الحور
وان شفت يا ابني النبي
قولُّ له ورايا الشُّهدا
واقفين كده بالدور"
اليُتَمى يا امّه يعيشوا علشان يجيبوا يتامى
يصبح أبوهم قبر
والله يا امّه الغارة بتجيب معاها الغارة
والناس بتاكل صبر
همّا العرب
راحوا فين؟
المُهر يا امّه شكانا انّ الحمار رِكْبُه
كان نفسه ييجي معنا بس الجبان لَجَمُه
هيّ القيامة قامت؟
ولاّ بقيلها يومين
علشان نحطّ الإيد في حضن أنجس إيد
والناس هنا حافظين الشّجب والتّنديد
والقِمّة يا امّه بتخلص لحمة ف قلب ثريد
والناس حداكم تسمع
إنّ الأراضي اتباعت وكلّ شيء مظبوط
والله يا امّه ما باعوا
وكلّ ده بالغصب
وانا برضو ياما سمِعت
إنّ الأراضي حدانا
سِكّتها مفتوحة
أمانة يا امّه أمانة
لو شبر أرض هاتيه
قبل الغريب ما ياخدها
وياكل ضنانا فيه
دلوقتي يا امّه شايفها
دبّابة جايّة عليّه
والبندقيّة فِضْيِتْ
معادشِ فيها رصاص
بيعي الجاموسة
وهاتي حبّة رصاص لينا
أصل العرب مزنوقة
وماعدش فيه بترول
والمونة واقفة هناك
مش عارفة تيجي لروحها
قال إيه مافيش أنفار
يا امّه قوليلُه ……
لو غزّة كانت واحدة
كانوا راحو ليها طيران
يرجع في نفس الليلة
بس المصيبة .. غزّة طلعت شريفة يا امّهتعليق
-
الرسالة السابعة:
"عثمان بعتها رسالة"
مين اللِّي غيّر مين؟
مين اللي فضّ الخِتْم وغيّر الأقوال ؟
حَطّ ف بدايته سلام
سلمُه دبح ملايين
والله يا امّه ما قتله غير اللي حاصروا السور
هيّ الحقيقة يا امّه
من يوم ما صدّقناهم
سمكرنا باب حِطّين
باحلِف بجيش العُسرة والهِجرة والمشوار
إنّ العرب خايفين
عايزين يجيهم نبي وللاّ صلاح الدين ؟؟
والله النبي لو جاهم ليبيعوا دمُّه كمان
ويقولوا حُكْم القوي
و انتَ النبي ليك ربّ
البحر يا امّه حاصرنا والمعبر المقفول
ولا فيش رغيف هايجيلنا
ولا حتى قدرة فول
فِكّوا الحصار يا اهل الله دي الخطّه مكشوفة
عملوها مع بغداد
بكره عليكوا الدور
جرس المعونة وصلنا
هيّ المعونة صوت؟؟؟؟
يا امّه الغنم تتّاكل
كده راس وراها راس
لو متنا يا امّه ف "غزّة" قولي سلام على " فاس"
نزلِتْ كلابهم يا امّه ع الأرض تنهشنا
يا امّه العدو بيقول
إنّ السلاح العربي
بايظ ملوش مفعول
طب يا امّه مين الفاعل
اللي نصب على طول ؟
يا امّه اسأليلي بجدّ
لو كلت لحمة حدّ
وشربت يا امّه صنانه ينفع أصلّي تاني؟
يا امّه أمانة قولي لي:
همّا العرب عايشين؟
لو ماتوا برضو قولي لي:
أروح اعزِّي فين ؟تعليق
-
بسم الله الرحمن الرحيم
السلام عليكم ورحمة الله وبركاته
بارك الله فيك اخي الحبيب
_الساجد_
{وَمَا لَكُمْ لاَ تُقَاتِلُونَ فِي سَبِيلِ اللّهِ وَالْمُسْتَضْعَفِينَ مِنَ الرِّجَالِ وَالنِّسَاء وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا}
(75) سورة النساء
تعليق
-
جميلة جدا جدا انا عملتلها حفظ فى الملفات عندى من جملها وان شاء الله اقولها فى السنة الجاية فى الجامعة لو عشت وقدر لى الله البقاء مع شوية إضافات
اخى الســـــــــاجد ...... متألق فى هذا الموضوع مع اننى لم اقرأ لك الكثير ولكنى عرفت شيمتك وهى الفنُوعلى الرغم من عمق الألم : ما زال قلبى تسكنه السكينة والطمأنينة والثقة بأن آخر هذه المحنة ستتمخض لصالحنا ويخسأ الفسقة والطغاة , وسيكون فرجٌ بعد الشدّة ,وفرحٌ بعد الحزن ..قد ننتظر .. واثقين أن الرياح ستدفع شراعنا !( محمد أحمد الراشد )تعليق
-
الرسالة الثامنة:
"وردّت أمه تقول "
ولدي العزيز الغالي
بعد السلام الحُرّ
والله يا وليدي
حنّيت كفوف إيدي
من فرحتي ورجليّه
والأرض يا وليدي تطرح روايح فُلّ
دايره اقول للخلق
"أنا ليّ ولد هناك دايس على الجنّة"
زارني أبوك امبارح
وقالّ لي يا سعديّة
غزّة دي باب جنّة
شُفْتَك يا ولدي هناك
فارس تصدّ الضرب
والله يا ابني لولاكوا
كانوا هدّوا باب دارنا
أصل الحكايه يا ابني
غزّة صبيّة عفيّة قيّد إيديها عمّ
خدها ورماها يا ولدي ف حض أغوط يَمّ
وقالّ لها عومي
صرختْ بأعلى صوت فِكّ القيود يا عمّ
قال الكنوز تطلع لو عومتي جوّا القيد
والسِّحر راح ينفكّ
ضحكوا عليك يا عمّ دانا كنزي جوّايا
هو النّسب والدّم
وازّاي تفرّط فيه
فاكر بموتي تعيش
أو حدّ راح يحميك
ازّاي تصالح ديب
صُلْحِ الغنم يا عمّ؟
وانت يا ولدي معاها بتعينها ع التيّار
يا ابني الحسين اتقتل ف الوقت ده بالظبط
كان وَحْدُه واتحاصر
لا زاد ولا ميّه
عاش الحسين جوّانا
فاكر اللّي قتلوه مين؟
الدنيا خلصانة
وكلنا رايحين
والحقّ يا ابني بيفضل
موت الحسين ما نهاه
لو رحت يا ابني معاه
ازّاي تشيل الهّم
أنا حاسّه يا ابني بضيقك
عارفه بتسأل ليه
عن أكل لحم الميّت
يا ابني وصَلنا الموت
جوّه المدارس والجوامع والحارات
زعلان من الساكتين
صحّ
فاكر يا ولدي زمان
بعد صلاة العصر
كنت اقعد احكيلك انّ الشهاده نصرتعليق
-
-
تعليق
.gif "أنظر أسفل :(293):")
مسلم
اكتشف المزيد حول _الساجد_
| المواضيع | إحصائيات | آخر مشاركة | ||
|---|---|---|---|---|
|
ردود 0
324 مشاهدات
0 ردود الفعل
|
بواسطة إبراهيم صالح
|
||
|
رد 1
3,376 مشاهدات
0 ردود الفعل
|
بواسطة امجد المسلم
|
||
|
ردود 7
3,083 مشاهدات
0 ردود الفعل
|
بواسطة ayatmenallah
|
||
|
ردود 0
3,087 مشاهدات
0 ردود الفعل
|
بواسطة @مريم@
|
||
|
|
رد 1
505 مشاهدات
0 ردود الفعل
|
بواسطة إبراهيم صالح
|
||
|
رد 1
2,423 مشاهدات
0 ردود الفعل
|
بواسطة fares_273
|
||
|
ردود 0
1,158 مشاهدات
0 ردود الفعل
|
بواسطة مصر المسلمة
|
||
|
ردود 2
1,838 مشاهدات
0 ردود الفعل
|
بواسطة mhd_siam
|
||
|
رد 1
2,263 مشاهدات
0 ردود الفعل
|
بواسطة مُحمد
|
||
|
ردود 4
691 مشاهدات
0 ردود الفعل
|
بواسطة أحمد عبد الرحمن بدوى
|
||
|
|
ردود 16
1,428 مشاهدات
0 ردود الفعل
|
بواسطة د.أمير عبدالله
|
||
|
ردود 11
6,977 مشاهدات
0 ردود الفعل
|
بواسطة begad wafa
|
||
|
|
رد 1
52 مشاهدات
0 ردود الفعل
|
بواسطة د. نيو
|
||
|
ردود 21
14,044 مشاهدات
0 ردود الفعل
|
بواسطة د.أمير عبدالله
|
||
|
ردود 13
6,496 مشاهدات
0 ردود الفعل
|
بواسطة عبدالمهيمن المصري
|
| المواضيع | إحصائيات | آخر مشاركة | ||
|---|---|---|---|---|
|
ردود 793
89,428 مشاهدات
0 ردود الفعل
|
بواسطة منى رضوان
|
||
|
ردود 610
73,496 مشاهدات
0 ردود الفعل
|
|
||
|
ردود 479
67,480 مشاهدات
0 ردود الفعل
|
بواسطة أمين القسنطيني
|
||
|
ردود 364
29,703 مشاهدات
0 ردود الفعل
|
بواسطة قلب ينبض بحب الله
|
||
|
ردود 317
40,781 مشاهدات
0 ردود الفعل
|
بواسطة مسلمة وافتخر بالاسلام
|
تعليق